Yoxuwa 5:6 - Xitsonga (Bibele)

⁶ Hikuva hi malembe ya 40, vana va Israele a va famba emananga, tiko hinkwaro ri ko ri herisiwa, va ri vavanuna lava hlomaka, lava humeke eEgipta, lava nga yingisangiki rito ra Yehovha; hikwalaho, Yehovha u va hlambanyele leswaku va nga ka va nga voni tiko leri Yehovha a hlambanyeleke vatata wa vona ku hi nyika rona, ri nga tiko leri khulukelaka hi ntswamba ni vulombe.

BIBELE Mahungu Lamanene

⁶ Vaisraele va fambile malembe ya 40 emananga ku kondza ku hela vavanuna hinkwavo lava ringaneke ku ya enyimpini, va nga lava sukeke etikweni ra Egipta, hikuva a va nga yingisanga swileriso swa HOSI Xikwembu. HOSI Xikwembu xi va hlambanyerile leswaku va nga ka va nga ri voni tiko leri xi tshembiseke vatata wa vona hi ku hlambanya leswaku xi ta va nyika rona, ri nga tiko leri khulukaka ntswamba ni vulombe.

Yoxuwa 5:6 Referans Kwoze

Tinhlayo 14:23

hinkwavo lava va nga ka va nga voni tiko leri ndzi ri hlambanyeleke vatata wa vona leswaku ndzi ta va nyika rona. A ku na un'we wa lava va ndzi sandzeke, la nga ta ri vona.

Duteronoma 2:14

“Masiku lawa hi nga famba ha wona ku suka eKadexe-Bariniya ku fika siku leri hi peleke xinambyana xa Zarede, a ma ri malembe ya 38; ku ko ku hela emixaxeni rixaka hinkwaro ra vavanuna lava hlomaka hilaha Yehovha a va hlambanyeleke hakona.

Vaheveru 3:11

Hilaha ndzi nga hlambanya hakona evukarini bya mina leswaku va nga ti nghena eku wiseni ka mina.”

Duteronoma 2:7

Hikuva Yehovha Xikwembu xa wena, xi ku katekisile emitirhweni hinkwayo ya mavoko ya wena; xi tivile ku famba ka wena emananga lamakulu lawa. Hi malembe ya mune wa makume lawa Yehovha Xikwembu xa wena, a xi ri na wena; a u pfumalanga nchumu.” ’

Duteronoma 1:3

Hi lembe ra 40, hi n'hweti ya 11, hi siku ro rhanga ra n'hweti, Muxe a byela vana va Israele hinkwaswo hilaha Yehovha a n'wi leriseke hakona ku va byela.

Eksoda 3:8

ndzi xikele ku ta va kutsula emavokweni ya Vaegipta, ni ku va humesa etikweni lero, ndzi va yisa etikweni lerikulu, lero saseka, etikweni ra ntswamba ni vulombe, evutshan'weni bya Vakanana, ni Vahiti, ni Vaamori, ni Vaperesi, ni Vahivhi, ni Vayebusi.

Ezekiele 20:15

“Kambe, ndzi va yimisela voko ra mina emananga, ndzi ku: A ndzi nga va yisi etikweni leri ndzi va nyikeke rona, leri nga ni ntswamba ni vulombe, lero saseka ngopfu exikarhi ka matiko hinkwawo,

Yeremiya 2:2

“Yana u ya huwelela etindleveni ta Yerusalema, u ku: ‘Ku vula Yehovha a ku: “Ndzi karhi ndzi anakanya ku lulama ka vuntshwa bya wena, ni rirhandzu ra ku teka ka wena, loko u ri karhi u ndzi landza endzhaku emananga, etikweni leri nga rimiwangiki.

Duteronoma 8:4

Nguvu ya wena a yi hlakalangi henhla ka wena, na yona milenge ya wena a yi pfimbanga hi malembe ya 40 lawa.

Ezekiele 20:6

“Hi siku lero ndzi yimise voko ra mina eka vona, ku va humesa etikweni ra le Egipta, va ta etikweni leri ingi ndzi ri hlawulele vona, leri nga ni ntswamba ni vulombe, lero saseka exikarhi ka matiko hinkwawo.

Eksoda 3:17

kutani ndzi ku: ‘Ndzi ta mi kutsula enhlomulweni wa n'wina wa Egipta, ndzi mi akisa etikweni ra Vakanana ni ra Vahiti, ni ra Vaamori, ni ra Vaperesi, ni ra Vahivhi, ni ra Vayebusi, etikweni ra ntswamba ni vulombe.’

Yuwele 3:18

“Enkarhini wolowo, tintshava ti ta pfelela dzova ra vhinyo, switsunga swi ta khuluka ntswamba, ni milambu hinkwayo ya Yuda yi ta tshama yi va ni mati lama khulukaka, kutani nseledyana yi ta huma endlwini ya Yehovha yi tsakamisa rivala ra Xitimi.

Tinhlayo 26:63

Hi wona ntsengo wa vana va Israele lowu Muxe na Eliyazara, muprista, va wu hlayeke erivaleni ra Mowabu, ekusuhi na Yordani na Yeriko.

Yoxuwa 5:5

tiko hinkwaro loko ri hume eEgipta ri yimbisiwile; kambe hinkwavo lava tswariweke emananga, endleleni, loko va humile eEgipta, a va yimbisiwanga.

Yoxuwa 5:7

Kutani u vekile vana va vona ematshan'weni ya vona; hi vona lava yimbisiweke hi Yoxuwa, hikuva a va nga yimbanga, leswi va nga yimbisiwangiki endleleni.

Pisalema 107:4

A va ri vatsendzeleki exikarhi ka mananga, Va nga kumi muti wa ku aka eka wona.

Yoxuwa 1:6

Tiya mbilu, u tiya hikuva hi wena la nga ta fumisa tiko leri misava leyi ndzi hlambanyeleke vatata wa vona ku va nyika yona.

Yoxuwa 24:7

Va huwelela eka Yehovha, kutani Yehovha a veka munyama exikarhi ka n'wina ni Vaegipta, a vuyisa lwandle ehenhla ka vona ri va funengeta; sweswo mahlo ya vona ma vonile leswi ndzi swi endleleke Vaegipta; kutani mi tshamile emananga masiku layo tala.