Yoxuwa 24:14 - Xitsonga (Bibele)

¹⁴ “Sweswi, chavani Yehovha, mi n'wi tirhela hi ku hetiseka ni ntiyiso. Susani swikwembu leswi vatata wa n'wina va swi tirheleke ehase ka nambu, na Egipta, mi tirhela Yehovha.

BIBELE Mahungu Lamanene

¹⁴ “Kutani sweswi, chavani HOSI Xikwembu, mi xi tirhela hi ku tinyiketa ni ku tshembeka. Swikwembu leswi vatata wa n'wina va swi tirheleke entsungeni wa nambu wa Yufrata ni le Egipta, hambanani na swona, mi tirhela HOSI Xikwembu.

Yoxuwa 24:14 Referans Kwoze

1 SAMIELE 12:24

Chavani ntsena Yehovha, mi n'wi tirhela hakunene hi timbilu hinkwato ta n'wina, hikuva langutani mitirho leyikulu leyi a yi endleke xikarhi ka n'wina!

Duteronoma 10:12

“Kutani sweswi, Israele, Yehovha Xikwembu xa wena, a lava yini eka wena-ke? A hileswaku u chava Yehovha, Xikwembu xa wena, u famba etindleleni hinkwato ta yena, u n'wi rhandza, u tirhela Yehovha, Xikwembu xa wena, hi mbilu hinkwayo ya wena, ni moya hinkwawo wa wena;

Genesa 35:2

Yakobo a ku eka va yindlu ya yena ni le ka hinkwavo lava ngi va ri na yena: “Susani swikwembu swin'wana leswi nga exikarhi ka n'wina, mi tihlantswa, mi funengela tinguvu tin'wana;

2 Vakorinto 1:12

Hikuva ku tidzunisa ka hina ku le vumbhonini bya ripfalo ra hina; hikuva hi hanyile ematikweni, ngopfu exikarhi ka n'wina, hi mbilu leyi pfumalaka mano, hi ri ni vunene bya Xikwembu, byi nga ri vutlhari bya nyama, kambe ti ri tintswalo ta Xikwembu.

Yoxuwa 24:23

Kutani va ku: “Hi timbhoni.”

Pisalema 119:1

Ku katekile lava tengeke emahanyelweni ya vona, Lava fambaka enawini wa Yehovha!

Ezekiele 20:18

“Kambe ndzi ku eka vana va vona emananga: Mi nga fambi hi mitila ya vatata wa n'wina, mi nga hlayisi mikhuva ya vona, mi nga tinyamisi hi swifaniso swa vona.

Pisalema 111:10

Ku chava Yehovha i ku sungula ka vutlhari; Hinkwavo lava ku hlayisaka va ni ku twisisa lokunene. Ku dzuna ka yena ku tshama hi laha ku nga heriki.

Ntirho 28:28

Kutani xi ku eka munhu: ‘Vona, xichavo xa Hosi, hi byona vutlhari; Ku papalata swo biha, hi kona ku twisisa.’ ”

Ezra 9:11

leyi u hi leriseke yona hi malandza ya wena vaprofeta, u te: ‘Tiko leri mi nga ta nghena eka rona ku ri teka, i tiko leri nyamisiweke hi thyaka ra matiko ya rona, ma ri tatisile hi manyala ya vona, ku sungula emakumo man'wana, ku yisa emakumo man'wana.

2 TIHOSI 20:3

“Oho! Yehovha, wa nga anakanya leswaku ndzi fambile emahlweni ka wena hi ku lulama, ni mbilu leyi tengeke, ndzi endlile leswinene emahlweni ka wena.” Kutani Hezekiya a rila ngopfu.

Yoxuwa 24:2

Kavaloko Yoxuwa a ku eka tiko hinkwaro: “Yehovha, Xikwembu xa Israele, u vula sweswo, a ku: ‘Emikarhini ya khale vatata wa n'wina, a a ri Tera tata wa Abrahama, ni tata wa Nahoro a va akile ehase ka nambu, a va tirhela swikwembu swin'wana.

