Yoxuwa 3:10 - Xitsonga (Bibele)

¹⁰ Kutani Yoxuwa a ku: “Mi ta tiva hi lexi, leswaku ku ni Xikwembu lexi hanyaka exikarhi ka n'wina, ni leswaku xi ta hlongola kunene emahlweni ka n'wina Vakanana, ni Vahiti, ni Vahivhi, ni Vaperesi, ni Vagirigaxi, ni Vaamori, ni Vayebusi.

BIBELE Mahungu Lamanene

¹⁰ Kutani Yoxuwa a ku ka vona: “Mi ta swi tiva leswaku Xikwembu lexi hanyaka xi le xikarhi ka n'wina, naswona xi nga ka xi nga tsandzeki ku hlongola Vakanana, ni Vahiti, ni Vahivhi, ni Vaperesi, ni Vagirigaxi, ni Vaamori, ni Vayebusi, va suka emahlweni ka n'wina.

Yoxuwa 3:10 Referans Kwoze

Duteronoma 7:1

“Kutakuloko Yehovha, Xikwembu xa wena, a ku nghenisile etikweni leri u yaka eka rona ku ri fuma, ni loko xi hlongorile emahlweni ka wena matiko layo tala, va nga Vahiti, ni Vagirigaxi, ni Vaamori, ni Vakanana, ni Vaperesi, ni Vahivhi, ni Vayebusi, ma nga matiko lama ku tlulaka hi ku tala ni matimba,

Eksoda 33:2

Ndzi ta rhuma ntsumi leyi nga ta ku rhangela emahlweni kutani ndzi ta hlongola Vakanana ni Vaamori, ni Vahiti, ni Vaperesi, ni Vahivhi, ni Vayebusi,

Vaheveru 10:31

I mhaka leyi chavisaka ku wela emavokweni ya Xikwembu lexi hanyaka.

1 SAMIELE 17:26

Davhida a ku eka vavanuna lava yimeke ekusuhi na yena: “Xana va ta endla yini eka loyi a nga ta hlula Mufilista loyi, a susa xisandzu ehenhla ka Israele? I mani Mufilista loyi, la nga yimbangiki, leswi a sandzaka mavandla ya Xikwembu lexi hanyaka?”

Yeremiya 10:10

Kambe Yehovha i Xikwembu xo lulama, i Xikwembu lexi hanyaka, ni Hosi ya mikarhi ni mikarhi. Misava yi tsekatseka hi ku kariha ka xona, kutani matiko ma nga ka ma nga yimi emahlweni ka ku kariha ka xona.

2 TIHOSI 19:4

Kumbe Yehovha Xikwembu xa wena, xi yingisile marito hinkwawo ya Rhabi-Xake, la rhumiweke hi n'wini wa yena, hosi ya Asiriya, ku sandza Xikwembu lexi hanyaka; kumbexana Yehovha, Xikwembu xa wena, a ta avanyisa marito lawa a ma yingiseke kutani u ta humesa xikhongelo hikwalaho ka tiko leri ra ha seleke.’ ”

Yoxuwa 22:31

Kavaloko Finiyasi, n'wana Eliyazara, muprista, a ku eka vana va Rhuveni, ni ka vana va Gadi, ni ka vana va Manase: “Namuntlha ha tiva leswaku Yehovha u le xikarhi ka hina, leswi mi nga dyohelangiki Yehovha hi mukhuva lowu: Sweswi mi ponisile vana va Israele evokweni ra Yehovha.”

Duteronoma 31:17

Kambe vukari bya mina byi ta va pfurhela hi siku lero, kutani ndzi ta va tshika, ndzi va fihlela mombo wa mina, va ta dyiwa, kutani makhombo layo tala ni nhlomulo swi ta va wela ehenhla kutani va ta ku hi siku leri: ‘A hi leswi Xikwembu xa mina xi nga riki xikarhi ka hina leswi makhombo lawa ma ndzi weleke ehenhla xana?’

Eksoda 3:8

ndzi xikele ku ta va kutsula emavokweni ya Vaegipta, ni ku va humesa etikweni lero, ndzi va yisa etikweni lerikulu, lero saseka, etikweni ra ntswamba ni vulombe, evutshan'weni bya Vakanana, ni Vahiti, ni Vaamori, ni Vaperesi, ni Vahivhi, ni Vayebusi.

1 Vatesalonika 1:9

Hikuva vanhu va rungula maenghenelo ya hina eka rikwenu, ni hilaha mi nga hundzukela hakona eka Xikwembu, mi fularhela swifaniso ku tirhela Xikwembu lexi hanyaka, xa ntiyiso;

Hosiya 1:10

“Kambe vunyingi bya vana va Israele byi ta kotisa sava ra lwandle leri nga ringanisiwiki, ni loko ku ri ku hlayiwa; kutaku exivandleni lexo va nga byeriwa ka xona, leswaku ‘a mi vana va mina’, hi kona ku nga vuriwa leswaku: ‘Mi vana va Xikwembu lexi hanyaka.’

