Yoxuwa 22:22 - Xitsonga (Bibele)

²² “Xikwembu xa matimba, Xikwembu, Yehovha wa swi tiva, na yena Israele u ta swi tiva! Loko hi endlile sweswo ku pfuka Yehovha ni ku n'wi dyohela, u nga tshuki u hi ponisa namuntlha.

BIBELE Mahungu Lamanene

²² “HOSI i Xikwembu xa matimba hinkwawo! HOSI Xikwembu xa matimba hinkwawo xa swi tiva, kutani na n'wina Vaisraele mi fanele ku swi tiva! Loko hi fularhele HOSI Xikwembu, kumbe loko hi tlurile xileriso xa xona, namuntlha mi nga hi tsetseleli!

Yoxuwa 22:22 Referans Kwoze

1 TIHOSI 8:39

Wena, yingisa u ri ematilweni laha u akeke kona, u rivalela, u tirha! U nyika un'wana ni un'wana hi tindlela hinkwato ta yena, wena la tivaka mbilu ya yena, hikuva hi wena, wena ntsena, la tivaka timbilu ta vana hinkwavo va vanhu,

Duteronoma 10:17

hikuva Yehovha, Xikwembu xa n'wina, Xikwembu xa swikwembu ni Hosi ya tihosi, i Xikwembu lexikulu, lexa matimba, ni lexi chavisaka, lexi nga yiki hi nghohe ya vanhu, lexi nga amukeriki tinyiko;

Pisalema 44:21

Xana Xikwembu ingi xi nga swi tivanga, Leswi xi tivaka leswi fihliweke etimbilwini xana?

Ntirho 10:7

Kasi wa swi tiva leswaku a ndzi na nandzu, Ni leswaku a ku na munhu la nga ndzi lamulelaka evokweni ra wena.

Yeremiya 17:10

Hi mina Yehovha ndzi kambaka timbilu, ndzi ringaka xisuti, leswaku ndzi tlherisela eka un'wana ni un'wana hi ku endla ka yena, ni mihandzu ya mitirho ya yena.”

Nhlavutelo 19:16

Kutani u ni vito leri tsariweke engubyeni ni le ndzhumbini wa yena, ri nge: Hosi ya tihosi, ni Mufumi wa vafumi.

Nhlavutelo 2:23

ndzi ta dlaya hi rifu, vana va yena, kutani tikereke hinkwato ti ta tiva leswaku hi mina la kambelaka swifungha ni timbilu, ndzi va ndzi hakela un'wana ni un'wana wa n'wina hi leswi ringanaka mitirho ya yena.

Vaheveru 4:13

Kutani a ku na xivumbiwa lexi nga vonakiki emahlweni ka xona, kambe hinkwaswo swi tshama ntsena swi ri erivaleni emahlweni ka loyi hi nga ni mhaka na yena.

1 Timotiya 6:16

a nga yena a ri swakwe la nga riki wa ku fa, la tiakeleke eku vonakaleni laha ku nga tshineleriwiki, loyi ku nga riki na munhu exikarhi ka vanhu la n'wi voneke ni la nga n'wi vonaka; loyi ku chaviwa ni matimba lama nga heriki swi nga eka yena. Amen!

2 Vakorinto 11:31

Xikwembu lexi nga Tata wa Hosi ya hina, Yesu Kriste, xi nga xona lexi khensiwaka hilaha ku nga heriki, xa swi tiva leswaku a ndzi hembi.

2 Vakorinto 11:11

Hikwalaho ka yini-ke? Xana hi leswi ndzi nga mi rhandziki xana? Swo tiva hi Xikwembu.

2 Vakorinto 5:11

Sweswi, hikwalaho ka ku tiva ku chavisa ka Hosi, hi khongotela vanhu ku pfumela; kutani hi tiviwa hi Xikwembu, kambe ndza tshemba leswaku ha tiviwa ni le timpfalweni ta n'wina.

Timhaka 25:11

Loko ndzi endlile swo homboloka eka un'wana, kumbe loko ndzi endlile xin'wana lexi fanelaka rifu, a ndzi ari ku fa, kambe loko swi nga ri tano etimhakeni leti va ndzi hehlaka ha tona, a ku na munhu la nga ndzi nyiketaka vona; ndzi tiveka eka Khezari.”

Timhaka 1:24

Kutani va khongela, va ku: “Hosi, wena la tivaka timbilu ta hinkwavo, kombisa loyi u n'wi hlawuleke eka lavambirhi lava,

Yohane 21:17

A tlhela a ku eka yena ra vunharhu: “Simoni, n'wana Yona, xana wa ndzi rhandza xana?” Petro a va ni tingana hikuva a a n'wi vutisa ra vunharhu, a ku: “Wa ndzi rhandza xana?” Kutani a ku eka yena: “Hosi, u tiva hinkwaswo, wa swi tiva leswaku ndza ku rhandza.” Yesu a ku eka yena: “Risa tinyimpfu ta mina.

