Yoxuwa 2:10 - Xitsonga (Bibele)

¹⁰ Hikuva hi twile hilaha Yehovha a omiseke mati ya Lwandle ro Tshwuka emahlweni ka n'wina, loko mi huma eEgipta, ni laha mi endleke hakona eka tihosi timbirhi ta Vaamori ehase ka Yordani, a nga Sihoni na Ogo, lava mi nga va yirisa.

BIBELE Mahungu Lamanene

¹⁰ Hi twile hilaha HOSI Xikwembu xi nga phyisa mati ya Lwandle-ro-Tshwuka hakona emahlweni ka n'wina loko mi ta mi huma etikweni ra Egipta. Ni leswi mi swi endleke eka tihosi timbirhi ta Vaamori entsungeni wa nambu wa Yordani, ku nga Sihoni na Ogo, lava mi va heriseke, hi swi twile.

Yoxuwa 2:10 Referans Kwoze

Duteronoma 2:30

Kambe Sihoni, hosi ya Hexiboni, u hi arisile ku tsemakanya eka rikwavo, hikuva Yehovha, Xikwembu xa wena, xi nonon'hwisile moya wa yena, xi sihalarisile mbilu ya yena, leswaku xi ta n'wi neha emavokweni ya wena hilaha swi humeleleke hakona.

Tinhlayo 23:22

Xikwembu xi va humesile eEgipta; Xi va nyikile matimba ya nyarhi,

Yoxuwa 4:24

leswaku matiko hinkwawo ya misava ma tiva leswaku voko ra Yehovha ri ni matimba, mi ta chava Yehovha, Xikwembu xa n'wina hi laha ku nga heriki.”

Tinhlayo 20:14

Loko va ri eKadexe, Muxe a rhuma tintsumi eka hosi ya Edomu, a ku: “Israele, makwenu, u ri: Wa tiva mikarhalo hinkwayo leyi hi yi rhweleke.

Tinhlayo 24:8

Xikwembu xi n'wi humese Egipta, A heta matiko, va nga valala va yena; A faya marhambu ya vona, a khandla miseve ya vona.

Yoxuwa 5:1

Tihosi ta Vaamori leti nga evupeladyambu ka Yordani, ni tihosi hinkwato ta Vakanana leti nga eribuwini ra lwandle, kuteloko ti twile leswaku Yehovha a omisile mati ya Yordani emahlweni ka vana va Israele va ko va pela, timbilu ta tona ti nyuka, ti tsemeka mihlana emahlweni ka vana va Israele.

Pisalema 74:15

U pfelerisile swihlovo ni milambu, U omisile milambu leyi nga tiviki ku phya.

Yoxuwa 9:10

ni hinkwaswo leswi a swi endleleke tihosi timbirhi ta Vaamori ehase ka Yordani, a nga Sihoni hosi ya Hexiboni, na Ogo, hosi ya Baxani, lava akeke eAxitaroto.

Yoxuwa 24:12

Ndzi rhumile mimpfi emahlweni ka n'wina, leyi va hlongoriseke emahlweni ka n'wina, swin'we ni tihosi letimbirhi ta Vaamori: a ku nga ri hi tlhari ra wena ni vurha bya wena.