Yoxuwa 3:16 - Xitsonga (Bibele)

¹⁶ hi kona mati lama rhelelaka, lama humaka ehenhla, ma yima, ma tlakuka, ma endla nhlengeleto ekule swinene, ku fika ekusuhi na Adama, muti lowu nga tlhelo ra Saretani; ni mati lama rhelelaka Lwandle ra Rivala, ri nga Lwandle ra Munyu, ma hungutiwa hinkwawo, kutani tiko ri pela ku langutana na Yeriko.

BIBELE Mahungu Lamanene

¹⁶ kutani mati lama khulukaka ma ta hi hala tlhelo ra le henhla ka nambu ma yima, ma endla ndhundhuma ma ya fika ni le mutini wa Adama lowu nga kusuhi na Saretani. Mati lama khulukaka ma rhelela ma kongoma eLwandle ra Araba, ri nga Lwandle-ra-ku-fa, ma tsemeka, ma nga ha khuluki, kutani Vaisraele va pela nambu wa Yordani, ku langutana na Yeriko.

Yoxuwa 3:16 Referans Kwoze

Yoxuwa 3:13

Kutakuloko mikondzo ya vaprista lava rhwalaka areka ya Yehovha, Hosi ya misava hinkwayo, yi nghena ematini ya Yordani, mati ya Yordani lama pfaka hi le henhla ma ta avanyisiwa, kutani ma ta yima ma endla xitsunga.”

1 TIHOSI 7:46

Hosi yi swi chulula etlhelweni ra Yordani, evumbeni bya misava exikarhi ka Sukoti na Saretani.

1 TIHOSI 4:12

Baana, n'wana Ahiludi a a ri ehenhla ka Taanaka, na Megido, ni tiko ra Beta-Xeyani hinkwaro leri nga ekusuhi na Saretani, ehansi ka Yizriele, ku suka eBeta-Xeyani, ku fika eAvele-Mehola, ku fika emahlweni ka Yokimeyama.

Genesa 14:3

Hinkwavo lavo va hlangana erivaleni ra Sidimi (ri nga Lwandle-ra-ku-fa).

Pisalema 114:3

Lwandle loko ri n'wi vona, ri baleka, Yena Yordani a tlhelela endzhaku;

Duteronoma 1:1

Hi wona marito lawa Muxe a ma byeleke Vaisraele hinkwavo ehase ka Yordani, emananga, erivaleni, ku lavene na Sufu, exikarhi ka Parani na Tofele, na Labani, na Haseroti, na Dizahaba.

Tinhlayo 34:3

“Tlhelo ra le dzongeni, ri sungula emananga ya Sini, ku ya fika eEdomu, kutani ndzilakana wa n'wina wa le dzongeni wu ta sungula emakun'wini ya Lwandle-ra-ku-fa, evuxeni;

Pisalema 77:19

U tiboxele gondzo exikarhi ka lwandle, Ni ndlela ya wena exikarhi ka mati lamakulu; Kutani mitila ya wena a yi tiviwanga.

Pisalema 74:15

U pfelerisile swihlovo ni milambu, U omisile milambu leyi nga tiviki ku phya.

Pisalema 66:6

Xi hundzuluxile lwandle, ri va misava leya ku oma; Va perile nambu hi milenge: Ku va laha hi titsakelaka eka xona.

Pisalema 29:10

Yehovha a a fuma enguveni ya ndhambi; Yehovha u ta fuma a ri Hosi hi laha ku nga heriki.

Yoxuwa 15:2

Ndzilakana wa vona wa le dzongeni wu suka emakun'wini ya Lwandle ro Dunga, tlhelo ra lwandle leri langutaka edzongeni;

Duteronoma 3:17

ni rivala, na Yordani lowu nga ndzilakana, ku suka eKinereta, ku ya fika eLwandle ra Rivala, ri nga Lwandle ra Munyu, ehansi ka ntshava ya Pisga evuxeni.

