Yoxuwa 23:16 - Xitsonga (Bibele)

¹⁶ Kutakuloko mi tlula ntwanano lowu Yehovha, Xikwembu xa n'wina, a mi leriseke wona, mi ya tirhela swikwembu swin'wana, mi khinsama emahlweni ka swona vukari bya Yehovha byi ta mi pfurhela kutani mi ta hatlisa mi fa etikweni lerinene leri a mi nyikeke rona.”

BIBELE Mahungu Lamanene

¹⁶ Loko mo tshova ntwanano wa HOSI Xikwembu xa n'wina lowu xi mi leriseke wona, mi ya tirhela swikwembu swin'wana mi swi nkhinsamela, vukari bya HOSI Xikwembu byi ta pfurha ehenhla ka n'wina, kutani mi ta hatla mi hela etikweni leri ro saseka leri HOSI Xikwembu xi mi nyikeke rona.”

Yoxuwa 23:16 Referans Kwoze

2 TIHOSI 24:20

Hikuva vukari bya Yehovha byi humelele ehenhla ka Yerusalema na Yuda, a ko a va cukumeta emahlweni ka yena. Kutani Sedekiyasi a hundzukela hosi ya Babilona.

1 TIHOSI 14:15

Yehovha u ta ba Israele! Kukotisa rihlanga loko ri tsekatsekisiwa ematini, u ta susa Israele ehenhla ka tiko lerinene leri a ri nyikeke vatata wa vona, u ta va hangalasa ehase ka nambu, hikuva va tiendlele swifaniso swa swikwembu, va ri karhi va hlundzukisa Yehovha.

2 TIHOSI 17:7

Hikuva vana va Israele a va dyohele Yehovha, Xikwembu xa vona, loyi a va humeseke etikweni ra Egipta, ehansi ka voko ra Faro, hosi ya Egipta, kutani va chavile swikwembu swin'wana.

Yeremiya 32:24

Vonani, nhulu yi fike emahlweni ka muti ku nghena eka wona, kutani muti wu ta nyiketiwa emavokweni ya Vakalediya va wu lwisa, wu hlupha hi matlhari ni ndlala ni ntungu; lexi u xi vuleke xi fikile, wa xi vona.

Tinhlayo 33:56

Kutani leswi ndzi tiyiseke ku swi endla eka vona, ndzi ta swi endla eka n'wina.”

Duteronoma 6:15

hikuva Yehovha, Xikwembu xa wena, la nga exikarhi ka n'wina, i Xikwembu xa rilondzo. Vukari bya Yehovha, Xikwembu xa wena, byi nga ku pfurhela kutani a nga ku herisa emisaveni.

Duteronoma 17:3

loko a gandzela swikwembu swin'wana, a va a khinsama emahlweni ka swona, emahlweni ka dyambu ni n'weti, hambi ku ri emahlweni ka vandla hinkwaro ra matilo, yi ri mhaka leyi ndzi nga yi lerisangiki,

Duteronoma 28:15

“Kutakuloko u nga yingisi rito ra Yehovha, Xikwembu xa wena, ku hlayisa milawu hinkwayo va yena ni ku lerisa hinkwako ka yena, leswi ndzi ku lerisaka namuntlha, makhombo hinkwawo lawa ma ta ku tela henhla, ma ta ku fikela:

Vaavanyisi 2:14

Kutani ku kariha ka Yehovha ku pfurhela Vaisraele, a va nyiketa emavokweni ya vaonhi lava va onhaka, kutani a va nyiketa emavokweni ya valala va vona lava va va rhendzeleke; va tsandzeka ku yima emahlweni ka valala va vona.

Vaavanyisi 2:20

Kutani ku kariha ka Yehovha ku pfurhela Vaisraele, a ku: “Leswi tiko leri ri onheke ntwanano lowu ndzi wu endleke ni vatata wa vona ri nga yingisanga rito ra mina,

1 SAMIELE 12:25

Kungakuloko mi phikelela ku endla leswo biha, mi ta lova, n'wina, ni hosi ya n'wina.”

1 TIHOSI 9:6

Kambe loko mi ndzi fularhela, n'wina ni vana va n'wina, loko mi nga hlayisi milawu ya mina, ku ri ku lerisa loku ndzi ku vekeke emahlweni ka n'wina, ni loko mi ya tirhela swikwembu swin'wana, mi khinsama emahlweni ka swona;

1 TIHOSI 9:7

ndzi ta susa Israele ehenhla ka tiko leri ndzi n'wi nyikeke rona, ndzi ta cukumeta ekule na mina Yindlu leyi ndzi yi hlawuleleke vito ra mina; kutani Israele u ta va xivuriso ni xihlekiso exikarhi ka matiko hinkwawo.

Esaya 24:5

Misava yi onhiwe hi vaaki va yona, hikuva va tlule milawu, va dyohele ku lerisa va tshikile xinakulobye lexi nga heriki.

Yeremiya 32:23

Va vuya va ta ri fuma; kambe a va yingisangi rito ra wena, a va fambanga hi milawu ya wena, a va endlanga swilo hinkwaswo leswi u va leriseke swona, leswaku va swi endla; hilaha u va humeseleke makhombo lawa hinkwawo!