Yoxuwa 7:21 - Xitsonga (Bibele)

²¹ Ndzi vonile exumeni nguvu leyo saseka, ya Xinara, ni madzana mambirhi ya tixikele ta silivhere, ni nsuku lowu vumbiweke wa tixikele ta 50 ta ku tika, ndzi swi naverile, ndzi va ndzi swi teka; kutani waswivo, swi fihliwile emisaveni entsongeni wa mina, kambe mali yi le hansi ka swona.”

BIBELE Mahungu Lamanene

²¹ Exikarhi ka swilo leswi a hi swi phanghile, ndzi vonile xiambalo xo saseka lexi humaka eXinara, ni silivhere yo tika 2,4 kg, ni gadi ra nsuku ro tika 600 g, kutani ndzi swi navela, hiloko ndzi swi teka; sweswi swilo leswi ndzi swi celerile entsongeni wa mina, ehansi ka swona ndzi rhangisile silivhere.”

Yoxuwa 7:21 Referans Kwoze

Yakobo 1:15

Kutani ku navela, loko ku xurhile, ku tswala xidyoho, kutani xidyoho, loko xi hetisekile, xi tswala rifu.

Luka 12:15

Kutani a ku eka vona: “Tivoneleni, mi chava timbilu ta makwanga, hikuva vutomi bya munhu byi nga ka byi nga humi eswilweni leswi a swi fuweke, hambi swi n'wi andzele ngopfu.”

Pisalema 119:37

Fularhisa mahlo ya mina, ma nga languti swahava, U ndzi hanyisa etindleleni ta wena!

2 Petro 2:15

Va lahlekile hi ku hambuka ndlela leyo lulama, va landza ndlela ya Balaama n'wana Beyori, la rhandzeke hakelo leyo homboloka, kambe a tshinyiwa eku dyoheni ka yena:

Duteronoma 7:25

“Mi ta hisa endzilweni swifaniso leswi vatliweke swa swikwembu swa vona; u nga tshuki u navela silivhere ni nsuku lowu nga ehenhla ka swona, kambe u nga tshuki u titekela swona leswaku wu nga tshuki wu va ntlhamu eka wena, hikuva swa yila emahlweni ka Yehovha, Xikwembu xa wena.

Vaheveru 13:5

Mikhuva ya n'wina yi nga tshuki yi va ya ku navela xuma, kambe mi kolwa hi leswi mi nga na swona, hikuva Xikwembu, hi xiviri xa xona, xi te: “Ndzi nga ka ndzi nga ku tshiki ndzi nga ka ndzi nga ku lahli.”

Swivuriso 28:22

Munhu wa tihlo lero biha, u tsutsumela rifuwo, Kasi a nga tivi leswaku ndlala yi ta n'wi wela ehenhla.

2 SAMIELE 11:2

Siku rin'wana, nimadyambu Davhida a pfuka ebyetlelweni bya yena, a fambafamba elwangwini ra yindlu ya hosi, kutani a vona a ri elwangwini wansati la hlambaka; wansati loyi, a a sasekile ngopfu.

Genesa 6:2

vana va Xikwembu va vona leswaku vanhwanyana va vanhu va sasekile, kutani va titekela eka vona vasati exikarhi ka hinkwavo lava va nga va hlawula.

Genesa 3:6

Wansati, kuteloko a vona leswaku murhi a wu nandziha, ni leswaku wu navetisa mahlo, ni leswaku wu navetisa ku tlhariha, a kha mihandzu ya wona, a dya, a nyika ni nuna wa yena loyi ngi a ri na yena, kutani a dya.

Vakolosa 3:5

Dlayani hakona swirho swa n'wina swa la emisaveni, hileswaku vuoswi, ni vumbhisa, ni ku tiyingisa ka tingana, ni ku navela leswo biha, ni ku navela rifuwo loku ku nga ku tirhela swikwembu swahava;

Vaefesa 5:5

hikuva ma swi tiva leswaku muoswi, hambi yi ri mbhisa, ni la rhandzaka rifuwo, a nga munhu la tirhelaka swikwembu swahava, a nga ka a nga vi na ku averiwa eku fumeni ka Kriste ni Xikwembu.

Vaefesa 5:3

Kambe loko byi ri vuoswi ni vumbhisa hinkwabyo, ni ku navela ka ku fuwa, swi nga tshuki swi vuriwa ni mavito ya swona exikarhi ka n'wina hilaha swi fanelaka vakwetsimi,

Luka 12:2

hikuva a ku na xilo lexi funengetiweke, lexi nga taka xi nga fununguriwi, ni loko xi ri xilo xa xihundla lexi nga taka xi nga tiviwi.

Habakuku 2:9

U ni khombo la fuwelaka yindlu ya yena rifuwo lero biha, la vekaka vuako bya yena ehenhla, leswaku a tisirheleta khombo!

Esaya 29:15

Khombo eka lava tumbelelaka leswaku va fihlela Yehovha makungu ya vona, va endla mitirho ya vona emunyameni, va ku: “Hi ta voniwa hi mani? La hi tsundzukaka i mani?”

Esaya 28:15

Mi ri: “Hi endlile ntwanano ni rifu, hi hlangene ni xivandla xa vafi, hambi khombo ri hundza tanihi ndhambi, a ri nga hi fikeli hikuva hi endle vunwa xichavelo xa hina, ni ku xisa xisirhelo xa hina.”

Swivuriso 23:31

U nga languti vhinyo loko yi tshwukile, Loko yi huhuma xikhuvi, Ni loko yi chuluriwa hi ku olova.

Swivuriso 4:23

Hlayisa mbilu ya wena ku tlurisa leswi hlayisiwaka, Hikuva i xihlovo xa vutomi.

Ntirho 31:1

“A ndzi endla xinakulobye ni mahlo ya mina, Leswaku ndzi nga tshuki ndzi languta wanhwana.

Eksoda 20:17

“U nga tshuki u navela yindlu ya warikwenu, u nga tshuki u navela nsati wa yena, hambi a ri nandza wa yena wa wanuna, kumbe wa wansati hambi yi ri homu ya yena, hambi yi ri mbhongolo ya yena, hambi xi ri xilo xin'wana xa warikwenu.”

Genesa 10:10

Masungulo ya ku fuma ka yena a ri Babele na Ereke na Akade na Kaline, etikweni ra Xinara.

Yoxuwa 7:20

Kutani Akani a hlamula, a ku eka Yoxuwa: “Hi swona, hi mina loyi ndzi nga dyohela Yehovha, Xikwembu xa Israele ndzi endlile swoleswo:

Yoxuwa 7:22

Yoxuwa a rhuma tintsumi; ti tsutsuma entsongeni wa yena, kutani maswivo, swilo leswi a swi fihliwile entsongeni, ni mali a yi ri ehansi.

2 TIHOSI 7:8

Va nhlokonho va ya fika emakun'wini ya mixaxa, va nghena entsongeni wun'wana, va dya, va nwa, va tlakula silivhere ni nsuku, ni tinguvu, va ya swi fihla. Kuteloko va tlherile va nghena entsongeni wun'wana, va phanga xuma, va ya xi fihla.

Genesa 34:27

Kutani vana va Yakobo va tlula lava dlayiweke, va handza muti, hikuva a va onhile makwavo.

Swivuriso 1:19

Hi yona mhaka ya hinkwavo lava tinyiketaka rifuwo, Hikuva ri khoma moya wa lava ri fuwaka.