Duteronoma 18:13

U ta va wa Yehovha, Xikwembu xa wena, ntsena;

Levhitika 17:7

Va nga ha humesi magandzelo ya vona eka swikwembu leswi va oswanaka na swona. Wu va eka vona nawu lowu nga heriki etinxakeni ta tinxaka.’

Timhaka 9:31

Kambe tikereke a ti tshamile hi ku rhula hinkwako etikweni ra Yudiya, ni ra Galeliya, ni ra Samariya, ti akisiwa, ti famba exichabyeni xa Hosi; kutani ti andza hi ku chavelela ka Moya lowo Kwetsima.

Luka 8:15

Leswi nga wela emisaveni leyinene, hi lava yingisaka rito, va ri hlayisa etimbilwini leto lulama, letinene, kutani va veka mihandzu hi ku tiyisela.

Hosiya 3:5

Kambe endzhaku, vana va Israele va ta tlhela va lava Yehovha, Xikwembu xa vona na Davhida, hosi ya vona; emikarhini ya le ndzhaku va ta ta chavela eka Yehovha ni le tintswalweni ta yena.

Ezekiele 23:3

va endle vuoswi le Egipta; evuntshweni bya vona va endle vuoswi; kona, va koka mavele ya vona, ku khomiwa mavele ya vona va ha ri vanhwana.

Vafilipiya 1:10

mi ta tiva ku tsundzuka timhaka leti tlurisaka hi ku saseka; mi ri karhi mi tenga, mi nga tshuki mi khunguvanyeka, ku ko ku fika siku ra Kriste;

Vaefesa 6:24

Tintswalo a ti ve ni hinkwavo lava rhandzaka Hosi ya hina, Yesu Kriste, hi rirhandzu leri nga onhakiki.

Pisalema 130:4

Hikuva ku rivalela ku le ka wena, Leswaku u chaviwa.

Pisalema 119:80

Mbilu hinkwayo ya mina a yi tinyikete timfanelo ta wena, Leswaku ndzi nga khomisiwi tingana.

Ntirho 1:1

Munhu a a ri kona etikweni ra Usi, vito ra yena a a ri Yobo. A a ri munhu la fambaka hi ku tenga ni ku lulama; a chava Xikwembu, a tinga swo biha.

Genesa 17:1

Kuteloko Abrama a hanyile malembe ya 99, Yehovha a tikombisa eka Abrama, a ku eka yena: “Hi mina Xikwembu xa matimba hinkwawo.

1 SAMIELE 7:3

Kavaloko Samiele a byela yindlu ya Israele hinkwayo, a ku: “Ku nga ku loko mi tlhelela eka Yehovha hi timbilu hinkwato ta n'wina, susani xikarhi ka n'wina swikwembu swimbe ni va Astarte, mi tiyisa timbilu ta n'wina eka Yehovha, mi tirhela yena ntsena; hi kona a nga ta mi ponisa emavokweni ya Vafilista.”

1 SAMIELE 12:14

Kungakuloko mi chava Yehovha, ni loko mi n'wi tirhela, ni loko mi yingisa rito ra yena, mi nga ali ku lerisa ka Yehovha, n'wina ni hosi ya n'wina leyi mi fumaka, mi ta landza Yehovha, Xikwembu xa n'wina.

Duteronoma 6:13

“U ta chava Yehovha, Xikwembu xa wena, u xi tirhela, ni ku hlambanya hi vito ra xona.

Pisalema 81:10

Hi mina Yehovha, Xikwembu xa wena, la ku humeseke etikweni ra Egipta! Ahlamisa nomu wa wena, ndzi ta wu tata.

Mikiya 6:8

Wena munhu u tivisiwile leswi lulameke, ni leswi Yehovha a swi lavaka eka wena; hileswaku u endla leswi lulameke, u rhandza tintswalo, ni ku famba hi ku titsongahata emahlweni ka Xikwembu xa wena.