Yoxuwa 24:15 - Xitsonga (Bibele)

¹⁵ Kambe loko swi bihile emahlweni ya n'wina ku tirhela Yehovha, hlawulani namuntlha loyi mi rhandzaka ku n'wi tirhela, hambi swikwembu leswi vatata wa n'wina va swi tirheleke ehase ka nambu, hambi swikwembu swa Vaamori, etikweni leri mi akeke eka rona. Loko ndzi ri mina ni yindlu ya mina, hi ta tirhela Yehovha.”

BIBELE Mahungu Lamanene

¹⁵ Loko mi nga swi lavi ku tirhela HOSI Xikwembu, namuntlha hlawulani loyi mi rhandzaka ku tirhela yena: Ku nga va swikwembu leswi vatata wa n'wina va swi tirheleke exifundzheni lexi xi nga entsungeni wa nambu wa Yufrata, kumbe swikwembu swa Vaamori lava mi tshamaka etikweni ra vona; kambe loko a ri mina ni ndyangu wa mina, hi ta tirhela HOSI Xikwembu.”

Yoxuwa 24:15 Referans Kwoze

1 TIHOSI 18:21

Eliya a tshinelela tiko hinkwaro, a ku: “Mi ta khwita hi milenge mimbirhi ku yisa kwihi xana? Loko Yehovha xi ri Xikwembu, n'wi landzeni; kambe loko Baali xi ri Xikwembu, n'wi landzeni!” Tiko ri miyela, ri ku ntsee.

Duteronoma 29:18

“Ku nga tshuki ku va xikarhi ka n'wina wanuna, hambi wansati hambi yindlu, ni loko ri ri rixaka leri mbilu ya rona yi hambukaka namuntlha eka Yehovha, Xikwembu xa hina, ku ya tirhela swikwembu swa matiko lawa; ku nga tshuki ku va xikarhi ka n'wina, ni rimitsu leri humesaka tsefu, ni ku pyopya;

Ezekiele 20:39

“Loko mi ri n'wina, va yindlu ya Israele, Hosi Yehovha u ri: Fambani mi luvela un'wana ni un'wana swifaniso swa yena; kambe ndzhaku, mi ta ndzi yingisa! Kambe a mi nga ha nyamisi na kambe vito ra mina lero kwetsima hi magandzelo ya n'wina, ni swifaniso swa n'wina.

Timhaka 11:23

Kuteloko a fikile, a vona tintswalo ta Xikwembu a tsaka; kutani a va khongotela hinkwavo ku tiyisela eka Hosi hi timbilu leti chivirikaka.

Eksoda 23:24

U nga tshuki u khinsamela swikwembu swa vona, u nga tshuki u swi tirhela, u nga encisi mikhuva ya vona; kambe u ta va dlaya hinkwavo, u hlanhla swifaniso hinkwaswo swa vona.

Vaavanyisi 6:10

Ndzi te eka n'wina: “Hi mina Yehovha, Xikwembu xa n'wina, mi nga tshuki mi chava swikwembu swa Vaamori, lava mi akeke etikweni ra vona.” Kambe a mi yingisangi rito ra mina.’ ”

Genesa 18:19

Hikuva ndzi n'wi hlawurile leswaku a lerisa vana va yena ni yindlu ya yena endzhaku ka yena, ku hlayisa ndlela ya Yehovha, ni ku endla leswo lulama leswinene, Yehovha a kondza a humesela Abrahama leswi a n'wi tshembiseke swona.”

Pisalema 101:2

Ndzi ta famba endleleni leyo hlawuleka, U ta ta rini eka mina xana? Ndzi ta famba hi mbilu leyi lulameke endlwini ya mina.

Pisalema 119:106

Ndzi hlambanyile, ndzi tiyisa, ndzi ku: Ndzi ta famba hi milawu ya ku lulama ka wena.

Duteronoma 13:7

exikarhi ka swikwembu swa matiko lama mi rhendzelaka exikarhi, hambi ma ri ekusuhi na wena, hambi ma ri ekule na wena, ku suka emakun'wini man'wana ya misava ku fika emakun'wini man'wana,

Eksoda 34:15

U nga tshuki u endla ntwanano ni vaaki va tiko lero, leswaku loko va oswa ni swikwembu swa vona, ni loko va tlhavela swikwembu swa vona, va ku vitana ku ya dya nyama ya magandzelo ya vona;

Genesa 35:2

Yakobo a ku eka va yindlu ya yena ni le ka hinkwavo lava ngi va ri na yena: “Susani swikwembu swin'wana leswi nga exikarhi ka n'wina, mi tihlantswa, mi funengela tinguvu tin'wana;

Yoxuwa 24:16

Tiko ri hlamula, ri ku: “A swi ve kule na hina ku tshika Yehovha hi ya tirhela swikwembu swin'wana!

Daniele 3:18

Ni loko swi nga ri sweswo, tiva, wena hosi, leswaku hi nga ka hi nga tirheli swikwembu swa wena, hi nga ka hi nga khinsami emahlweni ka xifaniso xa nsuku lexi u xi yimiseke.”

Mikiya 4:5

Vamatiko hinkwawo va famba un'wana ni un'wana hi vito ra xikwembu xa yena, kambe hina, hi famba hi vito ra Yehovha, Xikwembu xa hina, hi mikarhi ni mikarhi.

Eksoda 23:2

U nga tshuki u landzela lavo tala ku endla swo biha; u nga voyameli eka lavo tala ehubyeni loko va hombolokisa ku lulama.

Levhitika 14:42

Va ta lava maribye man'wana, va ma veka ematshan'weni ya layo sungula; va teka ni ndzhope wun'wana ku phama yindlu.

1 TIKRONIKA 1:14

ni Vayebusi, ni Vaamori, ni Vagirigaxi,