Yoxuwa 23:10 - Xitsonga (Bibele)

¹⁰ Munhu un'we exikarhi ka n'wina u ta hlongorisa khume ra madzana ya vona; hikuva i Yehovha, Xikwembu xa n'wina, la mi lwelaka hilaha a mi byeleke hakona.

BIBELE Mahungu Lamanene

¹⁰ Wanuna un'we exikarhi ka n'wina ú kota ku hlongorisa vavanuna va madzana-dzana, hikuva HOSI Xikwembu xa n'wina hi xona xi mi lwelaka, hilaha xi tshembiseke hakona.

Yoxuwa 23:10 Referans Kwoze

Duteronoma 32:30

Xana munhu a nga hlongorisa ku yini va 1 000 xana? Ni vambirhi va nga hlongorisa va 10 000 xana? Loko ngi ribye ra vona ri nga va xavisanga, Ni loko Yehovha a nga va nyiketanga xana?

Levhitika 26:8

Vanhu va ntlhanu va n'wina va ta hlongorisa dzana, ni dzana ra va ka n'wina va ta hlongorisa dzana ra madzana; valala va n'wina va ta dlawa hi matlhari emahlweni ka n'wina.

Duteronoma 3:22

Mi nga tshuki mi va chava, hikuva Yehovha, Xikwembu xa n'wina, xi ta mi lwela xi ri xona.’

Eksoda 14:14

Yehovha u ta mi lwela, kambe n'wina mi ta timiyelela ntsena.”

Pisalema 35:1

Oho Yehovha! Ndzi lwele eka lava ndzi pfukaka, Lwana ni lava lwaka na mina!

Duteronoma 20:4

hikuva Yehovha, Xikwembu xa n'wina, u famba na n'wina ku mi lwela eka valala va n'wina ni ku mi ponisa.’

Varhoma 8:31

Xana hi ta ku yini etimhakeni teto xana? Loko Xikwembu xi hi yimela, i mani la nga lwaka na hina xana?

Pisalema 46:7

Yehovha wa mavandla u na hina, Xikwembu xa Yakobo i xichavelo xa hina lexi tlakukeke!

Yoxuwa 23:3

“Ndzi dyuharile, ni ku taleriwa hi masiku. Mi vonile hinkwaswo leswi Yehovha, Xikwembu xa n'wina, a swi endleleke matiko hinkwawo lawa, emahlweni ka n'wina; hikuva i Yehovha, Xikwembu xa n'wina, loyi a mi lwelaka.

1 SAMIELE 14:6

Yonatani a ku eka jaha leri ngi ri tamele matlhari ya yena a ku: “Tana, a hi ye, hi ya fika ekhokholweni ra lava nga yimbangiki, kumbe Yehovha u ta hi lwela, hikuva a ku na xilo lexi sivelaka Yehovha ku ponisa, hambi vanhu va tele, hambi va nga ri vangani.”

Yoxuwa 10:42

Yoxuwa a teka kan'we tihosi hinkwato ni matiko ya tona, hikuva Yehovha, Xikwembu xa Vaisraele, a a lwela Israele.

Vaavanyisi 15:15

Kutani a vona rihlaya leri tsakamaka ra mbhongolo, a ri teka, kutani a dlaya vanhu va 1 000 ha rona.

2 SAMIELE 23:8

Hi wona mavito ya tinhenha ta Davhida: Yoxebe-Baxebete wa Hakimoni, a a ri ndhuna ya tinhenha ta matimba. U tlhavile hi tlhari vanhu va 800, va fa hi siku rin'we.

Vaavanyisi 3:31

Endzhaku ka Ehudi a ku ri na Xamgari, n'wana Anati, la nga dlaya Vafilista va 600 hi mbhingo wa tihavi; na yena a lamulela Israele.

Duteronoma 20:3

‘Yingisa Israele! Mi ta tilunghisa namuntlha ku ya lwa ni valala va n'wina. Timbilu ta n'wina ti nga tshuki ti tsana; mi nga tshuki mi chava, mi nga tshuki mi rhurhumela, ni ku va ni vutoya emahlweni ka vona;

Duteronoma 28:7

“Yehovha u ta ku nyika ku hlula valala va wena lava nga ta ku pfuka va ta huma hi ndlela yin'we ku lwa na wena, kambe va ta baleka emahlweni ka wena hi tindlela ta ntlhanu na timbirhi.

Duteronoma 32:20

U te: ‘Ndzi ta va fihlela mombo wa mina, Ndzi ta vona leswi nga ta va humelela; Hikuva i rixaka ro homboloka, I vana lava nga tshembekiki.

Yoxuwa 23:11

Hikwalaho, tilanguteleni swinene emimoyeni ya n'wina leswaku mi rhandza Yehovha, Xikwembu xa n'wina.

1 TIKRONIKA 5:22

Hikuva lavo tala va dlayiwile, hikuva nyimpi a yi huma eka Xikwembu; kutani va aka ematshan'weni ya vona, ku fika nkarhi lowu va yisiwaka evukhumbini ha wona.

Esaya 30:17

Va khume ra madzana va ta tsutsuma, va chavisa hi munhu a ri un'we; loko lava ntlhanu va mi chavisa, mi ta tsutsuma mi ko mi sala kukotisa mhandze leyi celeriweke enhlohlorhini ya ntshava, ni kukotisa mujeko entsungeni.”

Zakariya 12:8

“Hi siku rolero Yehovha u ta sirhela vaaki va Yerusalema; loko a ri loyi a nga riki na matimba exikarhi ka vona, esikwini rolero, u ta kotisa Davhida; yindlu ya Davhida vi va kukota Xikwembu, kukota ntsumi ya Yehovha emahlweni ka vona.

Levhitika 26:7

Mi ta hlongorisa valala va n'wina, va wa hi matlhari emahlweni ka n'wina.

1 TIKRONIKA 5:20

Va pfuniwile loko va lwa na vona, kutani va Hagara ni hinkwavo lava ngi va ri na vona, va nyiketiwa emavokweni ya vona. Hikuva, loko va ha lwa va huwelela eka Xikwembu, kutani Xikwembu xi va yingisa, hikuva a va xi tshembile.