Yoxuwa 22:18 - Xitsonga (Bibele)

¹⁸ Kambe n'wina mi fularhela Yehovha namuntlha! Kungakuloko mi pfukela Yehovha namuntlha, mundzuku u ta karihela nhlengeletano hinkwayo ya Israele.

BIBELE Mahungu Lamanene

¹⁸ leswi namuntlha mi tshikaka ku landza HOSI Xikwembu? Loko namuntlha mi fularhela HOSI Xikwembu, mundzuku xi ta hlundzukela ntshungu hinkwawo wa Vaisraele.

Yoxuwa 22:18 Referans Kwoze

Tinhlayo 16:22

Kavaloko va wa ehansi hi mimombo, va ku: “Oho! Xikwembu, Xikwembu xa mimoya ya tinyama hinkwato! Munhu un'we u dyohile, kambe u karihela nhlengeletano hinkwayo!”

Yoxuwa 22:16

“Nhlengeletano hinkwayo ya Yehovha yi vula sweswo, yi ku: ‘Xana ku dyoha ka n'wina loku mi dyoheleke Xikwembu xa Israele hakona hi kwihi, leswi mi fularhelaka Yehovha namuntlha, mi ri karhi mi tiakela alitari ku pfuka Yehovha namuntlha xana?

2 TIKRONIKA 34:33

Kutani Yosiya a susa manyala hinkwawo ya matiko hinkwawo ya vana va Israele; a va a byisa hinkwavo lava ngi va ri etikweni ra Israele, ku tirhela Yehovha, Xikwembu xa vona. Hi masiku hinkwawo ya yena, a va fularhelanga Yehovha, Xikwembu xa vatata wa vona.

2 TIKRONIKA 25:27

Ku sungula hi nkarhi lowu Amasiya a fularheleke Yehovha, ku endliwe makungu eYerusalema ku n'wi pfukela, kutani a balekela eLakixi. Va rhuma vanhu lava n'wi landzeke eLakixi, va n'wi dlaya kona.

1 TIKRONIKA 21:14

Yehovha a rhuma ntungu etikweni ra Israele, kutani ku fa vanhu va Israele va 70 000.

1 TIKRONIKA 21:1

Satana a pfukela Vaisraele, kutani a kucetela Davhida ku hlaya Vaisraele.

2 TIHOSI 17:21

Hikuva Vaisraele va tiavanyisile eka yindlu ya Davhida, va vekile hosi Yerobuwamu, n'wana Nebati, kutani Yerobuwamu a hambukisa Israele leswaku va nga landzi Yehovha, a va dyohisa hi xidyoho lexikulu.

1 TIHOSI 9:6

Kambe loko mi ndzi fularhela, n'wina ni vana va n'wina, loko mi nga hlayisi milawu ya mina, ku ri ku lerisa loku ndzi ku vekeke emahlweni ka n'wina, ni loko mi ya tirhela swikwembu swin'wana, mi khinsama emahlweni ka swona;

2 SAMIELE 24:1

Vukari bya Yehovha byi pfurhela kambe Vaisraele, kutani a va pfuka hi Davhida loko a ku: “Yana, u hlaya Vaisraele ni va Yuda.”

1 SAMIELE 12:20

Samiele a ku eka tiko: “Mi nga chavi; mi endlile ku biha hinkwako loku, ntsena mi nga tshiki ku landza Yehovha, kambe mi tirhela Yehovha hi timbilu hinkwato ta n'wina.

1 SAMIELE 12:14

Kungakuloko mi chava Yehovha, ni loko mi n'wi tirhela, ni loko mi yingisa rito ra yena, mi nga ali ku lerisa ka Yehovha, n'wina ni hosi ya n'wina leyi mi fumaka, mi ta landza Yehovha, Xikwembu xa n'wina.

Yoxuwa 22:20

Xana Akani, n'wana Zera, a nga dyohanga emhakeni ya leswo yila? Kutani ku kariha a ku ri ehenhla ka nhlengeletano hinkwayo ya Israele; kambe a nga felangi xidyoho xa yena a ri yena ntsena xana?’ ”

Yoxuwa 7:21

Ndzi vonile exumeni nguvu leyo saseka, ya Xinara, ni madzana mambirhi ya tixikele ta silivhere, ni nsuku lowu vumbiweke wa tixikele ta 50 ta ku tika, ndzi swi naverile, ndzi va ndzi swi teka; kutani waswivo, swi fihliwile emisaveni entsongeni wa mina, kambe mali yi le hansi ka swona.”

Yoxuwa 7:11

Israele u dyohile, u tlurile ntwanano wa mina lowu ndzi va leriseke wona kambe va tekile leswo yila, va swi yivile va va, va swi fihla etinhundzwini ta vona.

Yoxuwa 7:1

Vana va Israele va tilavele nandzu hikwalaho ka anathema (leswo yila); Akani, n'wana Karimi, n'wana Zabidi, n'wana Zera, wa nyimba ya Yuda, a teka leswi yirisiweke kutani Yehovha a karihela vana va Israele.

Duteronoma 7:4

hikuva va ta hambukisa vana va wena ekule na mina, va ya tirhela swikwembu swin'wana, kutani vukari bya Yehovha ingi byi ta mi pfurhela, a mi heta kan'we.

Levhitika 10:6

Muxe a ku eka Aroni na Eliyazara na Itamara, vana va Aroni: “Mi nga tshuki mi funungula tinhloko ta n'wina ni ku handzula tinguvu ta n'wina, mi nga ta fa, Yehovha a nga tshuki a karihela nhlengeletano hinkwayo. Vamakwenu, va yindlu hinkwayo ya Israele hi vona lava nga ta rila hikwalaho ka ritshwa leri hisiweke i Yehovha.

Tinhlayo 32:15

Hikuva loko mi n'wi hundzukela, u ta tshama a mi tshika emananga, kutani mi ta herisa tiko leri hinkwaro.”

Yoxuwa 22:15

Va ta eka vana va Rhuveni ni ka vana va Gadi, ni ka va hafu ya nyimba ya Manase, etikweni ra Giliyadi, kutani va va byela, va ku: