Yoxuwa 2:14 - Xitsonga (Bibele)

¹⁴ Vavanuna lava va ku eka yena: “Vutomi bya hina ematshan'weni ya n'wina ku fa loko mi nga byeli munhu timhaka ta hina kutakuloko Yehovha a hi nyikile tiko, hi ta mi tsetselela ni ku mi endlela leswinene.”

BIBELE Mahungu Lamanene

¹⁴ Kutani vavanuna va ku ka yena: “Swi nga antswa ku fa hina! Loko mo ka mi nga byeli munhu leswi hi teleke swona, hi ta mi tsetselela, hi va lava tshembekeke eka n'wina, loko HOSI Xikwembu xi hi nyika tiko leri.”

Yoxuwa 2:14 Referans Kwoze

Matewu 5:7

Ku katekile vona va tintswalo, hikuva va ta tweriwa vusiwana.

Swivuriso 18:24

La nga ni vanakulobye lavo tala u ta va ni khombo, Kambe ku ni nakulobye la tlulaka makwavo.

Genesa 24:49

Sweswi, kungakuloko mi rhandza ku endlela n'wini wanga hi tintswalo ni ku dzuneka, ndzi byeleni; kambe loko mi nga swi rhandzi, ndzi byeleni, ndzi tiva ku kongoma ra xinene kumbe ra ximatsi.”

1 TIHOSI 20:39

Kakuloko hosi yi hundza, a huwelela, a ku eka hosi: “Nandza wa wena a a humile nyimpi, kutani waswivo, wanuna a ndzi tshinelela, a tisa munhu, a ku: ‘Hlayisa munhu loyi, loko a pfumariwa, vutomi bya wena byi ta rihela vutomi bya yena, loko swi nga ri tano, u ta humesa talenta ya silivhere.’

2 SAMIELE 9:1

Kutani Davhida a ku: “Xana ka ha sele munhu wa yindlu ya Sawulo; leswaku ndzi n'wi kombisa tintswalo hikwalaho ka Yonatani xana?”

1 SAMIELE 20:8

Wa nga kombisa nandza wa wena tintswalo ta wena leswi u endleke vunakulobye hi vito ra Yehovha ni nandza wa wena. Ni loko ku ni nandzu wun'wana eka mina, ndzi dlaye u ri wena, u ta ndzi yisela yini eka tata wa wena?”

Yoxuwa 6:25

Yoxuwa a hanyisa Rahava wa nghwavava, ni yindlu ya tata wa yena, ni hinkwaswo leswi ngi swi ri swa yena; kutani u akile exikarhi ka Israele ku fika namuntlha, hikuva u fihlile tintsumi leti Yoxuwa a nga ti rhuma ku kamba Yeriko.

Yoxuwa 6:17

Muti ni hinkwaswo leswi nga eka wona swi ta yila eka Yehovha; ku ta hanya Rahava nghwavava ntsena, ni hinkwavo lava nga na yena endlwini ya yena, hikuva u fihlile tintsumi leti hi ti rhumeke.

Yoxuwa 2:13

leswaku mi ta hanyisa tatana na manana, ni vamakwerhu va vavanuna, ni va vavasati, ni hinkwavo va tindlu ta vona, mi ponisa mimoya ya hina eku feni.”

Yoxuwa 2:15

Kavaloko a va xikisa hi pindza efasitereni, hikuva yindlu ya yena a yi akiwile swin'we ni rirhangu, kutani a akile erirhangwini.

Genesa 47:29

Kutani nkarhi wolowo Yakobo a nga ta fa ha wona, loko wu tshinerile, a vitana Yosefa, n'wana wa yena, a ku eka yena: “Loko ndzi kume tintswalo emahlweni ka wena, wanga veka voko ra wena ehansi ka ndzhumbi wa mina, u ndzi endlela hi tintswalo ni vunene, u nga ndzi lahli kwala Egipta.

Yoxuwa 6:22

Yoxuwa a ku eka vanhu lavambirhi lava kambeke tiko: “Yanani endlwini ya nghwavava, mi humesa kona nsati loyi ni vanhu hinkwavo va yena, hilaha mi n'wi hlambanyeleke hakona.”

2 SAMIELE 2:5

Kutani Davhida a rhuma tintsumi eka vanhu va Yabexe wa Giliyadi, a ku eka vona: “A mi katekisiwe hi Yehovha, n'wina mi nga kombisa tintswalo eka hosi ya n'wina, Sawulo, mi va mi n'wi lahla.

2 SAMIELE 2:6

Sweswi, Yehovha a a mi kombise tintswalo ni vunene! Na mina ndzi ta mi endlela leswinene hikuva mi endlile swona.

Swivuriso 14:22

Lava kanelaka swo biha a va lahleki xana? Kambe leswinene ni ntiyiso i swa lava kanelaka vunene.

Timhaka 23:22

Kavaloko ndhuna leyikulu yi tlherisa jahanyana rero yi ri lerisa, yi ku: “U nga tshuki u byela munhu leswaku u ndzi tivisile timhaka leti.”