Yoxuwa 6:18 - Xitsonga (Bibele)

¹⁸ Ntsena, loko mi ri n'wina, chavani leswo yila leswaku mi nga tshuki mi tiyirisa hi ku teka swo yila, mi nga yirisi mixaxa ya Israele, ni ku yi pfilunganya.

BIBELE Mahungu Lamanene

¹⁸ Kambe n'wina mi nga tshuki mi tshinela kusuhi ni swilo leswi nyiketiweke leswaku swi herisiwa, hikuva mi nga tshuka mi swi navela, mi pambula swin'wana swa swona, kutani mi vangela mixaxa ya Vaisraele khombo ni ku herisiwa.

Yoxuwa 6:18 Referans Kwoze

1 Yohane 5:21

Vana, chavani swifaniso swa swikwembu.

Vaefesa 5:11

kambe mi nga tshuki mi va ni mhaka emitirhweni ya munyama leyo-ke mihandzu, kambe mi yi sandza:

Yoxuwa 7:1

Vana va Israele va tilavele nandzu hikwalaho ka anathema (leswo yila); Akani, n'wana Karimi, n'wana Zabidi, n'wana Zera, wa nyimba ya Yuda, a teka leswi yirisiweke kutani Yehovha a karihela vana va Israele.

Yoxuwa 7:25

Kutani Yoxuwa a ku: “U hi pfilunganyisele yini-ke? Yehovha u ta ku pfilunganyisa namuntlha!” Kavaloko Vaisraele hinkwavo va n'wi khandla hi maribye, kutani va va hisa, va va dlaya hi maribye.

2 Vakorinto 6:17

Hikwalaho, humani exikarhi ka vona, mi tihlawula, ku vurisa sweswo Hosi; mi nga tshuki mi khumba swa thyaka, kutani ndzi ta mi amukela.

Yakobo 1:27

Vukhongeri lebyi tengeke, lebyi nga riki na xisandzu emahlweni ka Xikwembu, Tata wa hina, hi loko munhu a kamba swisiwana ni vavasati va tinoni emahlomulweni ya vona a va a tihlayisa, a nga ri na xivati xa misava.

Varhoma 12:9

Rirhandzu ri nga tshuki ri va ni ku kanganyisa. Vengani leswo biha, mi namarhela leswinene.

Yonasi 1:12

A ku eka vona: “Ndzi tlakuleni mi ndzi hoxa lwandle, kutani lwandle ri ta mi miyelela, hikuva ndza swi tiva leswaku xihuhuri lexikulu lexi, xi mi humelele hikwalaho ka mina.”

Eklesiasta 9:18

Vutlhari byi sasekile ku tlula matlhari, kambe mudyohi a ri un'we u onha vunene lebyinyingi.

2 SAMIELE 21:1

Emikarhini ya Davhida a ku ri ni ndlala ya malembe manharhu; lembe ri landza lembekulobye; Davhida a lava mombo wa Yehovha, kutani Yehovha a ku: “Hikwalaho ka Sawulo ni ka yindlu ya ngati, hikuva u dlayile va Gibiyoni.”

Duteronoma 7:26

U nga tshuki u nghenisa leswi yilaka endlwini ya wena, leswaku u nga tshuki u yila kukotisa swilo leswo; u ta swi chava ngopfungopfu, ma ta va manyala eka wena, hikuva swa yila.

Yoxuwa 7:15

Kutani loyi a nga ta kumiwa a ri ni leswo yila, u ta hisiwa ni hinkwaswo leswi nga swa yena, hikuva u tlurile ntwanano wa Yehovha, u endlile leswo biha ngopfu eIsraeleni.’ ”

Duteronoma 13:17

Ku nga tshuki ku namarhela ni xilo xin'we xa leswo yila evokweni ra wena; leswaku Yehovha a vuyela evukarini bya yena, a ku twela vusiwana, a ku endlela hi musa kutani a ku andzisela hilaha a hlambanyeke hakona eka vatata wa wena,

Yoxuwa 7:13

Pfuka, u hlawula tiko, u ku: ‘Tihlawulelani mundzuku. Hikuva Yehovha, Xikwembu xa Israele, u vula sweswo, a ku: “Ku ni ku yila exikarhi ka wena, Israele! U nga ka u nga ha tiyi emahlweni ka valala va wena, mi ko mi susa leswo yila exikarhi ka n'wina.”

Duteronoma 23:10

Kungakuloko ku tshama eka wena, munhu la nga tengangiki hikwalaho ka leswi n'wi humeleleke nivusiku, u ta huma emixaxeni; a nga ka a nga ngheni emixaxeni,

1 SAMIELE 15:9

Sawulo ni tiko va hlayisa Agaga, ni tinyimpfu leto saseka, ni tihomu leti noneke, ni swifuwo swin'wana, ni swinyimpfana, ni hinkwaswo leswinene leswi ngi swi ri kona; a va rhandzanga ku swi yirisa; kambe hinkwaswo leswi sandzekaka, leswi onhakeke, va swi yirisa.