Yoxuwa 22:12 - Xitsonga (Bibele)

¹² Vana va Israele va swi twa, kutani va vitana nhlengeletano hinkwayo ya vana va Israele eXilo, ku ya lwa na vona.

BIBELE Mahungu Lamanene

¹² Loko ntshungu wa Vaisraele wu twa mhaka leyi, wu hlengeletana hinkwawo eXilo, wu hloma matlhari ku ya lwa ni va ka Rhuveni ni va ka Gadi ni hafu ya nyimba ya va ka Manase.

Yoxuwa 22:12 Referans Kwoze

Varhoma 10:2

Hikuva ndzi mbhoni ya vona, ndzi ri: Va hisekela Xikwembu, kambe ku nga ri hi ku tiva;

Yoxuwa 18:1

Nhlengeletano hinkwayo ya vana va Israele yi hlangana eXilo; kutani va dzima kona tabernakela ya nhlengeletano, hikuva tiko a ri fumiwa hi vona.

Duteronoma 13:15

hi kona u nga ta dlaya kunene hi tlhari vaaki va muti lowo, u wu yirisa ni hinkwaswo leswi nga eka wona, u dlaya ni swifuwo swa wona hi tlhari.

Yoxuwa 22:13

Vana va Israele va rhumela eka vana va Rhuveni, ni ka vana va Gadi, ni ka va hafu ya nyimba ya Manase etikweni ra Giliyadi, Finiyasi, n'wana Eliyazara, muprista,

Yoxuwa 22:15

Va ta eka vana va Rhuveni ni ka vana va Gadi, ni ka va hafu ya nyimba ya Manase, etikweni ra Giliyadi, kutani va va byela, va ku:

Yoxuwa 22:32

Finiyasi, n'wana Eliyazara, muprista, ni tindhuna, va suka eka vana va Rhuveni, ni le ka vana va Gadi, etikweni ra Giliyadi, kutani va tlhelela etikweni ra Kanana, eka vana va Israele va ya va ambela timhaka leti.