Pisalema 9:16

Yehovha u tikombisile, u lulamisile timhaka, U phasile mudyohi hi mitirho ya mavoko ya yena.

Duteronoma 5:26

Hikuva va kwihi vanhu lava nga yingisa kukotisa hina rito ra Xikwembu lexi hanyaka loko xi vulavula endzilweni, kutani va sala va hanya?

Matewu 16:16

Kutani Simoni Petro a angula, a ku: “U Kriste, N'wana wa Xikwembu lexi hanyaka.”

Esaya 7:14

Hikwalaho-ke, Hosi yi ta mi nyika yi ri yona xikombiso: Vonani wanhwana u ta xurha nyimba, u ta veleka n'wana wa wanuna, kutani u ta n'wi thya vito ra Emanuwele, (Xikwembu xi na hina).

1 TIHOSI 22:28

Kutani Mikaya a ku: “Kungakuloko u vuya hi ku rhula, Yehovha a nga vulavulanga ha mina.” A engeta a ku: “N'wina, matiko, yingisani hinkwenu!”

Yoxuwa 21:45

A ku wanga na rito rin'we ra marito hinkwawo yo saseka lawa Yehovha a ma byeleke yindlu ya Israele: hinkwaswo swi humelele.

Eksoda 17:7

A thya xivandla lexi vito ra Masa na Meriba (Miringo ni ku tenga), hikwalaho ka ku tengisa ka vana va Israele; ni ku ringa Yehovha, va ku: “Xana Yehovha u le xikarhi ka hina, kumbe a nga kona xana?”

Yohane 6:69

Kutani hina hi pfumerile, hi va hi swi tiva leswaku hi wena Kriste, Muhlawuriwa wa Xikwembu.”

Duteronoma 7:21

U nga tshuki u chava emahlweni ka vona, hikuva Yehovha, Xikwembu xa wena, u kona exikarhi ka wena, xi ri Xikwembu lexikulu, lexi chavisaka.

Yoxuwa 3:9

Yoxuwa a ku eka vana va Israele: “Tshinelani, mi yingisa marito ya Yehovha, Xikwembu xa n'wina.”

Yoxuwa 9:1

Kuteloko tihosi hinkwato leti nga haleno ka Yordani entshaveni, ni le tikweni leri nga ehansi ni le ribuwini hinkwaro ra Lwandle Lerikulu, laha ku langutaneke na Lebanoni, Vahiti, ni Vaamori, ni Vakanana, ni Vaperesi, ni Vahivhi, ni Vayebusi, loko va twile timhaka teto,

1 SAMIELE 26:6

Kutani Davhida a vulavula na Ahimeleke, Muhiti, na Abixayi, n'wana Seruya makwa Yowabu, a ku eka vona: “I mani la nga ta xikela na mina eka Sawulo emagoveleni?” Abixayi a ku: “Mina, ndzi ta famba na wena.”

Pisalema 42:2

Moya wanga wu ni torha ra Xikwembu, ra Xikwembu lexi hanyaka. Ndzi ta ya rini, ndzi humelela emahlweni ka Xikwembu xana?

Genesa 15:21

ni ra Vaamori, ni ra Vakanana, ni ra Vagirigaxi, ni ra Vayebusi.”

Tinhlayo 13:29

Vaamaleke va akile edzongeni; Vahiti, ni Vayebusi, ni Vaamori va akile etintshaveni, Vakanana va akile ekusuhi ni lwandle, ni le ribuwini ra Yordani.”

Yoxuwa 11:3

ni le ka Vakanana va le vuxeni ni vupeladyambu, ni le ka Vaamori, ni le ka Vahiti, ni le ka Vaperesi, ni le ka Vayebusi, entshaveni, ni le ka Vahivhi, ehansi ka Hermoni, ni le tikweni ra Mispa.

Yoxuwa 12:8

ku ri entshaveni, ni le tikweni leri nga ehansi, ni le rivaleni, ni le ku rheleleni ka tintshava, ni le mananga, ni le dzongeni: va ri Vahiti, ni Vaamori, ni Vakanana, ni Vaperesi ni Vahivhi ni Vayebusi.

Yoxuwa 24:11

“ ‘Kutani mi perile Yordani, mi ya fika eYeriko. Vini va Yeriko, ni Vaamori, ni Vaperesi, ni Vakanana ni Vahiti ni Vagirigaxi, ni Vahivhi, ni Vayebusi va lwile na n'wina, kambe ndzi va nyiketile emavokweni ya n'wina.

1 TIKRONIKA 1:14

ni Vayebusi, ni Vaamori, ni Vagirigaxi,