Yoxuwa 8:16 - Xitsonga (Bibele)

¹⁶ Kutani tiko hinkwaro leri nga emutini ri hlengeleta hi huwa leyikulu ku va hlongorisa; kutani va hlongorisa Yoxuwa, va kokiwa ekule ni muti.

BIBELE Mahungu Lamanene

¹⁶ Kutani vanhu hinkwavo va muti wa Ayi va vitaniwa leswaku va ya hlongorisa Vaisraele. Loko va ri karhi va hlongorisa Yoxuwa, va yile va ya fika kule ni muti wa Ayi.

Yoxuwa 8:16 Referans Kwoze

Vaavanyisi 20:31

Kutani vana va Benjamini va huma ku ya hlangana ni nyimpi, kambe va kokeriwa ekule ni muti, kutani va dlaya van'wana vanhu kukotisa eku sunguleni, endleleni leyi tlhandlukelaka eBetele ni le ndleleni leyi yaka eGibeya, exikarhi ka nkova, va dlaya Vaisraele va 30.

Nhlavutelo 16:14

Hi yona mimoya ya mademona leyi endlaka mahlori, leyi yaka eka tihosi ta misava hinkwayo ku ta ti hlengeletela ku lwa ka siku lerikulu ra Xikwembu xa matimba hinkwawo.

Pisalema 9:16

Yehovha u tikombisile, u lulamisile timhaka, U phasile mudyohi hi mitirho ya mavoko ya yena.

Yoxuwa 8:17

A ku nga salanga munhu ni un'we eAyi na Betele la nga humangiki ku ya hlongorisa Israele; va siya muti wu pfuriwile va landza Israele.