Yoxuwa 2:6 - Xitsonga (Bibele)

⁶ Kambe a a va khandziyisile elwangwini, a va fihla ehansi ka tinyandza ta ntsembyana, leti a ti anekeke elwangwini.

BIBELE Mahungu Lamanene

⁶ Kambe Rahava a a khandziyisile vavanuna lava elwangwini ra yindlu a ya va funengeta hi ntsembyani lowu a a wu fumbile kwale henhla ka lwangu.

Yoxuwa 2:6 Referans Kwoze

Yakobo 2:25

Hi mukhuva wolowo, na yena Rahava, nsati wa vuoswi, a nga vekiwanga la lulameke hi mitirho xana, enkarhini lowo a amukeleke vakamberi, kutani a va tlherisa hi ndlela yin'wana xana?

Vaheveru 11:23

Hi ku pfumela, Muxe, kuteloko a velekiwile, a fihliwa hi vatswari va yena hi tin'hweti tinharhu, hikuva a va n'wi vona leswaku a a ri n'wana lowo saseka, kutani a va chavanga nawu wa hosi.

Vakolosa 3:3

hikuva mi file, kutani vutomi bya n'wina byi fihliwile na Kriste eka Xikwembu.

2 SAMIELE 17:19

Kutani wansati a teka nkumba a wu andlala enyangweni ya xihlovo, a aneka mavele lama kandziweke ehenhla ka wona, leswaku ku nga vonaki nchumu.

Matewu 24:17

la nga ehenhla ka yindlu, a nga ka a nga xiki a ya teka swa le ndlwini ya yena;

Yeremiya 36:26

Kutani hosi yi byela Yerahamiele, n'wana wa hosi, na Seraya n'wana Aziriele, na Xelemiya n'wana Abideli, leswaku va khoma Baruku, mutsari, ni muprofeta Yeremiya; kambe Yehovha a va fihla.

2 TIHOSI 11:2

Kambe Yoxeba, n'wana wa wansati wa hosi Yehoramu, makwa Ahaziya, a teka Yowasi n'wana Ahaziya, a n'wi susa exikarhi ka vana va hosi loko va dlawa, kutani a n'wi fihla ni muan'wisi wa yena endlwini ya masangu. A fihliwa sweswo emahlweni ka Ataliya, a nga dlawanga.

1 TIHOSI 18:13

Xana hosi ya nga a yi byeriwanga leswi ndzi swi endleke loko Yezabele a dlayile vaprofeta va Yehovha xana? Ndzi fihlile dzana ra vaprofeta va Yehovha ha ntlhanu wa makume ebakweni, ndzi va phamela vuswa ni mati.

1 TIHOSI 18:4

kakuloko Yezabele a herisa vaprofeta va Yehovha, Obadiya a teka vaprofeta va dzana, a va fihla ha ntlhanu wa makume ebakweni, a va phamela vuswa ni mati.

2 SAMIELE 11:2

Siku rin'wana, nimadyambu Davhida a pfuka ebyetlelweni bya yena, a fambafamba elwangwini ra yindlu ya hosi, kutani a vona a ri elwangwini wansati la hlambaka; wansati loyi, a a sasekile ngopfu.

Yoxuwa 2:8

Kakuloko vakamberi va nga si etlela, wansati a khandziya eka vona ehenhla ka lwangu;

Duteronoma 22:8

“Kutakuloko u aka yindlu leyintshwa, u ta biyela lwangu ra wena leswaku u nga vekeli ngati endlwini ya wena, loko kumbe munhu a wa a ri ehenhla ka yona.

Eksoda 2:2

Nsati loyi loko a tikile, a veleka n'wana wa wanuna; kuteloko a vona leswaku i xihlangi xo saseka, a xi fihla hi tin'hweti tinharhu.

Yoxuwa 2:5

kutani loko va lava ku pfala nyangwa ya muti byi ri vusikwanyana, vanhu lava va humile; a ndzi tivi laha va yeke kona; hatlisani ku va landza, hikuva mi nga va kuma.”

Yoxuwa 2:7

Kutani vanhu lava va va landzela endleleni leyi kongomaka emahlalukweni ya Yordani; kuteloko ku humile lava va va hlongorisaka, nyangwa yi pfariwa.

Yoxuwa 6:25

Yoxuwa a hanyisa Rahava wa nghwavava, ni yindlu ya tata wa yena, ni hinkwaswo leswi ngi swi ri swa yena; kutani u akile exikarhi ka Israele ku fika namuntlha, hikuva u fihlile tintsumi leti Yoxuwa a nga ti rhuma ku kamba Yeriko.