Yoxuwa 4:19 - Xitsonga (Bibele)

¹⁹ Tiko ri humile eYordani hi siku ra khume ra n'hweti yo sungula, kutani ri ya gova eGiligala, endzilakaneni wa le vuxeni ka Yeriko.

BIBELE Mahungu Lamanene

¹⁹ Vaisraele va khupukile nambu wa Yordani hi siku ra vu-10 ra n'hweti yo sungula, kutani va ya gova eGiligala, evuxeni bya ndzilekana wa Yeriko.

Yoxuwa 4:19 Referans Kwoze

Yoxuwa 5:9

Kutani Yehovha a ku eka Yoxuwa: “Namuntlha ndzi vumbuluxile tingana ta Egipta, ndzi ti susile ehenhla ka n'wina.” Kutani xivandla lexi xi thyiwa Giligala (ku vumbuluxa) ku fika namuntlha.

Mikiya 6:5

Tiko ranga, anakanya makungu lawa Balaka, hosi ya Mowabu ingi a ma lunghisile, ni leswi Balaama, n'wana Beyori, a n'wi hlamuleke swona, ni leswi humeleleke Xitimi ku ya fika eGiligala, u ta tiva ku endla ka Yehovha loku lulameke.”

Amosi 5:5

“Mi nga tshuki mi lava Betele, mi nga tshuki mi ya eGiligala, mi nga tshuki mi hundzela eBerexeba; hikuva Giligala u ta yisiwa evukhumbini, Betele a endliwa swahava.”

Amosi 4:4

“Yanani eBetele, mi dyoha, yanani eGiligala, mi andzisa ku dyoha kona! Humesani magandzelo ya n'wina nimixo siku rin'wana ni rin'wana, hi siku ra vunharhu mi humesa vukhume bya leswi mi swi fuweke.

1 SAMIELE 15:33

Kambe Samiele a ku eka yena: “Hilaha u nga dlayela vavasati vana va vona, hikwalaho mana wa wena u ta pfumala n'wana.” Kavaloko Samiele a dlaya Agaga emahlweni ka Yehovha eGiligala.

Yoxuwa 15:7

kutani ndzilakana wu khandziya etlhelo ra Debiri, kusuhi ni nkova wa Akora, wu ya en'walungwini, wu kongoma eGiligala, lowu langutanaka ni ndlela leyi khandziyaka ya Adumimi, yona yi le dzongeni ka xinambyana; wu hundza ekusuhi ni mati ya Eni-Xemexi, wu ya fika eEni-Rogele.

Yoxuwa 10:43

Kutani Yoxuwa ni Vaisraele hinkwavo va tlhelela emixaxeni, eGiligala.

Yoxuwa 10:6

Kutani vanhu va Gibiyoni va rhuma eka Yoxuwa, emixaxeni ya Giligala, va ku eka yena: “U nga tshiki malandza ya wena, hatlisa u khandziya eka hina, u hi kutsula ni ku hi pfuna, hikuva tihosi hinkwato ta Vaamori, leti akeke entshaveni ti hlengeletanele hina.”

Duteronoma 1:3

Hi lembe ra 40, hi n'hweti ya 11, hi siku ro rhanga ra n'hweti, Muxe a byela vana va Israele hinkwaswo hilaha Yehovha a n'wi leriseke hakona ku va byela.

Duteronoma 11:30

Tintshava leti, ti le hase ka Yordani, endzhaku ka ndlela ya vupeladyambu, etikweni ra Vakanana lava akeke enkoveni, ku langutana na Giligala, ekusuhi ni mikuhlu ya More.

Yoxuwa 4:18

Kuteloko vaprista lava rhwalaka areka ya ntwanano wa Yehovha va humile exikarhi ka Yordani, enkarhini lowu mikondzo ya vona yi suka yi kandziya laha ku omeke, mati ya Yordani ma tlhelela endhawini ya wona, ma huma kukotisa khale eribuwini hinkwako.

Yoxuwa 5:10

Vana va Israele va dzima mixaxa eGiligala, kutani va endla Paseka hi siku ra 14 ra n'hweti, nimadyambu erivaleni ra Yeriko.

2 TIHOSI 2:1

Kakuloko Yehovha, a tlhandlukisa Eliya etilweni hi xihuhuri, Eliya a a sukile eGiligala, a ri na Elixa.

Yoxuwa 9:6

Va ya eka Yoxuwa emixaxeni ya Giligala, kutani va ku eka yena ni ka vavanuna va Israele: “Hi pfe etikweni leri nga ekule, hambiswiritano endlani xinakulobye na hina.”

Yoxuwa 24:11

“ ‘Kutani mi perile Yordani, mi ya fika eYeriko. Vini va Yeriko, ni Vaamori, ni Vaperesi, ni Vakanana ni Vahiti ni Vagirigaxi, ni Vahivhi, ni Vayebusi va lwile na n'wina, kambe ndzi va nyiketile emavokweni ya n'wina.

1 SAMIELE 10:8

Kambe u ta ndzi rhangela ku ya Giligala, kutani ndzi ta ta eka wena ku ta humesa tiholokosta ni ku humesa magandzelo ya ku khensa; u ta ndzi langutela masiku ya ntlhanu na mambirhi, ndzi ko ndzi fika eka wena, hi kona ndzi nga ta ku byela leswi u nga ta fanela ku swi endla.”