Yoxuwa 20:8 - Xitsonga (Bibele)

⁸ Ehase ka Yordani, evuxeni bya Yeriko, va hlawula Beseri, emananga, erivaleni wu ri muti wa nyimba ya Rhuveni, na Ramoto wa Giliyadi, muti wa nyimba ya Gadi, na Golani wa Baxani, wu ri muti wa nyimba ya Manase.

BIBELE Mahungu Lamanene

⁸ Entsungeni wa nambu wa Yordani, evuxeni bya Yeriko, va hlawula muti wa Beseri lowu wu nga emananga erivaleni, wu nga muti wa nyimba ya ka Rhuveni, ni muti wa Ramoto lowu wu nga eGiliyadi, wu nga wa nyimba ya ka Gadi, ni muti wa Golani lowu wu nga eBaxani, wu nga wa nyimba ya ka Manase.

Yoxuwa 20:8 Referans Kwoze

1 TIKRONIKA 6:78

ni le hase ka Yordani, wa Yeriko, evuxeni bya Yordani, enyimbeni ya Rhuveni, va nyikiwa Beseri emananga, ni tikwana ra wona, na Yahasa, ni tikwana ra wona,

Yoxuwa 21:36

ni ya nyimba ya Rhuveni, Beseri ni tikwanyana ra wona, na Yahasi ni tikwanyana ra wona,

Yoxuwa 21:38

ni ya nyimba ya Gadi, Ramoto wa Giliyadi, muti wa xichavelo xa mudlayi, ni tikwanyana ra wona, na Mahanayimi ni tikwanyana ra wona,

Yoxuwa 21:27

Va nyika vana va Gerixoni, va ri va tindlu ta Valevhi, Golani wa Baxani, muti wa xichavelo xa mudlayi, ni tikwanyana ra wona, na Bexetera ni tikwanyana ra wona, yi hume enyimbeni ya Manase;

1 TIKRONIKA 6:80

ni le nyimbeni ya Gadi: Ramoto wa Giliyadi, ni tikwana ra wona, na Mahanayimi, ni tikwana ra wona,

1 TIHOSI 22:6

Kavaloko hosi ya Israele yi hlengeleta vaprofeta, va lava ku va mune wa madzana, kutani a ku eka vona: “Xana ndzi nga ya hlasela Ramoto wa Giliyadi, kumbe ndzi nga yi xana?” Kutani va ku: “Tlhandluka, Yehovha u ta wu nyiketa emavokweni ya hosi.”

Duteronoma 4:43

I Beseri lowu nga emananga, erivaleni, wu ri wa va Rhuveni, na Ramoto wa Giliyadi, wa va Gadi, na Golani etikweni ra Baxani, wa va Manase.

Duteronoma 3:10

Hi tekile miti hinkwayo leyi nga erivaleni ri nga tiko ra Giliyadi hinkwaro, ni tiko ra Baxani hinkwaro, ku ya fika eSaleka na Edreyi, leyi nga miti ya ku fuma ka Ogo, wa Baxani.

Yoxuwa 20:7

Kavaloko va hlawula Kedexe wa Galeliya, entshaveni ya Neftali, na Xikeme entshaveni ya Efrayimi, na Kiriyata-Araba; wu nga Hebroni, entshaveni ya Yuda.

Yoxuwa 20:9

Hi yona miti leyi vekeriweke vana va Israele hinkwavo, ni muluveri la luvelaka exikarhi ka vona, leswaku un'wana ni un'wana la dlayeke munhu, ku nga ri ha vomu, a tiva ku balekela kona. A nga tshuki a dlawa hi voko ra murihiseri wa ngati, a nga si humelela emahlweni ka nhlengeletano.

2 TIHOSI 8:28

Kutani a suka na Yoramu, n'wana Akabu, a huma nyimpi, ku ya lwa na Hazaele hosi ya Siriya eRamoto wa Giliyadi, kambe Vasiriya va hlula Yoramu.