Eksoda 14:21

Kutani Muxe a tlakusa voko ra yena ehenhla ka lwandle, kutani Yehovha a fambisa lwandle hi vusiku hinkwabyo hi mheho ya matimba ya vuxa; a phyisa lwandle, mati ma avana hi le xikarhi.

Pisalema 33:7

A hlengeleta mati ya lwandle ma endla nhulu, A veka swidziva evuhlayiselweni.

Pisalema 114:5

A wu ri na yini, wee lwandle leswi u nga baleka, Na wena Yordani, loko u tlhelela endzhaku?

Esaya 50:2

Ndzi tile, kasi a ku nga ri na munhu ha yini-ke? Ndzi huwelerile, a ku hlamulanga munhu ha yini-ke? Xana voko ra mina ri komile leswaku ndzi nga swi koti ku mi ponisa, kumbe a ndzi na matimba ya ku mi ponisa xana? Vona, hi ku ri wumeta ndza omisa lwandle, milambu ndza yi endla emananga; tinhlampfi ta yona ti ta bola hi ku pfumala mati, ti fa hi torha;

Ezekiele 47:8

A ku eka mina: “Mati walawo ma tiyela ematlhelo ya le vuxeni, ma ta xikela erivaleni, ma ya nghena elwandle; kutakuloko ma halakele elwandle, mati ya lwandle ma ta ntsantsuka, ma va lamanene.

Nahume 1:4

U tshinya lwandle ri va ri phya; u phyisa milambu hinkwayo. Baxani wa vuna, na yena Karmele, na xona xiluva xa Lebanoni xa vuna.

Habakuku 3:8

Xana Yehovha u karihele milambu-ke? Xana vukari bya yena byi pfurhele milambu? Kumbe u karihela lwandle, loko u famba hi tihanci ta wena, ni tigolonyi ta wena ta ku ponisa xana?

Eksoda 14:22

Kutani vana va Israele va famba exikarhi ka lwandle, laha ku omeke; mati ma endle tintshava hi matlhelo mambirhi.

Eksoda 14:29

Kambe vana va Israele va famba exikarhi ka lwandle, laha ku omeke, mati ma va endlerile tintshava hi matlhelo mambirhi.

Eksoda 15:8

“Hi ku hefemula ka tinhompfu ta wena, mati ma hlengeletanile, Mati lama tsutsumaka ma yimisiwile, ma endle khumbi; Magandlati ma tiyile xikarhi ka lwandle.

Yoxuwa 4:22

Mi ta dyondzisa vana va n'wina ha wona, mi ku eka vona: Israele u perile Yordani loyi, laha ku omeke.

Yoxuwa 5:1

Tihosi ta Vaamori leti nga evupeladyambu ka Yordani, ni tihosi hinkwato ta Vakanana leti nga eribuwini ra lwandle, kuteloko ti twile leswaku Yehovha a omisile mati ya Yordani emahlweni ka vana va Israele va ko va pela, timbilu ta tona ti nyuka, ti tsemeka mihlana emahlweni ka vana va Israele.

Yoxuwa 12:3

ni le rivaleni, ku fika eLwandle ra Kinereta, evuxeni, ni ku fika eLwandle ra Rivala, ri nga Lwandle ro Dzuma, evuxeni, tlhelo ra Beta-Yeximoto, ni le dzongeni, ehansi ka ntshava ya Pisga.

Yoxuwa 16:7

kutani wu suka eYanowaka, wu rhelela eAtaroti na Naara, wu ya fika eYeriko, kutani wu ya hela eYordani.

Vaavanyisi 7:22

Kambe va madzana manharhu va karhi va yimba tinanga; Yehovha a endla leswaku un'wana ni un'wana wa Vamidiyani a tlhava warikwavo hi tlhari ra yena emixaxeni hinkwayo, hinkwavo lava ngi va ri emixaxeni va baleka ku ya fika eBeta-Xita, tlhelo ra Serera, ku ya fika endzilakaneni wa Avele-Mehola, tlhelo ra Tabata.

Pisalema 78:13

Xi tsemakanyisa lwandle, xi va perisa, Xi yimisa mati ma endla swange i khumbi.