Yoxuwa 22:15 - Xitsonga (Bibele)

¹⁵ Va ta eka vana va Rhuveni ni ka vana va Gadi, ni ka va hafu ya nyimba ya Manase, etikweni ra Giliyadi, kutani va va byela, va ku:

BIBELE Mahungu Lamanene

¹⁵ Kutani va ya fika etikweni ra Giliyadi eka va ka Rhuveni ni va ka Gadi ni hafu ya nyimba ya va ka Manase va ku ka vona:

Yoxuwa 22:15 Referans Kwoze

Vaheveru 12:25

Tilanguteleni leswaku mi nga tshuki mi alela la vulavulaka; hikuva leswi lava aleleke la nga vulavula na vona a ha ri emisaveni, va nga ponangiki, ngopfungopfu hina hi nga ponisa ku yini, loko hi fularhela la vulavulaka na hina a ri ematilweni;

1 Vakorinto 5:4

Hi vito ra Hosi ya hina, Yesu Kriste, hi ri karhi hi hlengeletene, n'wina ni moya wa mina, hi matimba ya Hosi ya hina Yesu Kriste,

1 Vakorinto 1:10

Kambe ndza mi khongotela, vamakwerhu, hi vito ra Hosi ya hina Yesu Kriste, ndzi ri: Vulani mhaka yi ri yin'we: Ku hambana ku nga tshuki ku va kona exikarhi ka n'wina, ntsena mi hlangana eku anakanyeni kun'we, ni le ku ehleketeni kun'we;

Matewu 18:17

Kuteloko a nga va yingisi, byela nhlengeletano; loko a nga yingisi nhlengeletano, eka wena a a kotise muhedeni ni muluvisi.

Esaya 63:10

Kambe vona va tiarisile, kutani va vavisile moya wa yena lowo kwetsima; kutani yena u hundzuke nala wa vona, a va a lwa na vona.

Pisalema 78:8

Va nga tshuki va fana ni vatata wa vona, Rixaka ra ku tiarisa, ro dzumadzuma, Rixaka leri nga fambiki hi mbilu yo tiya, Leri moya wa rona, wu nga tshembiki Xikwembu.

Ezra 9:15

Oho Yehovha, Xikwembu xa Israele, u lulamile; hina, hi lo sala hi ri lava poneke kukotisa leswi voniwaka namuntlha. Hi hina kwala, hi yimeke emahlweni ka wena hi ri ni nandzu; hikuva hi nga ka hi nga hanyi emahlweni ka wena hikwalaho ka swona.”

Ezra 9:2

Hilaha va tekeke vana va vona, va va tekanisa ni vana va vona, kutani rixaka ra ku kwetsima, va ri hlanganisile ni vamatiko, ku dyoha koloko ku sungurile hi tihosana ta tiko ni valerisi va rona.”

2 TIKRONIKA 28:13

va ku eka vona: “Mi nga ka mi nga nghenisi vakhomiwa lava halenu, hikuva mi rhandza ku engetela xidyoho xa hina ni milandzu ya hina, mi hi lavela nandzu emahlweni ka Yehovha hikuva nandzu wa hina wukulu, kutani vukari lebyikulu byi le henhla ka Israele.”

2 TIKRONIKA 26:18

kutani va arisa hosi Uziya, va ku eka yena: “A hi ntirho wa wena, Uziya, ku hisela Yehovha mirhi ya risuna! I ntirho wa vaprista, vana va Aroni, lava hlawuriweke ku hisa mirhi ya risuna. Huma evukwetsimelweni, hikuva u dyohile! Kutani ku nga ka ku nga vi ku dzuniseni ka wena emahlweni ka Yehovha Xikwembu.”

2 TIKRONIKA 25:27

Ku sungula hi nkarhi lowu Amasiya a fularheleke Yehovha, ku endliwe makungu eYerusalema ku n'wi pfukela, kutani a balekela eLakixi. Va rhuma vanhu lava n'wi landzeke eLakixi, va n'wi dlaya kona.

