Yoxuwa 24:10 - Xitsonga (Bibele)

¹⁰ Kambe a ndzi rhandzangi ku yingisa Balaama, kutani a mi katekisa, ndzi va ndzi mi ponisa emavokweni ya yena.

BIBELE Mahungu Lamanene

¹⁰ kambe Balaama a ndzi kalanga ndzi n'wi yingisa, hikokwalaho ú mi katekisile, kutani ndzi mi ponisile emavokweni ya yena.

Yoxuwa 24:10 Referans Kwoze

Esaya 54:17

Fumu rin'wana ni rin'wana leri va ri fulaka ku ku onha, ri nga ka ri nga pfuni nchumu kambe ririmi rin'wana ni rin'wana leri nga tikurisa ku kanetana na wena, u ta ri avanyisa. Hi yona ndzhaka ya malandza ya Yehovha, ni ku lulama loku ndzi nga ta va nyika,” ku vula Yehovha.

Duteronoma 23:5

Kambe Yehovha, Xikwembu xa wena, a nga rhandzanga ku yingisa Balaama, kutani Yehovha, Xikwembu xa wena, u ku hundzuluxele ku rhukana ku kateka, hikuva Yehovha, Xikwembu xa wena, a ku rhandzile.

Tinhlayo 22:35

Ntsumi ya Yehovha yi ku eka Balaama: “Famba ni vanhu lava, kambe u ta vula ntsena lexi ndzi nga ta ku byela xona.” Kutani Balaama a famba ni tindhuna ta Balaka.

Yoxuwa 24:11

“ ‘Kutani mi perile Yordani, mi ya fika eYeriko. Vini va Yeriko, ni Vaamori, ni Vaperesi, ni Vakanana ni Vahiti ni Vagirigaxi, ni Vahivhi, ni Vayebusi va lwile na n'wina, kambe ndzi va nyiketile emavokweni ya n'wina.

Mikiya 6:5

Tiko ranga, anakanya makungu lawa Balaka, hosi ya Mowabu ingi a ma lunghisile, ni leswi Balaama, n'wana Beyori, a n'wi hlamuleke swona, ni leswi humeleleke Xitimi ku ya fika eGiligala, u ta tiva ku endla ka Yehovha loku lulameke.”