Yoxuwa 8:2 - Xitsonga (Bibele)

² U ta endlela Ayi ni hosi ya yena kukota leswi u swi endleleke Yeriko ni hosi ya yena ntsena mi ta titekela vukosi bya yena ni swifuwo swa yena. Veka vanhu endzhaku ka muti, va wu tumbelela.”

BIBELE Mahungu Lamanene

² U fanele ku endla muti wa Ayi ni hosi ya wona leswi u swi endleke muti wa Yeriko ni hosi ya wona; kambe leswi mi nga ta phangha eka wona ni swifuwo leswi mi nga ta swi teka swi ta va swa n'wina. U fanele ku veka vanhu endzhaku ka muti lowu, va tumbelela vaaki va wona.”

Yoxuwa 8:2 Referans Kwoze

Duteronoma 20:14

Loko va ri vavasati ni vana ni swifuwo, ni hinkwaswo leswi nga ta va emutini, nhundzu ya wona hinkwayo u ta yi teka yi va ya wena, u ta dya xuma xa valala va wena, lexi Yehovha, Xikwembu xa wena, a ku nyikeke xona.

Swivuriso 13:22

Munhu lonene u siyela vatukulu ndzhaka, Kambe rifuwo ra mudyohi ri siyeriwa la lulameke.

2 TIKRONIKA 20:22

Kutani kakuloko va sungula ku yimbelela hi ku tsaka ni ku dzunisa, Yehovha a vekela vana Vaamoni ni Vamowabu, ni va ntshava ya Seyira lava teke ku pfuka Yuda, varindzi, kutani va hluriwa.

Yoxuwa 6:21

Va yirisa hinkwaswo leswi nga emutini, vavanuna ni vavasati ni lavantshwa, ni va khale, ni tihomu, ni tinyimpfu ni timbhongolo, va swi dlaya hi matlhari.

Yeremiya 51:12

Yimiselani rirhangu ra Babilona mujeko, tiyisani valanguteri, vekani tindzaveti, mi lunghisa marindzi! Hikuva Yehovha, na yena, u kanerile, kutani a ri karhi a endla leswi a swi vuleke hikwalaho ka vaaki va Babilona.

Yeremiya 17:11

Loyi a hlengeletaka rifuwo hi mukhuva lowu nga lulamangiki, i n'hwari leyi fukamelaka leswi nga tshikeriwangiki hi yona; exikarhi ka masiku ya yena u ta swi tshika, kutani eku heleni ka yena, u ta va xihunguki.

Swivuriso 28:20

Munhu la tshembekaka u fuwile mikateko, Kambe la navelaka ku fuwa hi ku hatlisa, a nga ka a nga pfumali nandzu.

Pisalema 39:6

Kunene munhu wa fambafamba kukotisa ndzhuti, Va endla nkitsikitsi ku kuma swahava; U hlengeleta rifuwo, kambe a nga tivi la nga ta dya rona.

2 TIKRONIKA 13:13

Kavaloko Yerobuwamu a va rhendzela hi le ndzhaku hi vatumbeleri; kutani nyimpi ya yena yi langutana ni va Yuda lava rhendzeriweke hi le ndzhaku.

Yoxuwa 10:28

Hi siku leri, Yoxuwa a teka Makeda, a wu heta hi matlhari, kutani a yirisa hosi ya wona, ni hinkwavo lava hanyaka lava ngi va ri eka wona; a nga tshikanga mubaleki, kambe a endlela hosi ya Makeda kukotisa leswi a endleleke hosi ya Yeriko.

Yoxuwa 10:1

Adoni-Sedeke, hosi ya Yerusalema, kuteloko a twile leswaku Yoxuwa a tekile Ayi, a va a wu yirisa, ni leswaku a endlele Ayi ni hosi ya kona kukotisa leswi a endleke Yeriko ni hosi ya kona, ni leswaku vaaki va Gibiyoni a va kumile ku rhula ni Vaisraele, ni leswaku a va ri exikarhi ka vona,

Yoxuwa 8:24

Kuteloko Vaisraele va hetile ku dlaya vaaki hinkwavo va Ayi emasin'wini, ni le nhoveni, laha va va hlongoriseke kona, ni loko hinkwavo va wile hi vukari bya tlhari ku fika eka lowa ku hetelela, Vaisraele hinkwavo va tlhelela eAyi, va wu hlasela hi tlhari.

Yoxuwa 8:19

Kuteloko a tshambulutile voko ra yena, vatumberi va hatlisa va pfuka laha ingi va ri kona, va tsutsuma va nghena emutini, va wu teka, kutani va hatlisa ku wu hisa hi ndzilo.

Yoxuwa 8:14

Kakuloko hosi ya Ayi yi vona sweswo, vanhu va muti va pfuka nimixo, va hatlisa va huma ku ya hlangana na Israele ku lwa na yena ni tiko ra yena hinkwaro, va ya hlengeletana endhawini leyi hlawuriweke emahlweni ka nkova; kambe a nga tivanga leswaku va kona lava n'wi tumbelelaka endzhaku ka muti.

Yoxuwa 8:12

Kavaloko a teka vanhu lava lavaka ku va 5 000 kutani a va veka va tumbela, exikarhi ka Betele na Ayi, evupeladyambu ka muti.

Yoxuwa 8:9

Yoxuwa a va rhuma kutani va suka va ya tumbela, va ya yima exikarhi ka Betele na Ayi, evupeladyambu ka Ayi; kambe Yoxuwa a tshama vusiku lebyi exikarhi ka tiko.

Yoxuwa 8:7

Loko mi ri n'wina, mi ta pfuka eku tumbeleni mi ta nghena emutini, kutani Yehovha Xikwembu xa n'wina, xi ta wu nyiketa emavokweni ya n'wina.

Duteronoma 3:2

Kambe Yehovha a ku eka mina: ‘U nga n'wi chavi, hikuva ndzi n'wi nehile emavokweni ya wena, yena ni vanhu va yena hinkwavo, ni tiko ra yena, u ta n'wi endla kukotisa leswi u nga endla eka Sihoni, hosi ya Vaamori la akeke eHexiboni.’

Yoxuwa 8:3

Kavaloko Yoxuwa a pfuka a ri ni vanhu hinkwavo lava hlomeke ku ya lwa na Ayi, kambe Yoxuwa a hlawula vanhu va 30 000, ti nga tinhenha, a va rhuma nivusiku,

Yoxuwa 8:8

Kutakuloko mi tekile muti, mi ta wu hisa hi ndzilo. Mi ta endla hilaha Yehovha a leriseke hakona. Vonani, ndzi mi lerisile sweswo.”

Duteronoma 2:35

Ntsena hi titekele swifuwo, ni leswi phangiweke emitini leyi hi yi tekeke.

Yoxuwa 9:3

Kambe vaaki va Gibiyoni, kuteloko va twile hilaha Yoxuwa a tirheke hakona na Yeriko na Ayi,

Yoxuwa 11:14

Vana Vaisraele va avelana xuma hinkwaxo, ni swifuwo swa miti leyi, kambe va dlaya hi tlhari vanhu hinkwavo va ko va va heta kunene va nga siyanga munhu.