2 TIKRONIKA 10:19

Hi mukhuva wolowo Vaisraele va xandzukele yindlu ya Davhida ku fika siku leri.

1 TIKRONIKA 21:3

Yowabu a ku: “Yehovha a a engetele tiko ra yena eka dzana! Oho, hosi yanga! Xana hinkwavo a hi malandza ya hosi yanga xana? Hosi yanga yi lavela yini mhaka leyi? Israele a ta va ni nandzu wa swona hikwalaho ka yini-ke?”

1 SAMIELE 15:23

Hikuva ku tiarisa ku ringana ni ku hlahluva, ni vuphukuphuku byi fana ni ku tirhela swifaniso swa swikwembu ni titerafi. Leswi u cukumeteke rito ra Yehovha, u ku cukumetile na yena leswaku u nga ha vi hosi.”

Yoxuwa 22:18

Kambe n'wina mi fularhela Yehovha namuntlha! Kungakuloko mi pfukela Yehovha namuntlha, mundzuku u ta karihela nhlengeletano hinkwayo ya Israele.

Yoxuwa 22:12

Vana va Israele va swi twa, kutani va vitana nhlengeletano hinkwayo ya vana va Israele eXilo, ku ya lwa na vona.

Duteronoma 30:17

Kambe loko mbilu ya wena yi hunguka, ni loko u nga yingisi, kambe u pfumela ku kokiwa ni ku khinsama emahlweni; ka swikwembu swin'wana, ni ku swi tirhela,

Duteronoma 7:4

hikuva va ta hambukisa vana va wena ekule na mina, va ya tirhela swikwembu swin'wana, kutani vukari bya Yehovha ingi byi ta mi pfurhela, a mi heta kan'we.

Tinhlayo 32:15

Hikuva loko mi n'wi hundzukela, u ta tshama a mi tshika emananga, kutani mi ta herisa tiko leri hinkwaro.”

Tinhlayo 14:43

hikuva Vaamaleke ni Vakanana va kona emahlweni ka n'wina; ingi mi ta wa hi tlhari, hikuva mi fularhele Yehovha; Yehovha a nga ka a nga vi na n'wina.”

Tinhlayo 5:6

“Byela vana va Israele, u ku: ‘Loko munhu a dyohele warikwavo, hambi a ri wanuna, hambi a ri wansati, u dyohele na yena Yehovha; ni loko munhu loyi a ri ni nandzu wa xilo xihi ni xihi,

Levhitika 26:40

“ ‘Kutakuloko va tivula swidyoho swa vona, ni swidyoho swa vatata wa vona eku dyoheni loku va ndzi dyoheleke hakona;

Levhitika 5:19

Hi rona gandzelo ra ku riha, ra munhu loyi u dyoheleke Yehovha.”

Eksoda 32:8

Va hatlisile ku hambuka ndlela leyi ndzi va leriseke yona; va tiendlele rhole leri chuluriweke va khinsama emahlweni ka rona, va ri endlele magandzelo va ku: ‘Hi xona xikwembu xa wena Israele lexi ku humeseke etikweni ra Egipta!’ ”

Yoxuwa 22:14

ni tindhuna ta khume, ndhuna yin'we hi nyimba yin'wana ni yin'wana ya tinyimba hinkwato ta Israele; yin'wana ni yin'wana a yi ri hosi ya yindlu yin'wana ya vatata wa vona emavandleni ya Israele.

Yoxuwa 22:16

“Nhlengeletano hinkwayo ya Yehovha yi vula sweswo, yi ku: ‘Xana ku dyoha ka n'wina loku mi dyoheleke Xikwembu xa Israele hakona hi kwihi, leswi mi fularhelaka Yehovha namuntlha, mi ri karhi mi tiakela alitari ku pfuka Yehovha namuntlha xana?