Yoxuwa 18:8 - Xitsonga (Bibele)

⁸ Kavaloko vanhu lava va suka, va famba. Kutani Yoxuwa a lerisa lava sukeke ku ya tsala tiko, a ku: “Fambani, mi tifambela etikweni, mi tsala rona, kutani mi ta vuya eka mina. Kutani ndzi ta mi encenyetela hi vuhlolotwana exivandleni lexi, emahlweni ka Yehovha, eXilo.”

BIBELE Mahungu Lamanene

⁸ Loko vavanuna lava a va fanele ku ya tsala-tsala tindhawu ta tiko va lava ku famba, Yoxuwa a va lerisa a ku: “Mi rhendzeleka ni tiko hinkwaro mi ri karhi mi tsala-tsala tindhawu ta rona, kutani mi tlhela mi vuya haleno ka mina. Mina ndzi ta mi vutisela timhaka eka HOSI Xikwembu kwala Xilo hi ku tirhisa vuhlolotwana.”

Yoxuwa 18:8 Referans Kwoze

Varhoma 14:19

A hi laveni hikwalaho timhaka leti humesaka ku rhula, ni leti hi nga akisanaka kun'we ha tona.

Yoxuwa 18:10

Kutani Yoxuwa a va encenyetela hi vuhlolotwana eXilo, emahlweni ka Yehovha, kutani Yoxuwa a avanyisela vana va Israele tiko, a nyika un'wana ni un'wana ku averiwa ka yena.

1 SAMIELE 14:41

Kutani Sawulo a ku eka Yehovha: “Oho! Xikwembu xa Israele! Hi kombise timhaka!” Kutani ku khomiwa Yonatani na Sawulo, kambe tiko ri tshunxiwa.

Yoxuwa 18:6

Mi ta tsala tiko, mi pima ku averiwa kantlhanu na kambirhi, kutani mi ta ndzi tisela mapapila ya rona halenu, kavaloko ndzi ta mi hoxela vuhlolotwana exivandleni lexi, emahlweni ka Yehovha, Xikwembu xa hina.

Yoxuwa 18:1

Nhlengeletano hinkwayo ya vana va Israele yi hlangana eXilo; kutani va dzima kona tabernakela ya nhlengeletano, hikuva tiko a ri fumiwa hi vona.

Yoxuwa 15:1

Ku averiwa loku averiweke hi vuhlolotwana eka nyimba ya vana va Yuda hi tindlu ta vona, ku ri etlhelweni ra ndzilakana wa Edomu, ku fika emananga ya Sini, emakun'wini ya mananga edzongeni.

Yoxuwa 13:7

Kutani sweswi, avela tiko leri hi vuhlolotwana, yi va ndzhaka ya tinyimba ta ntlhanu na mune, ni ya hafu ya nyimba ya Manase.”

Genesa 13:17

Suka u fambafamba etikweni leri, eku leheni ka rona, ni le ku anameni ka rona, hikuva ndzi ta ku nyika rona.”

Yoxuwa 18:9

Kutani vanhu lava va suka va tifambela etikweni, va tsala rona ebukwini hi miti, va pima ku averiwa ka 7; kutani va vuyela ka Yoxuwa, emixaxeni ya Xilo.

Esaya 34:17

Hikuva u kanele hikwalaho ka vona, kutani voko ra yena ri va pambulele tiko, ri ri pimile hi ngoti, kutani va ta ri fuma hilaha ku nga heriki, va aka kona hi masiku.