Yoxuwa 7:11 - Xitsonga (Bibele)

¹¹ Israele u dyohile, u tlurile ntwanano wa mina lowu ndzi va leriseke wona kambe va tekile leswo yila, va swi yivile va va, va swi fihla etinhundzwini ta vona.

BIBELE Mahungu Lamanene

¹¹ Vaisraele va dyohile; va tshovile ntwanano wa mina lowu ndzi va leriseke wona; va pamburile swilo swin'wana eka leswi swi nyiketiweke leswaku swi herisiwa; va yivile va tlhela va hemba; swilo leswi va swi vekile exikarhi ka tinhundzu ta vona.

Yoxuwa 7:11 Referans Kwoze

Vaheveru 4:13

Kutani a ku na xivumbiwa lexi nga vonakiki emahlweni ka xona, kambe hinkwaswo swi tshama ntsena swi ri erivaleni emahlweni ka loyi hi nga ni mhaka na yena.

Timhaka 5:9

Petro a ku eka yena: “Mi pfumelelane hi ku yini ku ringa Moya wa Hosi xana? Vona, milenge ya lava nga lahla nuna wa wena hi leyi enyangweni, na wena va ta ku teka.”

Matewu 22:21

Va ku eka yena: “I swa Khezari.” Kutani a ku eka vona: “Tlheriselani Khezari leswi nga swa Khezari, ni Xikwembu leswi nga swa Xikwembu.”

Zakariya 5:4

Ndzi wu humesile, ku vula Yehovha wa tinyimpi, wu ta nghena endlwini ya khamba ni le ndlwini ya la hlambanyaka hi vito ra mina hi mavunwa; wu ta tshama exikarhi ka yindlu ya yena, wu ta yi herisa, ni timhandze ta yona, ni maribye ya yona.”

Habakuku 2:6

Matiko walawo hinkwawo xana ma nga ka ma nga endli xifaniso ehenhla ka yena, ni risimu ra xisandzu, ni mawetana xana? Kutani va ta ku: “U ni khombo la tihlengeletelaka leswi nga riki swa yena, u ta tshama a endlisa sweswo ku ri kangani? ... la tirhwexaka milandzu!”

Hosiya 6:7

Kambe vona va tlule ntwanano kukotisa Adama; laha, va ndzi endlele vuntswaka.

Yeremiya 31:32

Ku nga ri kukota ntwanano lowu ndzi wu endleke na vatata wa vona siku ndzi va khomaka hi voko ku va humesa etikweni ra Egipta, va nga lava nga tshova ntwanano wa mina, kasi a ndzi ri n'wini wa vona, ku vula Yehovha.

Esaya 24:5

Misava yi onhiwe hi vaaki va yona, hikuva va tlule milawu, va dyohele ku lerisa va tshikile xinakulobye lexi nga heriki.

2 TIHOSI 18:12

hikuva a va yingisanga rito ra Yehovha, Xikwembu xa vona, kambe va tlurile ntwanano wa yena, ni ku lerisa hinkwako ka Muxe, nandza wa Yehovha; a va swi yingisanga ni ku endla ha swona.

Vaavanyisi 2:20

Kutani ku kariha ka Yehovha ku pfurhela Vaisraele, a ku: “Leswi tiko leri ri onheke ntwanano lowu ndzi wu endleke ni vatata wa vona ri nga yingisanga rito ra mina,

Yoxuwa 23:16

Kutakuloko mi tlula ntwanano lowu Yehovha, Xikwembu xa n'wina, a mi leriseke wona, mi ya tirhela swikwembu swin'wana, mi khinsama emahlweni ka swona vukari bya Yehovha byi ta mi pfurhela kutani mi ta hatlisa mi fa etikweni lerinene leri a mi nyikeke rona.”

Yoxuwa 7:1

Vana va Israele va tilavele nandzu hikwalaho ka anathema (leswo yila); Akani, n'wana Karimi, n'wana Zabidi, n'wana Zera, wa nyimba ya Yuda, a teka leswi yirisiweke kutani Yehovha a karihela vana va Israele.

Duteronoma 17:2

“Kungakuloko emutini wun'wanyana wa miti leyi Yehovha, Xikwembu xa wena, a ku nyikaka yona, wanuna hambi wansati a ri kona exikarhi ka n'wina, la endlaka leswo biha emahlweni ka Yehovha, Xikwembu xa wena, hi ku tlula ntwanano wa yena,

Levhitika 5:15

“Loko munhu a endla xilo lexi nga faneriki, a dyoha ku nga ri ha vomu, hi ku tshama ni xilo lexi hlawuleriweke Yehovha, u ta tisela Yehovha gandzelo ra ku riha; ri va khuna leri nga riki na xivati, leri hlawuriweke entlhambini, leri u ri ringaniseke hi mali ya tixikele, hi mpimo wa xikele ya vukwetsimelo; hi rona gandzelo ra ku riha.

Yoxuwa 7:10

Yehovha a ku eka Yoxuwa: “Pfuka, u titlatlalatela yini hi mombo xana?

1 SAMIELE 14:38

Kutani Sawulo a ku: “Tshinelani, n'wina vakulukumba hinkwenu va tiko! Lavisisani mi ta yona xana xidyoho i xihi lexi nga endliwa namuntlha!

2 TIHOSI 5:24

Kuteloko a fikile exitsungeni, Gehazi a swi teka emavokweni ya vona, a swi veka endlwini; kutani a tlherisa vanhu lava, va famba.