Malakiya 3:18

Mi ta tlhela mi vona ku hambana loku nga kona eka la lulameke ni lowo biha, ni ka la tirhelaka Xikwembu ni la nga xi tirheliki!

Mikiya 7:9

Ndzi ta rhwala ku kariha ka Yehovha, hikuva ndzi n'wi dyoherile, leswaku a ta ndzi pfuna emitengweni ya mina, kutani a ndzi avanyisela. U ta ndzi humesela eku vonakaleni, kutani ndzi ta hlalela ku lulama ka yena.

Daniele 11:36

“Kutani hosi yi ta endla hilaha yi rhandzaka hakona, yi ta tikurisa, yi titlakusa ehenhla ka swikwembu hinkwaswo, kutani yi ta hleva Xikwembu xa swikwembu hi swisandzu leswi hlamarisaka, yi ta khuluka ku ko ku fika ku hetisekeni ka vukari, hikuva lexi lerisiweke xi ta endlakala.

Daniele 2:47

Kutani hosi yi vulavula na Daniele, yi ku: “Kunene Xikwembu xa n'wina i Xikwembu xa swikwembu, ni Hosi ya tihosi, ni muhlavuteri wa swihundla, hikuva xi kotile ku ndzi hlavutela xihundla xexo.”

Yeremiya 12:3

Kambe wena Yehovha, wa ndzi tiva, wa ndzi vona, kutani u ringa mbilu ya mina leswaku yi ri yini eka wena! Wa nga va koka tanihi tinyimpfu eku tlhaviweni kutani, u va hlawulela siku ra ku dlawa!

Pisalema 136:2

Dzunisani Xikwembu xa swikwembu, Hikuva tintswalo ta xona hi leti nga heriki!

Pisalema 97:7

Va khomiwa hi tingana, lava tirhelaka swifaniso, Lava tidzunisaka hi swikwembu swahava.

Pisalema 95:3

Hikuva Yehovha i Xikwembu lexikulu, I hosi leyikulu leyi tlulaka swikwembu hinkwaswo.

Pisalema 82:1

Xikwembu xi tshamile ehubyeni ya Xikwembu, Xi avanyisa exikarhi ka swikwembu.

Pisalema 37:6

U ta humesa ku lulama ka wena kukota ku vonakala, Ni ku tenga ka wena kukotisa nhlekanhi.

Ntirho 23:10

Kasi xi tiva tindlela ta mina; Ni loko xi nga ndzi ringa, a ndzi ta huma ndzi basile kukota nsuku.

1 SAMIELE 15:23

Hikuva ku tiarisa ku ringana ni ku hlahluva, ni vuphukuphuku byi fana ni ku tirhela swifaniso swa swikwembu ni titerafi. Leswi u cukumeteke rito ra Yehovha, u ku cukumetile na yena leswaku u nga ha vi hosi.”

Eksoda 18:11

Sweswi, ndza tiva leswaku Yehovha i nkulu eka swikwembu hinkwaswo; hikuva u va hangalasile emhakeni leyi va tikuriseke ha yona.”

Yoxuwa 22:21

Vana va Rhuveni, ni vana va Gadi ni va hafu ya nyimba ya Manase va hlamula va ku eka tindhuna ta madzanadzana ya Israele:

Pisalema 40:9

Ndzi twarisile ku lulama enhlengeletanweni leyikulu; Vona, a ndzi pfalanga milomu ya mina, Yehovha, wa swi tiva.

Pisalema 50:1

Xikwembu xa matimba, yena Yehovha, wa vulavula, u vitana misava, Ku suka evuxeni ku yisa evupeladyambu.

1 SAMIELE 2:3

Mi nga ha tarisi marito ya n'wina ya ku tikurisa; Ku tikukumuxa ku nga ha humi emilon'wini ya n'wina; Hikuva Yehovha i Xikwembu lexi nga ni vutivi, Hi yena la ringanisaka maendlelo ya vanhu.

Ntirho 31:22

Loko swi ri tano, khatla ra mina a ri huma emahlanganweni ya rona, Voko ra mina a ri we, ri tshoveka!

Pisalema 44:22

Kambe hi dlayiwa hi masiku hinkwawo hikwalaho ka wena, Hi ringanisiwa ni tinyimpfu leti yisiwaka eku tlhaviweni.