Yoxuwa 6:23 - Xitsonga (Bibele)

²³ Kavaloko majaha, lawa ingi ma ri tinhlori, ma nghena, ma ya humesa Rahava ni tata wa yena, ni mana wa yena, ni vamakwavo, ni hinkwaswo leswi ngi swi ri swa yena: va humesa va yindlu ya yena hinkwavo kutani va va yisa ehandle ka mixaxa ya Israele.

BIBELE Mahungu Lamanene

²³ Kutani majaha lawa a ma ri tinhlori ma ya ma ya nghena endlwini ya Rahava, ma fika ma n'wi humesa, yena ni tata wa yena, ni mana wa yena, ni vamakwavo, ni va ka vona hinkwavo; kutani ma n'wi teka ni vanhu lava va ka vona hinkwavo ma ya va tshamisa ehandle ka mixaxa ya Vaisraele.

Yoxuwa 6:23 Referans Kwoze

Vaheveru 11:7

Hi ku pfumela, Nowa, kuteloko a tivisiwile hi Xikwembu timhaka leti nga siki vonakaka, u chavile, kutani a aka ngalava ku hanyisa va yindlu ya yena; kutani ha yona u avanyisile misava a va a vekiwa mudyandzhaka wa ku lulama loku humaka eku pfumeleni.

Vaefesa 2:12

emikarhini yeleyo a mi ri ehandle ka Kriste, a mi hambene ni tiko ra Israele, a mi nga ri na ku averiwa emitwananweni yo tshembisa, a mi nga ri na ku tshemba, a mi nga ri na Xikwembu emisaveni.

1 Vakorinto 5:12

Hikuva ndzi ni mhaka yihi ku avanyisa lava nga ehandle? Xana n'wina a mi va avanyisi ha yini lava nga endzeni?

Timhaka 27:24

yi ku: ‘Pawulo, u nga tshuki u chava, hikuva u fanele ku ya humelela emahlweni ka Khezari kutani waswivo, Xikwembu xi ku nyikile hinkwavo lava u endzaka na vona engalaveni.’

Timhaka 10:28

Kutani a ku eka vona: “Ma swi tiva leswaku Muyuda a nga pfumeleriwi ku hlangana ni wamatiko, hambi ku ri ku nghena ekaya ka yena; kambe Xikwembu xi ndzi kombisile leswaku ndzi nga tshuki ndzi vula munhu, hambi a ri mani na mani, leswaku u ni thyaka, kumbe u nyamile.

Tinhlayo 31:19

Loko mi ri n'wina, mi ta gova masiku ya 7 ehandle ka mixaxa, hinkwenu lava mi dlayeke munhu ni hinkwenu lava mi khumbeke mufi, mi ta tibasisa siku ra vunharhu, ni siku ra vu-7, mi ri n'wina ni vakhomiwa va n'wina.

Genesa 18:24

Kumbe xana va kona lava lulameke va ntlhanu wa makume emutini? Xana u nga wu lovisa kunene, u nga ka u nga wu rivaleri hikwalaho ka lava ntlhanu wa makume lava nga kumeka eka wona xana?

Genesa 12:2

Ndzi ta ku endla tiko lerikulu; ndzi ku katekisa, ndzi kurisa vito ra wena, u va xihlovo xa mikateko.

Yoxuwa 2:18

Kutakuloko hi fikile etikweni leri, u ta boha ngoti leyi ya xivunguvungu efasitereni leri u hi xikiseke ha rona; kambe u ta hlengeleta endlwini ya wena, tata wa wena, ni mana wa wena ni vamakwenu, ni ndyangu hinkwawo wa tata wa wena.

Yoxuwa 2:13

leswaku mi ta hanyisa tatana na manana, ni vamakwerhu va vavanuna, ni va vavasati, ni hinkwavo va tindlu ta vona, mi ponisa mimoya ya hina eku feni.”

Genesa 19:29

Kambe kakuloko Xikwembu xi herisa miti ya rivala, xi tsundzuka Abrahama, xi ponisa Lota ekhombyeni lero siku xi lovisaka miti leyi Lota a nga aka eka yona.

Vaheveru 11:31

Hi ku pfumela, Rahava, wa muoswi, a nga lovanga ni lava nga pfumelangiki hikuva u amukerile vakamberi hi ku tsaka.

Yoxuwa 2:16

A ku eka vona: “Yanani entshaveni leswaku lava mi landzaka va nga tshuki va hlangana na n'wina, mi ta tumbela kona hi masiku manharhu, va ko va vuya; hi kona mi nga ta famba endleleni ya n'wina.”

Vaavanyisi 1:25

Kuteloko a va kombisile laha ku nga ngheniwaka hakona emutini, va dlaya va muti wolowo hi ku kariha ka fumu, kambe va tshika munhu yeloyi, ni va yindlu ya yena hinkwavo, va tifambela.