Yoxuwa 21:4 - Xitsonga (Bibele)

⁴ Ku huma tindlu ta va Kohata hi vuhlolotwana; kutani vana va muprista Aroni va Valevhi, va kuma hi vuhlolotwana miti ya 13, Yi ri ya nyimba ya Yuda, ni ya nyimba ya Simiyoni, ni ya rixaka ya Benjamini.

BIBELE Mahungu Lamanene

⁴ Kutani ku huma xiphemu xa mindyangu ya va ka Kohata: Valevhi lava va nga vatukulu va muprista Aroni va kumile miti ya 13, yi huma eka nyimba ya ka Yuda, ni ya ka Simiyoni, ni ya ka Benjamini.

Yoxuwa 21:4 Referans Kwoze

Yoxuwa 24:33

Kutani Eliyazara, n'wana Aroni, a fa, va n'wi lahla entsungeni wa Finiyasi n'wana wa yena, lowu a wu nyikiwile entshaveni ya Efrayimi.

Tinhlayo 3:27

Vana va Kohata: nyimba ya va Amirama, ni nyimba ya va Yisihara, ni nyimba ya va Hebroni, ni nyimba ya va Uziele; hi tona tinyimba ta va Kohata.

Yoxuwa 21:3

Kavaloko vana va Israele va nyika Valevhi hi ku lerisa ka Yehovha, miti leyi ni matikwana ya yona, va ma pambula endzhakeni ya vona.

Yoxuwa 21:5

Vana van'wana va Kohata va kuma hi vuhlolotwana miti ya 10, yi nga ya tindlu ta nyimba ya Efrayimi, ni ta nyimba ya Dani, ni ta hafu ya nyimba ya Manase.

Eksoda 6:16

Mavito ya vana va Levhi, hi tinyimba ta vona, hi lawa: Gerixoni, na Kohata na Merari. Malembe ya ku hanya ka Levhi a ma ri 137.

Eksoda 6:20

Amirama a teka Yokebedi hahani wa yena, a n'wi velekela Aroni na Muxe. Malembe ya ku hanya ka Amirama a ma ri 137.

1 TIKRONIKA 6:39

Na Asafa makwavo, la yimeke evokweni ra yena ra xinene: Asa n'wana Berekiya, n'wana Ximeya,