Yoxuwa 23:13 - Xitsonga (Bibele)

¹³ tivani swinene leswaku Yehovha, Xikwembu xa n'wina, a nga ka a nga ha tshami a hlongola matiko lawa emahlweni ka n'wina, kambe ri ta va sole ni rindzi eka n'wina, ni nkharisa ematsheveni ya n'wina, ni mitwa emahlweni ya n'wina, mi ko mi herisiwa henhla ka tiko lerinene leri Yehovha, Xikwembu xa n'wina a mi nyikeke rona.

BIBELE Mahungu Lamanene

¹³ tivani leswaku HOSI Xikwembu xa n'wina a xi nga ha yi emahlweni xi hlongola vamatiko lava va suka exikarhi ka n'wina, kutani va ta va ntlhamu ni rindzi eka n'wina, ni nkhavi etsheveni, ni mitwa ematihlweni ya n'wina, mi kondza mi hela laha tikweni leri ro saseka leri HOSI Xikwembu xi mi nyikeke rona.

Yoxuwa 23:13 Referans Kwoze

Duteronoma 7:16

“U ta heta matiko hinkwawo lawa Yehovha, Xikwembu xa wena, a ku nyikaka wona, u nga ka u nga ma languti hi tintswalo, kambe u nga tshuki u tirhela swikwembu swa wona, hikuva wu ta va ntlhamu eka wena.

Tinhlayo 33:55

Kambe loko mi nga hlongoli emahlweni ka n'wina vaaki va tiko, lava mi nga ta va tshika exikarhi ka n'wina, va ta va kukotisa mitwa emahlweni ya n'wina, ni risungunhu ematsheveni ya n'wina va ta mi endla valala va vona etikweni leri mi nga ta aka eka rona.

Eksoda 23:33

Va nga tshuki va aka etikweni ra wena, leswaku va nga tshuki va ku dyohisa emahlweni ka mina; hikuva loko swi ri tano, u ta tirhela swikwembu swa vona, kutani wu ta va ntlhamu eka wena.”

Luka 21:24

Va ta wa hi ku kariha ka fumu, va ta yisiwa va ri makhumbi ematikweni hinkwawo; kutani Yerusalema, u ta kandziyeriwa hi vamatiko ku ko ku hela nkarhi wa vamatiko.

Pisalema 69:22

Tafula ra vona a ri ve rindzi emahlweni ka vona, Ni ntlhamu eku tsakeni ka vona.

2 Timotiya 2:26

leswaku loko va tlhelele eku tlhariheni, va ta huma entlhan'wini wa Diyavulosi, loyi va phasiweke hi yena ku ya endla ku rhandza ka yena.

2 TIHOSI 25:26

Kutani tiko hinkwaro, ku suka eka lontsongo, ku fika eka lonkulu, ni tindhuna ta nyimpi va suka va ya eEgipta, hikuva a va chava Vakalediya.

Duteronoma 30:18

ndza mi byela namuntlha leswaku mi ta lova kunene; mi nga ka mi nga lehiseriwi masiku ya n'wina emisaveni leyi u nga ta nghena eka yona ku yi fuma loko u perile Yordani.

Duteronoma 29:28

Kambe Yehovha u va tsuvurile emisaveni ya vona hi vukari, ni ku holova, ni ku hiseka lokukulu, kutani u va cukumetile emisaveni yin'wana, hilaha swi vonekaka hakona namuntlha.’

Duteronoma 4:26

ndzi vitana namuntlha tilo ni misava, ti va timbhoni ta n'wina leswaku mi ta fa hi ku hatlisa etikweni leri mi nga ta ri fuma loko mi perile Yordani; masiku ya n'wina ma nga ka ma nga lehi kona, hikuva mi ta herisiwa kunene.

2 TIHOSI 25:21

Hosi ya Babilona yi va dlaya eRibila, etikweni ra Hamata. Kutani va Yuda va yisiwa evukhumbini ekule ni tiko ra vona.

1 TIHOSI 11:4

Kuteloko Solomoni a dyuhele, vasati va yena va hambukisa mbilu ya yena yi landza swikwembu swin'wana; kutani mbilu ya yena yi nga ha ri hinkwayo eka Yehovha, Xikwembu xa yena, kukotisa mbilu ya Davhida, tata wa yena.

Eksoda 10:7

Kutani malandza ya Faro ma ku eka yena: “Wanuna loyi u ta va ntlhamu eka hina ku fika rini xana? Tshunxa vanhu lavo, va ya tirhela Yehovha, Xikwembu xa vona. A ku swi voni leswaku Egipta wa lova xana?”

Eksoda 34:12

Chava ku endla ntwanano ni lava akeke etikweni leri u nga ta fika eka rona, va nga ti tshuka va hundzuka ntlhamu exikarhi ka wena.

Eksoda 34:16

kutani u vutela vana va wena vanhwanyana va vona, kutani vanhwanyana va vona va hambukisa vana va wena, leswaku va landzela swikwembu swa vona.

Ezekiele 28:24

A ku nga ha vi na mutwa lowu tlhavaka, kumbe ku tlhava loku vavisaka eka yindlu ya Israele, exikarhi ka hinkwavo lava va rhendzelaka, va nga lava ingi va va xanisa, va ta swi tiva leswaku hi mina Hosi Yehovha.

Vaavanyisi 2:21

na mina ndzi nga ka ndzi nga hlongorisi munhu ni un'we wa matiko lama siyiweke hi Yoxuwa siku a faka.

2 TIHOSI 17:18

Kutani Yehovha a karihela ngopfu Vaisraele, a va susa emahlweni ka yena, a ku salanga nchumu wa vona loko yi nga ri nyimba ya Yuda ntsena.

2 TIHOSI 17:20

Kutani Yehovha a cukumeta rixaka hinkwaro ra Israele, a va tsongahata, a va nyiketa emavokweni ya vayivi, a ko a va susa emahlweni ka yena.