Yoxuwa 21:45 - Xitsonga (Bibele)

⁴⁵ A ku wanga na rito rin'we ra marito hinkwawo yo saseka lawa Yehovha a ma byeleke yindlu ya Israele: hinkwaswo swi humelele.

BIBELE Mahungu Lamanene

⁴⁵ Swilo hinkwaswo leswo saseka leswi HOSI Xikwembu xi swi tshembiseke Vaisraele swi vuye swi hetiseka, a ku vanga na xin'we xa swona lexi nga humelelangiki.

Yoxuwa 21:45 Referans Kwoze

1 TIHOSI 8:56

“A ku dzunisiwe Yehovha la nyikeke tiko ra yena ra Israele ku wisa, hilaha a vuleke hakona! A ku wanga ni rito rin'we ra marito hinkwawo layo saseka lawa a nga ma vula hi Muxe, nandza wa yena.

Tinhlayo 23:19

Xikwembu a hi munhu leswaku xi nga hemba, Ni n'wana wa munhu leswaku xi nga tisola. Xana hi yena la vulaka, kutani a nga endli, Loyi a vurisaka, kutani a nga hetisisi?

1 Vatesalonika 5:24

La mi vitaneke wa tshembeka, u ta swi endla.

1 Vakorinto 1:9

Xikwembu xa tshembeka, lexi mi vitaneleke ku hlangana ni N'wana wa xona, Yesu Kriste, Hosi ya hina.

Vaheveru 6:18

leswaku hi timhaka timbirhi leti tiyeke leti Xikwembu xi nga kalaka ku hemba ha tona, hi kuma ku chaveleriwa loku tiyaka, hina hi chaveleke hi ku khoma leswi hi swi tshembaka, leswi vekeriweke emahlweni ka hina,

Tito 1:2

hi ku tshemba vutomi lebyi nga heriki, lebyi Xikwembu lexi nga hembiki xi byi tshembiseke ka hari mpfhuka misava yi nga si tumbuluka,

Esaya 48:3

“Khale ndzi vurile leswo rhanga, swi hume enon'wini wa mina ndzi swi vurile, kan'we ndzi swi endlile kutani swi humelela.

1 SAMIELE 3:19

Samiele a a kula, kutani Yehovha a a ri na yena; kambe a nga tshikanga rito rin'we ra marito hinkwawo ya yena ri wa ehansi.

1 TIHOSI 8:15

Kutani a ku: “A ku dzunisiwe Yehovha, Xikwembu xa Israele; la nga vulavula hi nomu wa yena na tatana, Davhida, kutani a hetisa hi voko ra yena rito leri a nga ri vula loko a te:

1 TIHOSI 8:20

Yehovha u hetisile rito leri a nga ri vula, ndzi tivekile ematshan'weni ya tatana Davhida, ndzi tshamile exiluvelweni xa Israele hilaha Yehovha a nga vula hakona, ndzi akele vito ra Yehovha, Xikwembu xa Israele, Yindlu;

1 TIHOSI 8:24

Hikuva u tiyisile eka nandza wa wena, tatana Davhida, rito leri u nga ri vula eka yena; u vurile hi nomu wa wena, kutani hi voko ra wena u hetisile rito ra wena, hilaha swi nga hakona namuntlha.

Nehemiya 9:8

u n'wi kumile a ri ni mbilu leyi tshembekaka emahlweni ka wena, u endla ntwanano na yena ku n'wi nyika tiko ra Kanana, ni ra Vahiti ni ra Vaamori, ni ra Vaperesi ni ra Vayebusi, ni ra Vagirigaxi, leswaku u ri nyika vatukulu va yena; kunene u hetile rito ra wena, hikuva u lulamile.