Yoxuwa 2:9 - Xitsonga (Bibele)

⁹ a ku eka vona: “Ndza swi tiva leswaku Yehovha u mi nyikile tiko leri, hikuva nchavo lowu mi wu pfuxeke wu hi wele ehenhla, kutani vaaki hinkwavo va tiko va hele timbilu emahlweni ka n'wina.

BIBELE Mahungu Lamanene

⁹ a fika a ku ka vona: “Ndza swi tiva leswaku HOSI Xikwembu xi mi nyikile tiko leri, ni leswaku hina ha mi chava, naswona vaaki va tiko hinkwavo va tshukile ngopfu hi ku chava n'wina.

Yoxuwa 2:9 Referans Kwoze

Eksoda 23:27

“Ndzi ta rhuma nchavo wa mina emahlweni ka wena, ndzi hangalasa tiko rin'wana ni rin'wana leri u nga ta fika eka rona; ndzi hlongorisa valala hinkwavo va wena.

Duteronoma 2:25

Namuntlha ndzi ta sungula ku chavisa ni ku rhurhumerisa ha wena matiko hinkwawo lama nga ehansi ka matilo, ma ko ma rhurhumela, ma hela timbilu emahlweni ka wena, loko ma yingisa ku twala ka wena.’

Yeremiya 27:5

“ ‘Hi mina ndzi endleke misava, ni vanhu, ni swiharhi leswi nga ehenhla ka misava, hi matimba ya mina lamakulu, ni voko ra mina leri tshambulukeke, ndzi yi nyika loyi ndzi swi rhandzaka ku n'wi nyika yona.

Eklesiasta 8:12

Kambe, hambi mudyohi a nga endla swo biha eka dzana, a andzeriwa masiku, hambiswiritano, ndza swi tiva leswaku lava chavaka Xikwembu va ta endleriwa leswinene, na vona, lava chavaka emahlweni ka mombo wa xona.

Pisalema 115:16

Loko ma ri matilo, i matilo ya Yehovha, Misava, u yi nyikile vana va vanhu.

Pisalema 112:10

Lowo biha u vona sweswo, kutani a vilela ha swona, U getsela meno, a omelela, Ku navela ka lavo biha ku endliwa swahava.

Ntirho 19:25

Kambe ndza swi tiva leswaku Mukutsuri wa mina wa hanya, Hikuva u ta pfuka emisaveni a ri yena wa ku hetelela.

Yoxuwa 2:11

Hi swi yingisile, kutani timbilu ta hina ti n'okile; a ku nga ha vi na ku tiya eka hina emahlweni ka n'wina: hikuva i Yehovha, Xikwembu xa n'wina, lexi nga Xikwembu le henhla ematilweni, ni la hansi emisaveni.

Genesa 35:5

Kavaloko va suka; kutani ku chava Xikwembu ku ve ehenhla ka miti leyi vandzamaneke na vona, hikwalaho a va landzelangi vana va Yakobo.

Matewu 20:15

Kumbe a ndzi swi koti ku tirha hi swa mina hilaha ndzi swi rhandzaka xana? Kumbe u hlunamele yini vunene bya mina xana?’

Nahume 2:10

Ka byisiwa, ka phangiwa, ka onhiwa! Mbilu ya n'oka, matsolo ma gudlagudla, swisuti hinkwaswo swi khomiwe hi ku vaviseka, mimombo hinkwayo yi ondzile!

Esaya 19:1

“Vonani, Yehovha u khandziyile epapeni lero vevuka; a kongome eEgipta; swikwembu swa Egipta swi rhurhumela emahlweni ka yena, timbilu ta Vaegipta ti tsanile endzeni ka vona.

2 TIHOSI 7:6

Hikuva Yehovha a a twarisile emagoveleni ya Vasiriya mpfumawulo wa tigolonyi ni wa tihanci ni wa nyimpi leyikulu, kutani va byelana, va ku: “Hosi ya Israele yi hi rhambele tihosi ta Vahiti ni tihosi ta Egipta ku ta hi hlasela.”

2 TIHOSI 5:15

Naamani a tlhelela eka munhu wa Xikwembu ni vanhu va yena hinkwavo, kuteloko a fikile a yima emahlweni ka yena, a ku: “Waswivo, ndza tiva leswaku a ku na Xikwembu emisaveni hinkwayo loko ku nga ri etikweni ra Israele. Sweswi, wanga amukela nhlengo wa ku khensa evokweni ra nandza wa wena.”

2 SAMIELE 17:10

Kutani hambi la tiyeke ku tlurisa, ni lowa mbilu leyi kotisaka ya nghala, u ta chava; hikuva Vaisraele hinkwavo va tiva leswaku tata wa wena i wanuna wa matimba ni leswaku u landziwa hi tinhenha.

