Yoxuwa 7:2 - Xitsonga (Bibele)

² Yoxuwa, loko a a ri Yeriko, a rhuma vanhu eka Ayi, ekusuhi na Beta-Avene, evuxeni bya Betele, a ku eka vona: “Khandziyani mi ya kamba tiko. Kutani vanhu lava va khandziya, va ya kamba Ayi.

BIBELE Mahungu Lamanene

² Loko va ri mutini wa Yeriko, Yoxuwa a rhuma vavanuna va ya mutini wa Ayi, lowu nga kusuhi ni muti wa Beta-Avene, hi tlhelo ra le vuxeni bya muti wa Betele, a ku ka vona: “Tlhandlukani mi ya valanga matshamelo ya muti.” Kutani va tlhandluka va famba va ya valanga muti wa Ayi.

Yoxuwa 7:2 Referans Kwoze

Yoxuwa 18:12

Ndzilakana wa vona en'walungwini, wu suka eYordani, wu khandziya entsungeni wa Yeriko, en'walungwini; kutani wu khandziya entshaveni, evupeladyambu, kutani wu ya fika emananga ya Beta-Avene.

Hosiya 4:15

Loko ku oswana wena, Israele, Yuda yena a nga tshuki a tilavela nandzu! Mi nga tshuki mi ya Giligala, mi nga tlhandlukeli eBeta-Avene; mi nga tshuki mi hlambanya mi ku: “Ha Yehovha la hanyaka!”

1 SAMIELE 14:23

Yehovha a ponisa Israele siku lero; kutani nyimpi yi ya fika eBeta-Avene.

1 SAMIELE 13:5

Kutani Vafilista va hlengeletana ku ya lwa na Israele. A va ri ni tigolonyi ta 30 000, ni vakhandziyi va tihanci va 6 000, ni vunyingi lebyi teleke kukotisa sava leri nga eribuwini ra lwandle va tlhandluka, va ya gova eMikamaxa, evuxeni bya Beta-Avene.

Matewu 10:16

“Vonani, ndza mi rhuma mi fana ni tinyimpfu exikarhi ka mahlolwa, hikwalaho-ke tlharihani kukota tinyoka, mi va lavo kala mano kukota magugurhwana.

Swivuriso 24:6

Hikuva u ta huma nyimpi hi ku twisisa, Kutani ku hlayiseka ku le vunyingini bya vatsundzuxi.

Swivuriso 20:18

Makungu ma tiyisiwa hi ku tsundzuxiwa, Hikwalaho u huma nyimpi u kanerile hi ku anakanya.

Genesa 12:8

Kutani a suka kona, a ya entshaveni ya le vuxeni ka Betele, a dzima kona ntsonga wa yena, a ri na Betele hitlhelo ra vupeladyambu, na Ayi hitlhelo ra vuxa: a aka kona gandzelo ra Yehovha, a khongela vito ra Yehovha.

Vaefesa 5:15

Loko swi ri tano, tilanguteleni leswaku mi famba hi ku tianakanya, mi nga va tanihi lava nga riki na mano kambe mi va vanhu lava tlhariheke,

Nehemiya 11:31

Loko va ri vana va Benjamini, va ake ku sukela eGeba na Mikamaxa, na Aya, na Betele ni le mitini ya kona,

Yoxuwa 12:9

Hosi ya Yeriko, yin'we; hosi ya Ayi, ekusuhi na Betele, yin'we;

Yoxuwa 2:1

Yoxuwa, n'wana Nuni, a rhuma vakamberi vambirhi exihundleni, a ri eXitimi, a ku eka vona: “Fambani, mi ya kamba tiko ra Kanana na Yeriko.” Va suka, kutani va ya fika endlwini ya nghwavava, vito ra yena a a ri Rahava, va etlela kona.

Genesa 28:19

Kutani a thya xivandla lexi vito ra Betele (yindlu ya Xikwembu); kasi eku sunguleni, vito ra muti a ri ri Luzi.

Yoxuwa 7:3

Va tlhelela eka Yoxuwa, va ku eka yena: Tiko ri nga tshuki ri tlhandluka hinkwaro, vanhu lava lavaka ku va 2 000, kumbe 3 000, a va khandziye kona, va ta hlula Ayi. U nga karhati tiko hinkwaro hikuva a va talanga.”

1 SAMIELE 30:27

A yi rhuma eka lava ngi va ri eBetele, ni ka va Ramoto wa le dzongeni, ni ka va Yatiri,

Yeremiya 49:3

Kololani Hexiboni! Hikuva Ayi wu onhiwile; huwelelani vana va Rhaba, mi ambala tinguvu to khwaxa; rilani, mi famba erirhangwini, hikuva Milikomo u ta yisiwa ekhotsweni swin'we ni vaprista ni tindhuna ta yena.

1 TIHOSI 12:29

A veka rin'wana eBetele; rin'wana a ri veka eDani;

Esaya 10:28

U tile eAyata, a hundzela eMigirono, a siya xuma xa yena eMikamaxa.