Yoxuwa 23:3 - Xitsonga (Bibele)

³ “Ndzi dyuharile, ni ku taleriwa hi masiku. Mi vonile hinkwaswo leswi Yehovha, Xikwembu xa n'wina, a swi endleleke matiko hinkwawo lawa, emahlweni ka n'wina; hikuva i Yehovha, Xikwembu xa n'wina, loyi a mi lwelaka.

BIBELE Mahungu Lamanene

³ Hinkwaswo leswi HOSI Xikwembu xi swi endleke vamatiko lava hinkwavo hikwalaho ka n'wina, mi swi vonile. Hi xona HOSI Xikwembu xa n'wina lexi xi mi lweleke.

Yoxuwa 23:3 Referans Kwoze

Eksoda 14:14

Yehovha u ta mi lwela, kambe n'wina mi ta timiyelela ntsena.”

Yoxuwa 10:42

Yoxuwa a teka kan'we tihosi hinkwato ni matiko ya tona, hikuva Yehovha, Xikwembu xa Vaisraele, a a lwela Israele.

Yoxuwa 10:14

A ku vanga na siku kukota siku lero, hambi ku ri emahlweni, hambi ku ri ndzhaku, loko Yehovha a yingisa rito ra munhu; hikuva Yehovha a a lwela Israele.

Malakiya 1:5

Mahlo ya n'wina ma ta swi vona, kutani mi ta ku: “Yehovha u ta va nkulu ehenhla ka tiko ra Israele.”

Duteronoma 20:4

hikuva Yehovha, Xikwembu xa n'wina, u famba na n'wina ku mi lwela eka valala va n'wina ni ku mi ponisa.’

Duteronoma 4:9

“Ntsena tivonele, u hlayisa swinene moya wa wena, leswaku u nga tshuki u rivala swilo leswi mahlo ya wena ma swi voneke; swi nga tshuki swi huma embilwini ya wena, ni siku ni rin'we ra ku hanyaka wena; u swi dyondzisa vana va wena ni vatukulu va wena.

Duteronoma 1:30

Yehovha, Xikwembu xa n'wina, lexi fambaka emahlweni ka n'wina, xi ta mi lwela xi ri xona, hilaha xi nga mi endlela swilo hinkwaswo emahlweni ka n'wina eEgipta,

Yoxuwa 23:10

Munhu un'we exikarhi ka n'wina u ta hlongorisa khume ra madzana ya vona; hikuva i Yehovha, Xikwembu xa n'wina, la mi lwelaka hilaha a mi byeleke hakona.

Ezekiele 20:28

Ndzi va yise etikweni leri ingi ndzi yimise voko ra mina, ndzi ku, ndzi ta va nyika rona, kutani kona va vona switsunga hinkwaswo leswo tlakuka, ni mirhi hinkwayo leyo tlhuma; kona, va tlhava magandzelo, va humesa timhamba ta vona leti ndzi karihisaka. Kambe va hisa mirhi ya risuna, va chela kona magandzelo ya swakunwa.

Eksoda 19:4

‘Mi vonile leswi ndzi swi endleke eka Vaegipta, hilaha ndzi mi velekeke ehenhla ka timpapa ta gama, ndzi mi tisa eka mina.

Duteronoma 7:17

Kambe loko u vula embilwini ya wena u ku: ‘Matiko lawa, ma ndzi tlula hi ku tala; ndzi ta va tekerisa ku yini tiko xana?’

Duteronoma 7:24

a ta neha tihosi ta vona emavokweni ya wena, kutani u ta hlangula mavito ya tona ehansi ka tilo. A ku na munhu la nga ta tiya emahlweni ka wena u ko u va heta.