Yoxuwa 3:6 - Xitsonga (Bibele)

⁶ Kutani Yoxuwa a byela vaprista, a ku: “Tekani areka ya ntwanano, mi famba emahlweni ka tiko.” Kavaloko va tlakula areka ya ntwanano, kutani va famba emahlweni ka tiko.

BIBELE Mahungu Lamanene

⁶ Yoxuwa a byela ni vaprista a ku: “Rhwalani Areka ya Ntwanano, mi rhangela Vaisraele emahlweni.” Kutani Vaprista va rhwala Areka ya Ntwanano va famba emahlweni ka Vaisraele.

Yoxuwa 3:6 Referans Kwoze

Mikiya 2:13

Muboxi wa ndlela u ta rhanga emahlweni; va ta boxa, va nghena hi nyangwa, va tlhela va huma hi yona; hosi ya vona yi ta rhanga emahlweni, yena Yehovha a va rhangela.

Yoxuwa 3:3

ti lerisa vunyingi ti ku: “Kutakuloko mi vona areka ya ntwanano wa Yehovha, Xikwembu xa n'wina, yi rhwariwa hi vaprista va Valevhi, mi ta suka laha mi goveke kona, mi famba endzhaku ka yona.

Tinhlayo 14:15

Kungakuloko u dlaya tiko leri kukotisa munhu un'we, vamatiko lava yingiseke timhaka ta wena, va ta ku:

Tinhlayo 10:33

Kavaloko va suka entshaveni ya Yehovha, va famba ndlela ya masiku manharhu, areka ya ntwanano wa Yehovha yi ri karhi yi famba emahlweni ka vona endlela ya masiku manharhu, yi ya va lavela xivandla xa ku wisa.

Vaheveru 6:20

laha Yesu a ngheneke hikwalaho ka hina, a ri murhangeri wa hina, a va a vekiwa muprista lonkulu hilaha ku nga heriki, hi mukhuva wa Melkisedeke.

Yoxuwa 3:5

Yoxuwa a byela tiko, a ku: “Tibasisani, hikuva mundzuku Yehovha u ta endla mahlori exikarhi ka n'wina.”

Yoxuwa 3:7

Yehovha a ku eka Yoxuwa: “Namuntlha ndzi ta sungula ku ku kurisa emahlweni ka Vaisraele hinkwavo, va ta tiva leswaku ndzi ta va na wena kukotisa leswi ingi ndzi ri na Muxe.

1 TIHOSI 8:3

Kuteloko vakulukumba hinkwavo va Israele va fikile, vaprista va pinga areka.

2 TIKRONIKA 5:4

Vakulukumba va Israele, kuteloko va fikile, Valevhi va rhwala areka;

Yoxuwa 6:6

Kutani Yoxuwa, n'wana Nuni, a vitana vaprista, a ku eka vona: “Tlakulani areka ya ntwanano, kambe vaprista va 7 a va tamele tinanga ta 7 leti pfumaka emahlweni ka areka ya Yehovha.”