Yoxuwa 2:11 - Xitsonga (Bibele)

¹¹ Hi swi yingisile, kutani timbilu ta hina ti n'okile; a ku nga ha vi na ku tiya eka hina emahlweni ka n'wina: hikuva i Yehovha, Xikwembu xa n'wina, lexi nga Xikwembu le henhla ematilweni, ni la hansi emisaveni.

BIBELE Mahungu Lamanene

¹¹ Timhaka leti ti hi tshukisile ngopfu loko hi ti twa; a ka ha ri na munhu loyi a nga ni matimba hi ku chava n'wina, hikuva HOSI Xikwembu xa n'wina hi xona xi nga Xikwembu xa le henhla tilweni ni le hansi emisaveni.

Yoxuwa 2:11 Referans Kwoze

Duteronoma 4:39

swi tive namuntlha, u tsala embilwini ya wena leswaku Yehovha i Xikwembu ehenhla etilweni, ni le hansi emisaveni; a ku na xin'wana.

Yoxuwa 5:1

Tihosi ta Vaamori leti nga evupeladyambu ka Yordani, ni tihosi hinkwato ta Vakanana leti nga eribuwini ra lwandle, kuteloko ti twile leswaku Yehovha a omisile mati ya Yordani emahlweni ka vana va Israele va ko va pela, timbilu ta tona ti nyuka, ti tsemeka mihlana emahlweni ka vana va Israele.

Esaya 13:7

Hikwalaho mavoko hinkwawo ma we nkorha, ku herile timbilu hinkwato ta vavanuna.

Yoxuwa 7:5

Vanhu va Ayi va dlaya vanhu va vona lava lavaka ku va 36, kutani va va hlongorisa emahlweni ka nyangwa, ku fika eXebarimi, va va hlula eku rheleleni, kutani mbilu ya tiko yi nyuka yi fana ni mati.

Pisalema 102:15

Hi laha matiko hinkwawo ma nga ta chava vito ra Yehovha, Ni tihosi hinkwato ta misava ti chava ku kwetsima ka wena.

Pisalema 83:18

Va ta tiva leswaku wena loyi vito ra yena a nga Yehovha, U tlakukile ehenhla ka misava hinkwayo.

1 TIHOSI 8:60

matiko hinkwawo ya misava ma ta tiva leswaku Xikwembu i Yehovha, ni leswaku a ku na xin'wana.

Nhlavutelo 6:16

Kutani va ku eka tintshava ni le ka maribye: “Hi weleni ehenhla, mi hi fihla emahlweni ka mombo wa loyi a tshameke exiluvelweni, ni le mahlweni ka vukari bya Xinyimpfana,

Nahume 2:10

Ka byisiwa, ka phangiwa, ka onhiwa! Mbilu ya n'oka, matsolo ma gudlagudla, swisuti hinkwaswo swi khomiwe hi ku vaviseka, mimombo hinkwayo yi ondzile!

Pisalema 22:14

Ndzi khuluka kukotisa mati, Marhambu ya mina hinkwawo ma sulekile; Mbilu ya mina yi fana ni xihlenge xa tinyoxi, Yi nyukile emarhumbyini ya mina.

Yoxuwa 14:8

Vamakwerhu lava khandziyeke na mina a va tsema mihlana ya tiko, kambe mina ndzi landzele swinene Yehovha, Xikwembu xa mina.

Duteronoma 20:8

Tindhuna ti ta engeta ti vulavula ni tiko, ti ku: ‘I mani la chavaka la pfumalaka mbilu xana? A a fambe, a timukela eka rikwavo, leswaku timbilu ta vamakwavo ti nga tshuki ti nyuka kukotisa ya yena.’

Duteronoma 1:28

Hi ta khandziya kwihi-ke? Vamakwerhu va herisile timbilu ta hina loko va te: “I tiko leri hi tlulaka hi ku tala, ni xiyimo xa vanhu i miti leyikulu, leyi biyeriweke ku fika etilweni, kambe hi vonile kona ni vana va Anaka.” ’

Eksoda 15:14

Matiko, loko ma swi twa, ma rhurhumela; Vafilista va khomiwa hi ku chava.

Eksoda 15:15

Tihosana ta Edomu ta rhurhumela; Tinhenha ta Mowabu ti dlayiwa hi mapfalo; Vaaki hinkwavo va Kanana va khomiwa hi ku rhurhumela.

2 TIHOSI 5:15

Naamani a tlhelela eka munhu wa Xikwembu ni vanhu va yena hinkwavo, kuteloko a fikile a yima emahlweni ka yena, a ku: “Waswivo, ndza tiva leswaku a ku na Xikwembu emisaveni hinkwayo loko ku nga ri etikweni ra Israele. Sweswi, wanga amukela nhlengo wa ku khensa evokweni ra nandza wa wena.”

Pisalema 58:7

A va nyuke kukotisa mati lama khulukaka! A va cope miseve leyi tshoviweke ntsena!

Esaya 19:1

“Vonani, Yehovha u khandziyile epapeni lero vevuka; a kongome eEgipta; swikwembu swa Egipta swi rhurhumela emahlweni ka yena, timbilu ta Vaegipta ti tsanile endzeni ka vona.

Ezekiele 21:15

Ri lotiwele ku dlaya lokukulu; ri lotiwe ri kondza ri vangama. Kumbe hi nga tsaka hi ku: Nhonga ya n'wananga yi sola mirhi hinkwayo.

Yoxuwa 2:24

Va ku eka Yoxuwa: “Kunene Yehovha u nyiketile tiko hinkwaro emavokweni ya hina, na vona vaaki hinkwavo va tiko va hele timbilu emahlweni ka hina.”

Yoxuwa 9:24

Va hlamula, va ku eka Yoxuwa: “Makhumbi ya wena ma byeriwile leswaku Yehovha, Xikwembu xa wena, xi lerisile Muxe, nandza wa xona, ku mi nyika tiko hinkwaro ni ku heta emahlweni ka n'wina vaaki hinkwavo va tiko; sweswo hi chavile ngopfu hikwalaho ka vutomi bya hina, emahlweni ka n'wina, kutani hi endlile sweswo.

Nehemiya 6:16

Kuteloko valala hinkwavo va hina va swi twa, va matiko hinkwawo lama hi rhendzeleke va tshuka, va pfimba timbilu, va chava hi ku vona leswaku mitirho yoleyo yi endliwile hi Xikwembu xa hina.

Estere 8:17

Etikweni rin'wana ni rin'wana, ni le mutini wun'wana ni wun'wana, eswivandleni hinkwaswo leswi rito ra hosi ni ku lerisa ka yona swi fikeke eka swona, Vayuda va tshamisa eku tsakeni ni le ku tsakisiseni va endla nkhuvo hi siku lerinene; ku tsandza ni lavanyingi exikarhi ka vanhu va matiko va tiendla Vayuda, hikuva ku chava ka Vayuda a ku va wele ehenhla.