Yoxuwa 22:8 - Xitsonga (Bibele)

⁸ kutani a va byela, a ku: “Mi tlhelela ekaya mi ri ni xuma lexikulu, ni swifuwo leswo tala, ni silivhere, ni nsuku, ni koporo, ni nhumbu, ni tinguvu leto tala ngopfu. Avelanani ni vamakwenu xuma xa valala va n'wina.”

BIBELE Mahungu Lamanene

⁸ ú te ka vona: “Tlhelelani emakaya ni rifuwo ra n'wina lero tala, ra swifuwo, ni silivhere, ni nsuku, ni koporo, ni nsimbhi, ni swiambalo; mi fanele ku avelana ni vamakwenu swilo leswi swi phanghiweke eka valala va n'wina.”

Yoxuwa 22:8 Referans Kwoze

Tinhlayo 31:27

Kutani u ta avanyisa leswi khomiweke exikarhi ka lava hlomeke, lava humeke nyimpi, ni nhlengeletano hinkwayo.

Swivuriso 3:16

Ku leha ka masiku ku le vokweni ra xinene ra byona; Ku fuma ni ku twala swi le vokweni ra ximatsi.

1 SAMIELE 30:24

Kutani i mani la nga ta mi yingisa emhakeni leyi? Hikuva ku averiwa ka loyi a fambeke eku lweni u ta fana ni ku averiwa ka loyi a tshameke enhundzwini, va ta avelana swin'we.”

Vaheveru 11:26

a ringanisa leswaku xisandzu xa Kriste i rifuwo leri tlulaka xuma xa Egipta, hikuva a a langutele hakelo.

1 Vakorinto 15:58

Hikwalaho, vamakwerhu lava rhandziwaka, tiyani swinene, mi nga tsekatsekeni, mi tirhela Hosi hi masiku, mi ri karhi mi swi tiva leswaku mitirho ya n'wina yi nga ka yi nga hundzuki swahava eHosini.

Pisalema 68:12

Tihosi ta tinyimpi ti tsutsuma, ti tsutsuma, Kutani wansati la langutelaka yindlu u averiwa xuma.

2 TIKRONIKA 17:5

Kutani Yehovha a tiyisa vuhosi evokweni ra yena, va Yuda hinkwavo va luva eka Yoxafati; a va ni rifuwo lerikulu ni ku twala lokukulu.

1 SAMIELE 30:16

Kavaloko a n'wi yisa kona. Kutani maswivo, a va hangalakile ematlhelweni hinkwawo ya tiko, va ri karhi va dya, va nwa va titsakela hi xuma hinkwaxo lexikulu lexi va xi phangeke etikweni ra Vafilista, ni le tikweni ra Yuda.

2 TIKRONIKA 32:27

Hezekiya a va ni rifuwo lerikulu ngopfu, ni ku twala lokukulu ngopfu; a tilavele xuma xa silivhere, ni xa nsuku, ni xa maribye ya risima, ni xa mirhi ya risuna, ni xa switlhangu, ni swa tinxaka hinkwato ta mitirho leyi navelekaka;

1 TIKRONIKA 5:9

Evuxeni a a akile ku fika emananga la fikaka enambyeni wa Yufrata, hikuva mitlhambi ya vona a yi ri leyikulu etikweni ra Giliyadi.