Yoxuwa 4:9 - Xitsonga (Bibele)

⁹ Yoxuwa a yimisa ni maribye ya 12 exikarhi ka Yordani, laha ku nga yima mikondzo ya vaprista lava rhwalaka areka ya ntwanano, kutani ma yimile kona ku fika namuntlha.

BIBELE Mahungu Lamanene

⁹ Kutani Yoxuwa a yimisa maribye ya 12 exikarhi ka nambu wa Yordani laha vaprista lava a va rhwele Areka ya Ntwanano a va yimile kona; maribye lawa ma ha ri kona ni namuntlha.

Yoxuwa 4:9 Referans Kwoze

1 SAMIELE 7:12

Kutani Samiele a teka ribye, a ri yimisa exikarhi ka Mispa na Yexana, a ri thya vito ra Ebenezere (ribye ra ku pfuna), kutani a ku: “Yehovha u hi pfunile ku fika kwala.”

2 TIKRONIKA 5:9

Mimpingu a yi lehile swonghasi leswaku tinhla ta yona ti voniwa emahlweni ka areka, emahlweni ka xikwetsimisiso; kambe a ti voniwanga hi le handle; areka yi va kona ku fika ni namuntlha.

2 SAMIELE 4:3

kutani va Beroto a va balekile eGitayimi, laha va akeke kona ku fika namuntlha.

1 SAMIELE 30:25

Ku sungula siku leri, ni ku ya emahlweni, swi va tano, va swi endla xitoloveto ni nawu eIsraeleni ku fika namuntlha.

Vaavanyisi 1:26

Kutani munhu yeloyi a rhurhela etikweni ra Vahiti; a aka muti kona, a wu thya vito ra Luzi. Ra ha ri vito ra wona ni namuntlha.

Yoxuwa 24:26

Kutani Yoxuwa a tsala timhaka leti ebukwini ya nawu wa Xikwembu, a va a teka ribye lerikulu, a ri yimisa kwalaho, ehansi ka nkuhlu lowu nga ekusuhi ni vukwetsimelo bya Yehovha.

Duteronoma 34:6

Kutani Yehovha a n'wi lahla enkoveni, etikweni ra Mowabu, ku langutene na Beta-Peyori; kambe a ku na munhu la tivaka sirha ra yena ku fika namuntlha.

Eksoda 28:21

“Maribye ma ta vekiwa hi ku tlhandlamana ka mavito ya vana va Israele va khume na mambirhi; ma ta va khume na mambirhi hi ku hlaya ka mavito ya vona, rin'wana ni rin'wana ri ta va ni vito ra rixaka rin'we ra Israele, mavito ma ta tsariwa hi mukhuva wa mfungho.

Eksoda 24:12

Kutani Yehovha a ku eka Muxe: “Tlhandlukela halenu entshaveni u yima kona, ndzi ta ku nyika maribye ya swimphampha lama nga ni milawu ni ku lerisa ka mina loku ndzi ku tsaleke ku va dyondzisa hakona.”

Genesa 28:18

Kuteloko ri xa, Yakobo a teka ribye leri ngi a seketerile eka rona, a ri yimisa xi va xitsundzuxo, kutani a chela mafurha ehenhla ka rona.

Genesa 26:33

Kutani a xi thya vito ra Xiba. Hikwalaho-ke muti wu vuriwaka Berexeba ku fikela namuntlha.

Matewu 28:15

Valanguteri va teka mali, va endla hilaha va lerisiweke hakona; kutani mhaka yoleyo yi twakarile exikarhi ka Vayuda ni namuntlha.

Matewu 27:8

Hikwalaho nsimu leyi yi vuriwaka Nsimu ya Ngati, ni namuntlha.

1 TIHOSI 18:31

Kutani Eliya a teka maribye ya khume na mambirhi hi ntsengo wa tinyimba ta vana va Yakobo loyi Yehovha a n'wi byeleke, a ku: “Vito ra wena ri ta va Israele.”

Yoxuwa 4:10

Vaprista lava rhwalaka areka va yimile exikarhi ka Yordani ku ko ku endliwa hinkwaswo leswi Yehovha a leriseke Yoxuwa ku byela tiko, hilaha Muxe a leriseke swilo hinkwaswo eka Yoxuwa, kutani tiko ri hatlisa ri pela.