Yoxuwa 3:4 - Xitsonga (Bibele)

⁴ Ntsena mpfhuka wa swisungunhu swa 2 000 wu ta va kona exikarhi ka yona, na n'wina; mi nga tshuki mi yi tshinelela leswaku mi vona swinene ndlela leyi mi nga ta famba ha yona, hikuva a mi si famba endleleni leyi hambi tolo hambi tolweni.”

BIBELE Mahungu Lamanene

⁴ leswaku mi ta kota ku tiva ndlela leyi mi nga ta famba hi yona hikuva a mi si tshama mi famba hi ndlela leyi. Kambe ku fanele ku sala mpfhukanyana wa kwalomu ka 1 km exikarhi ka n'wina na Areka ya Ntwanano; mi nga tshuki mi tshinela kusuhi na yona.”

Yoxuwa 3:4 Referans Kwoze

Pisalema 89:7

Xikwembu xa chavisa enhlengeletanweni leyikulu ya vakwetsimi, Xi chaviwa hi ku tlurisa hi lava xi rhendzeleke.

1 TIKRONIKA 11:2

Hambi ku ri khale, loko Sawulo a ha ri hosi, hi wena loyi a wu humesa tiko ra Israele, ni ku ri tlherisa; Yehovha, Xikwembu xa wena, xi ku byerile, xi ku: ‘Hi wena loyi u nga ta risa tiko ra mina ra Israele, hi wena loyi u nga ta va mufambisi wa tiko ra mina ra Israele.’ ”

Eksoda 3:5

Xikwembu xi ku: “U nga tshuki u tshinela la; susa tintanghu emilengeni ya wena, hikuva xivandla lexi u yimeka eka xona i misava leyo kwetsima.”

Eksoda 19:12

Kambe u ta byela tiko ndzilakana lowu rhendzelaka ntshava, u ku: ‘Mi nga tshuki mi khandziya entshaveni, mi nga khumbi matlhelo ya yona,’ munhu la nga ta khumba ntshava u ta dlawa.

Eksoda 4:10

Kutani Muxe a ku eka Yehovha: “Yo! Wena Hosi, a ndzi munhu la tivaka ku vulavula swinene, hambi ku ri tolo, ni le tolweni, hambi ku ri loko u sungurile ku vulavula ni nandza wa wena; hikuva ndzi munhu wa nomu wo tika, ni ririmi ro nonon'hwa.”

Genesa 31:2

Kambe Yakobo a vona leswaku mombo wa Labani wu nga ha ri ka yena kukota tolo ni tolweni.

Esaya 30:33

Hikuva khale, tlhelo leri fanaka ni ra Tofete ri lunghisiwile, ku lunghiseriwele hosi xi ri xikhele lexi ahlameke, ni nhulu ya tihunyi leti nga ta n'wi hisa hi ndzilo, ni tihunyi to tala; ku hefemula ka Yehovha ku hisa ku kota nambu wa xivavula.

Yoxuwa 3:3

ti lerisa vunyingi ti ku: “Kutakuloko mi vona areka ya ntwanano wa Yehovha, Xikwembu xa n'wina, yi rhwariwa hi vaprista va Valevhi, mi ta suka laha mi goveke kona, mi famba endzhaku ka yona.

Yoxuwa 3:5

Yoxuwa a byela tiko, a ku: “Tibasisani, hikuva mundzuku Yehovha u ta endla mahlori exikarhi ka n'wina.”

Pisalema 25:12

Xana munhu hi wihi la chavaka Yehovha? U ta n'wi komba ndlela leyi a fanelaka ku yi hlawula.

Esaya 48:17

Ku vula sweswo Yehovha Mukutsuri wa wena, Muhlawuriwa wa Israele a ku: “Hi mina Yehovha, Xikwembu xa wena la ku dyondzisaka, a ku pfuna a ku fambisa endleleni leyi u faneleke ku famba ha yona.