Yoxuwa 23:11 - Xitsonga (Bibele)

¹¹ Hikwalaho, tilanguteleni swinene emimoyeni ya n'wina leswaku mi rhandza Yehovha, Xikwembu xa n'wina.

BIBELE Mahungu Lamanene

¹¹ Mi fanele ku vona leswaku mi rhandza HOSI Xikwembu xa n'wina!

Yoxuwa 23:11 Referans Kwoze

Yoxuwa 22:5

Ntsena tilanguteleni swinene, mi endla hi ku lerisa ni nawu lowu Muxe, nandza wa Yehovha, a mi leriseke wona, ni ku rhandza Yehovha, Xikwembu xa n'wina, ni ku famba etindleleni hinkwato ta yena, ni ku hlayisa ku lerisa ka yena, ni ku namarhela yena, ni ku n'wi tirhela hi timbilu hinkwato ta n'wina, ni mimoya hinkwayo ya n'wina.”

Varhoma 8:28

Kambe ha swi tiva leswaku hinkwaswo swi tirhisana swin'we hi vunene eka lava rhandzaka Xikwembu, va nga lava xi va vitaneke hi makungu ya xona lama tiyeke.

Swivuriso 4:23

Hlayisa mbilu ya wena ku tlurisa leswi hlayisiwaka, Hikuva i xihlovo xa vutomi.

Vaheveru 12:15

mi tilangutela leswaku ku nga tshuki ku va na un'we la titsonaka tintswalo ta Xikwembu, rimitsu ro bava ri nga tshuki ri mi hlukela, ri mi pfilunganya, kutani lavo tala va onhaka ha rona.

1 Vakorinto 16:22

Kungakuloko munhu a ri kona la nga rhandziki Hosi Yesu, a a endliwe anathema! Maranatha! (Hosi ya ta!)

1 Vakorinto 8:3

Kambe loko munhu a rhandza Xikwembu, u tiviwa hi xona.

Eksoda 20:6

kambe ndzi tsetselela lava ndzi rhandzaka, lava hlayisaka milawu ya mina ku yisa erixakeni ra khume ra madzana.

Vaefesa 5:15

Loko swi ri tano, tilanguteleni leswaku mi famba hi ku tianakanya, mi nga va tanihi lava nga riki na mano kambe mi va vanhu lava tlhariheke,

Luka 21:34

“Kambe tivoneni leswaku timbilu ta n'wina ti nga tshuki ti tikeriwa hi madyo, ni ku pyopya, ni ku vilela hi swa vutomi lebyi, kutani siku lero ri mi khoma hi xipuku;

Duteronoma 4:9

“Ntsena tivonele, u hlayisa swinene moya wa wena, leswaku u nga tshuki u rivala swilo leswi mahlo ya wena ma swi voneke; swi nga tshuki swi huma embilwini ya wena, ni siku ni rin'we ra ku hanyaka wena; u swi dyondzisa vana va wena ni vatukulu va wena.

Duteronoma 4:15

“Mi ta tivonela swinene mimoya ya n'wina, hikuva a mi vonangi xifaniso ni xin'we siku Yehovha a vulavuleke na n'wina eHorebe, exikarhi ka ndzilo,

Yoxuwa 23:10

Munhu un'we exikarhi ka n'wina u ta hlongorisa khume ra madzana ya vona; hikuva i Yehovha, Xikwembu xa n'wina, la mi lwelaka hilaha a mi byeleke hakona.

Yoxuwa 23:12

“Hikuva loko mi tlhelela endzhaku, ni loko mi namarhela leswi saleke swa matiko lawa lama tshameke exikarhi ka n'wina, ni loko mi tekelana vavasati na vona, kutani mi hlangana na vona, na vona va hlangana na n'wina,

Duteronoma 30:16

hikuva ndzi ku lerisa namuntlha ku rhandza Yehovha, Xikwembu xa wena, ni ku famba etindleleni ta yena, ni ku hlayisa milawu ya yena, ni timhaka ta yena, ni ku lerisa ka yena, hi kona u nga ta hanya, ni ku andza, kutani Yehovha, Xikwembu xa wena, xi ta ku katekisa etikweni leri u nga ta nghena eka rona ku ri fuma.

Duteronoma 30:20

u ri karhi u rhandza Yehovha, Xikwembu xa wena, u yingisa rito ra yena ni ku namarhela yena; hikuva hi yena la nga ku hanya ka wena, ni ku leha ka masiku ya wena, leswaku u ta aka emisaveni leyi Yehovha a hlambanyeleke vatata wa wena, Abrahama, na Isaka, na Yakobo, ku va nyika yona.”