Yoxuwa 24:32 - Xitsonga (Bibele)

³² Marhambu ya Yosefa lama rhwariweke hi vana va Israele loko va suka eEgipta, va ma lahla eXikeme, etlhelweni ra nsimu leyi Yakobo a yi xaveke eka vana va Hamoro, tata wa Xikeme, hi makesita ya dzana, kutani nsimu leyi yi va ya ndzhaka ya vana va Yosefa.

BIBELE Mahungu Lamanene

³² Marhambu ya Yosefa lawa Vaisraele va humeke na wona etikweni ra Egipta, va ma celerile eXikeme, endhawini leyi Yakobo a yi xaveke eka vana va Hamoro tata wa Xikeme hi mali ya tisilivhere ta 100. Kutani ndhawu leyi yi vile ndzhaka ya vatukulu va Yosefa.

Yoxuwa 24:32 Referans Kwoze

Genesa 50:25

Yosefa a hlambanyisa vana va Israele, a ku: “Ndzi vurisile, Xikwembu xi ta mi endzela, emikarhini yeleyo mi ta susa marhambu ya mina kwala, mi famba na wona.”

Genesa 33:19

Kutani a xava xivandla lexi a dzimeke ntsonga wakwe eka xona, a humesa dzana ra makesita emavokweni ya vana va Hamoro, tata wa Xikeme.

Eksoda 13:19

Muxe a teka na yena marhambu ya Yosefa; hikuva Yosefa a hlambanyele vana va Israele, a ku: “Kunene Xikwembu xi ta mi endzela kutani mi ta suka halenu mi tekile; marhambu ya mina.”

Timhaka 7:16

Kambe mitsumbu ya vona yi yisiwa eXikeme, yi lahliwa esirheni ra Abrahama leri ingi a ri xavile hi mali eka vana va Hemori, tata wa Xikeme.

Vaheveru 11:22

Hi ku pfumela, Yosefa, siku a faka, a vula ku suka ka vana va Israele, kutani a va lerisa hi ta marhambu ya yena.

Yohane 4:5

Kutani a fika emutini wun'wana wa le Samariya lowu vuriwaka Sikari, ekusuhi ni tiko leri Yakobo a nga ri nyika Yosefa, n'wana wa yena.

Genesa 48:22

Kutani mina ndzi ku nyika ku avela kun'wana ehandle ka vamakwenu, swi nga leswi ndzi swi kumeke eka Vaamori hi tlhari ra mina ni vurha bya mina.”

Timhaka 7:15

Kutani Yakobo a rhelela eEgipta, a fela kona, yena ni vatata wa hina.

Genesa 50:24

Kutani Yosefa a ku eka vamakwavo: “Ndza fa; Xikwembu xi ta mi endzela kunene, xi ta mi humesa etikweni leri, xi mi yisa etikweni leri xi nga hlambanyela Abrahama, na Isaka, na Yakobo, leswaku xi ta va nyika rona.”