Yoxuwa 3:17 - Xitsonga (Bibele)

¹⁷ Vaprista lava rhwalaka areka ya ntwanano wa Yehovha, va yima va tiyile hi milenge laha ku omeke exikarhi ka Yordani, kutani Vaisraele hinkwavo va famba laha ku omeke, vaprista va yima kona, tiko hinkwaro ri ko ri heta ku pela Yordani.

BIBELE Mahungu Lamanene

¹⁷ Loko Vaisraele hinkwavo va ri karhi va pela nambu hi laha ku omeke, vaprista lava rhwaleke Areka ya Ntwanano wa HOSI Xikwembu vona a va yimile laha ku omeke exikarhi ka nambu wa Yordani, ku kondza Vaisraele hinkwavo va khupuka.

Yoxuwa 3:17 Referans Kwoze

Eksoda 14:29

Kambe vana va Israele va famba exikarhi ka lwandle, laha ku omeke, mati ma va endlerile tintshava hi matlhelo mambirhi.

Eksoda 14:22

Kutani vana va Israele va famba exikarhi ka lwandle, laha ku omeke; mati ma endle tintshava hi matlhelo mambirhi.

Pisalema 66:6

Xi hundzuluxile lwandle, ri va misava leya ku oma; Va perile nambu hi milenge: Ku va laha hi titsakelaka eka xona.

Esaya 25:8

U ta lovisa rifu hilaha ku nga heriki: Hosi, Yehovha u ta hlangula mihloti emimombyeni hinkwayo; u ta sula tingana ta tiko ra yena hinkwaro, hikuva Yehovha u vurisile.

2 TIHOSI 2:8

Kavaloko Eliya a teka jasi ra yena, a ri petsa, a ba ha rona mati ya nambu, kutani ma avana hala ni hala; va pela havambirhi laha ku omeke.

Yoxuwa 4:3

mi va lerisa, mi ku: ‘Tekani kwala exikarhi ka nambu, laha vaprista va yimeke kona va tiyile, maribye ya 12, mi ma rhwala, mi ma veka laha mi nga ta gova kona vusiku lebyi.’ ”

Vaheveru 11:29

Hi ku pfumela, va perile Lwandle ro Tshwuka kukotisa loko ku ri esaveni, kutani Vaegipta va ringeta ku endlisa sweswo, va nwela ematini.

Eksoda 14:21

Kutani Muxe a tlakusa voko ra yena ehenhla ka lwandle, kutani Yehovha a fambisa lwandle hi vusiku hinkwabyo hi mheho ya matimba ya vuxa; a phyisa lwandle, mati ma avana hi le xikarhi.

Tinhlayo 33:51

“Byela vana va Israele, u ku eka vona; kutakuloko mi nghenile etikweni ra Kanana, mi perile Yordani,

Yoxuwa 4:1

Kuteloko tiko hinkwaro ri perile Yordani, Yehovha a ku eka Yoxuwa:

Yoxuwa 4:22

Mi ta dyondzisa vana va n'wina ha wona, mi ku eka vona: Israele u perile Yordani loyi, laha ku omeke.

Yoxuwa 4:10

Vaprista lava rhwalaka areka va yimile exikarhi ka Yordani ku ko ku endliwa hinkwaswo leswi Yehovha a leriseke Yoxuwa ku byela tiko, hilaha Muxe a leriseke swilo hinkwaswo eka Yoxuwa, kutani tiko ri hatlisa ri pela.

Yoxuwa 4:11

Kuteloko tiko hinkwaro ri perile ri hela, areka ya Yehovha, ni vaprista va hundza emahlweni ka tiko.

Yoxuwa 5:1

Tihosi ta Vaamori leti nga evupeladyambu ka Yordani, ni tihosi hinkwato ta Vakanana leti nga eribuwini ra lwandle, kuteloko ti twile leswaku Yehovha a omisile mati ya Yordani emahlweni ka vana va Israele va ko va pela, timbilu ta tona ti nyuka, ti tsemeka mihlana emahlweni ka vana va Israele.