Yoxuwa 19:41 - Xitsonga (Bibele)

⁴¹ Ndzilakana wa ndzhaka ya vona a wu ri Sora; na Exitawulu, na Yiri-Xemexe;

BIBELE Mahungu Lamanene

⁴¹ Tiko leri ri nga ndzhaka ya vona ri katsa miti leyi: Sora, na Exitawulu, na Yiri-Xemexe;

Yoxuwa 19:41 Referans Kwoze

2 TIKRONIKA 11:10

na Sora, na Ayaloni, na Hebroni; miti leyi a yi ri etikweni ra Yuda ni ra Benjamini; miti ya makhokholo.

1 TIKRONIKA 2:53

ni tindlu ta Kiriyata-Yeyarimi, va Yitira, ni va Puti ni va Xuma, ni va Mixira; eka valavo ku humile va Sora ni va Exitawulu.

Vaavanyisi 18:2

Kutani vana va Dani va hlawula exikarhi ka vona hinkwavo vavanuna va ntlhanu va tinhenha, va huma eSora na Exitawulu, va va rhuma ku ya kambela tiko, ni ku ri lavisisa. Va ku eka vona: “Yanani mi ya kambela tiko.” Va ya, va ko va ta fika eka Mika, entshaveni ya Efrayimi, va etlela kona.

Vaavanyisi 16:31

Kutani vamakwavo, ni hinkwavo, va yindlu ya tata wa yena, va ta n'wi susa, va n'wi tisa ku ta n'wi lahla esirheni ra tata wa yena, Manowaka, exikarhi ka Sora na Exitawulu. A avanyisile Israele hi malembe ya 20.

Vaavanyisi 13:25

Kutani moya wa Yehovha wu sungula ku n'wi kucetela a ri Mahane-Dani, exikarhi ka Sora na Exitawulu.

Vaavanyisi 13:2

Wanuna un'wana a a ri kona eSora, wa nyimba ya Dani; vito ra yena a a ri Manowaka; nsati wa yena a a ri mhika, a a nga veleki.

Yoxuwa 15:33

Erivaleni: Exitawulu, Sora, Axina;

Yoxuwa 19:40

Ku averiwa kantlhanu ni kambirhi ku humeseriwa nyimba ya vana va Dani, hi tindlu ta vona.

Yoxuwa 19:42

na Xaalabini, na Ayaloni, na Yitila;