Vaavanyisi 7:14

Nakulobye wa yena a hlamula, a ku: “Norho lowu, a wu vuri nchumu, loko ri nga ri tlhari ra Gidiyoni n'wana Yowasi wanuna wa Israele. Xikwembu xi nyiketile Vamidiyani ni mixaxa hinkwayo emavokweni ya yena.”

Duteronoma 32:8

La nge henhla loko a nyikile matiko ndzhaka ya wona, Ni loko a avanyisile vana va vanhu, U tsarile mindzilekana ya matiko Hi ntsengo wa vana va Israele,

Duteronoma 28:10

Kutani matiko hinkwawo ya misava ma ta vona leswaku vito ra Yehovha ri vuriwa ehenhla ka wena, hi kona va nga ta ku chava.

Duteronoma 11:25

Ku nga ka ku nga tiyi munhu ni un'we emahlweni ka n'wina; Yehovha u ta nghenisa xichavo ni ku rhurhumela hinkwako laha mi nga ta famba kona, hilaha a mi byeleke hakona.

Eksoda 18:11

Sweswi, ndza tiva leswaku Yehovha i nkulu eka swikwembu hinkwaswo; hikuva u va hangalasile emhakeni leyi va tikuriseke ha yona.”

Vaheveru 11:31

Hi ku pfumela, Rahava, wa muoswi, a nga lovanga ni lava nga pfumelangiki hikuva u amukerile vakamberi hi ku tsaka.

Tinhlayo 20:14

Loko va ri eKadexe, Muxe a rhuma tintsumi eka hosi ya Edomu, a ku: “Israele, makwenu, u ri: Wa tiva mikarhalo hinkwayo leyi hi yi rhweleke.

Tinhlayo 20:24

“Aroni u ta fa, a ya eka varikwavo; hikuva a nga ka a nga ngheni etikweni leri ndzi ri nyikeke vana va Israele, hikuva mi landzurile marito ya mina ematini ya Meriba.

Yoxuwa 2:8

Kakuloko vakamberi va nga si etlela, wansati a khandziya eka vona ehenhla ka lwangu;

Yoxuwa 2:24

Va ku eka Yoxuwa: “Kunene Yehovha u nyiketile tiko hinkwaro emavokweni ya hina, na vona vaaki hinkwavo va tiko va hele timbilu emahlweni ka hina.”

Yoxuwa 9:9

Va ku eka yena: “Malandza ya wena ma sukile etikweni leri nga ekule swinene hikwalaho ka vito ra Yehovha, Xikwembu xa wena, hikuva hi yingisile ntwalo wa yena, ni hinkwaswo leswi a swi endleke eEgipta,

Yoxuwa 9:10

ni hinkwaswo leswi a swi endleleke tihosi timbirhi ta Vaamori ehase ka Yordani, a nga Sihoni hosi ya Hexiboni, na Ogo, hosi ya Baxani, lava akeke eAxitaroto.

Yoxuwa 9:24

Va hlamula, va ku eka Yoxuwa: “Makhumbi ya wena ma byeriwile leswaku Yehovha, Xikwembu xa wena, xi lerisile Muxe, nandza wa xona, ku mi nyika tiko hinkwaro ni ku heta emahlweni ka n'wina vaaki hinkwavo va tiko; sweswo hi chavile ngopfu hikwalaho ka vutomi bya hina, emahlweni ka n'wina, kutani hi endlile sweswo.

Esaya 23:5

Loko Egipta a ti twa, u ta rhurhumela hi timhaka ta Tiri.

Yoxuwa 5:1

Tihosi ta Vaamori leti nga evupeladyambu ka Yordani, ni tihosi hinkwato ta Vakanana leti nga eribuwini ra lwandle, kuteloko ti twile leswaku Yehovha a omisile mati ya Yordani emahlweni ka vana va Israele va ko va pela, timbilu ta tona ti nyuka, ti tsemeka mihlana emahlweni ka vana va Israele.

Yoxuwa 6:2

Yehovha a ku eka Yoxuwa: “Languta, ndzi nyiketile emavokweni ya wena, Yeriko ni hosi ya kona, ni tinhenha ta kona.

Nehemiya 6:16

Kuteloko valala hinkwavo va hina va swi twa, va matiko hinkwawo lama hi rhendzeleke va tshuka, va pfimba timbilu, va chava hi ku vona leswaku mitirho yoleyo yi endliwile hi Xikwembu xa hina.

Estere 8:17

Etikweni rin'wana ni rin'wana, ni le mutini wun'wana ni wun'wana, eswivandleni hinkwaswo leswi rito ra hosi ni ku lerisa ka yona swi fikeke eka swona, Vayuda va tshamisa eku tsakeni ni le ku tsakisiseni va endla nkhuvo hi siku lerinene; ku tsandza ni lavanyingi exikarhi ka vanhu va matiko va tiendla Vayuda, hikuva ku chava ka Vayuda a ku va wele ehenhla.