Yoxuwa 4:18 - Xitsonga (Bibele)

¹⁸ Kuteloko vaprista lava rhwalaka areka ya ntwanano wa Yehovha va humile exikarhi ka Yordani, enkarhini lowu mikondzo ya vona yi suka yi kandziya laha ku omeke, mati ya Yordani ma tlhelela endhawini ya wona, ma huma kukotisa khale eribuwini hinkwako.

BIBELE Mahungu Lamanene

¹⁸ Loko vaprista lava rhwaleke Areka ya Ntwanano wa HOSI Xikwembu va khupuka va suka exikarhi ka nambu wa Yordani va kandziya laha ku omeke, mati mo tlhela ma khuluka, kutani nambu wa Yordani wu tala wu fika emagangeni ku fana ni le ku sunguleni.

Yoxuwa 4:18 Referans Kwoze

Yoxuwa 3:15

Kuteloko vaprista lava rhwalaka areka va fika eYordani, ni loko mikondzo ya vona yi nghena ematini (kambe nambu wa Yordani wu tala, wu huma eribuwini hinkwako enkarhini hinkwawo wa ku tshovela),

Esaya 8:8

u ta nghena eka Yuda hi ndhambi u ta hangalaka a funengeta hinkwako, u ta fika emikolweni ya vanhu, ku tshambulutiwa ka timpapa ta yena ku ta funengeta ku anama hinkwako ka tiko ra wena, oho Emanuwele!”

1 TIKRONIKA 12:15

Hi vona lava peleke Yordani hi n'hweti yo sungula loko wu halaka emabuweni ya wona, va hlongorisa hinkwavo vaaki va mikova, evuxeni ni le vupeladyambu.

Yoxuwa 3:13

Kutakuloko mikondzo ya vaprista lava rhwalaka areka ya Yehovha, Hosi ya misava hinkwayo, yi nghena ematini ya Yordani, mati ya Yordani lama pfaka hi le henhla ma ta avanyisiwa, kutani ma ta yima ma endla xitsunga.”

Yoxuwa 4:17

Kutani Yoxuwa a lerisa vaprista, a ku: “Humani eYordani!”

Yoxuwa 4:19

Tiko ri humile eYordani hi siku ra khume ra n'hweti yo sungula, kutani ri ya gova eGiligala, endzilakaneni wa le vuxeni ka Yeriko.

Yoxuwa 4:11

Kuteloko tiko hinkwaro ri perile ri hela, areka ya Yehovha, ni vaprista va hundza emahlweni ka tiko.