Yoxuwa 18:16 - Xitsonga (Bibele)

¹⁶ kutani wu rhelela emakun'weni ya ntshava leyi langutaneke ni nkova wa Bene-Hinomu lowu nga enkoveni wa Varefayimi, en'walungwini, kutani wu rhelela hi nkova wa Bene-Hinomu, wu kongoma etlhelo ra le dzongeni ra ntshava ya Vayebusi ku fika eEni-Rogele;

BIBELE Mahungu Lamanene

¹⁶ Kutani wu rhelela wu ya ta hi le hansi ka ntshava leyi langutaneke ni Nkova wa Bene-Hinomu, emakumu ka Nkova wa Refayimi hi tlhelo ra le n'walungwini, wu ya emahlweni wu ya ta hi le ka Nkova wa Hinomu edzongeni ra xintshabyana xa Vayebusi, wu kondza wu ya fika le Eni-Rogele.

Yoxuwa 18:16 Referans Kwoze

2 TIHOSI 23:10

Hosi yi nyamisa Tofete lowu nga enkoveni wa vana va Hinomu, leswaku ku nga tshuki ku va na munhu la hiselaka Moloko n'wana wa yena wa xinuna kumbe wa xisati endzilweni.

Esaya 30:33

Hikuva khale, tlhelo leri fanaka ni ra Tofete ri lunghisiwile, ku lunghiseriwele hosi xi ri xikhele lexi ahlameke, ni nhulu ya tihunyi leti nga ta n'wi hisa hi ndzilo, ni tihunyi to tala; ku hefemula ka Yehovha ku hisa ku kota nambu wa xivavula.

Yeremiya 32:35

Va akele Baali swivandla leswi tlakukeke eriweni ra n'wana Hinomu, va ta hisela Moloko vana va vona va xinuna ni va xisati, swi nga leswi ndzi nga va byelangiki swona, kambe a swi humangi embilwini ya mina leswaku va endla manyala layo tano ku dyohisa Yuda.

Yeremiya 19:11

kutani u va byela, u ku: ‘Ku vula Yehovha wa tinyimpi a ku: “Ndzi ta fayisa sweswo tiko leri ni muti lowu, kukotisa loko ku fayiwa mbita ya muvumbi, leyi nga tiki tlhela yi hlanganisiwa. Kutani ku ta yimberiwa mitsumbu eTofete hi ku pfumala ndhawu laha ku lahliwaka kona.

Yeremiya 19:6

Hikwalaho langutani, ku vula Yehovha, ku ta ta masiku lawa va nga ha tiki va vula xivandla lexi Tofete, hambi wu ri nkova wa n'wana Hinomu, kambe va ta wu vula nkova wa rifu.

Yeremiya 19:2

kutani u humela enkoveni wa n'wana Hinomu lowu nga emahlweni ka nyangwa ya vavumbi, kutani u ya va byela kona marito lawa ndzi nga ta ku byela wona,

2 TIKRONIKA 33:6

A nghenisa vana va yena va xinuna endzilweni, enkoveni wa vana va Hinomu; a tinyiketa tinhlolo, ni vuloyi, ni mhondzo; a tiyisa lava vitanaka vafi, ni vangoma; a ya emahlweni hi ku endla ku tlurisa leswo biha emahlweni ka Yehovha ku n'wi pfuka.

2 TIKRONIKA 28:3

A hisa mirhi ya risuna enkoveni, wa vana va Hinomu, kutani a hisa vana va yena endzilweni, a landza manyala ya matiko lawa Yehovha a ma hlongoleke emahlweni ka vana va Israele.

1 TIKRONIKA 14:9

Vafilista va ta, va phalala enkoveni wa Varefayimi.

1 TIHOSI 1:9

Adoniya a tlhava tinyimpfu ni tihavi ni marhole lama noneke ekusuhi ni ribye ra Zohelete leri nga ekusuhi na Eni-Rogele; kutani a vitana vamakwavo hinkwavo, vana va hosi, ni vanhu hinkwavo va Yuda, malandza ya hosi.

2 SAMIELE 17:17

Yonatani na Ahimaasi a va yimile eEni-Rogele, kutani nandza wa wansati a ta va byela timhaka leswaku va ya tivisa hosi Davhida; hikuva a va chava ku tikombisa emutini.

Vaavanyisi 19:10

Kambe wanuna a ala ku etlela vusiku kona, a yima a famba, a fika ekusuhi na Yebusi (a nga Yerusalema) a ri ni timbhongolo timbirhi leti rhweleke, ni nsati wa yena.

Vaavanyisi 1:21

Loko, va ri vana va Benjamini, a va hlongorisanga Vayebusi lava akeke eYerusalema; hikwalaho Vayebusi va ha akile eYerusalema, kun'we ni vana va Benjamini ni namuntlha.

Vaavanyisi 1:8

Kutani vana va Yuda va pfukela Yerusalema, va wu nghena, va dlaya vaaki va kona hi ku kariha ka fumu, va hisa muti.

Yoxuwa 18:28

Sela, Hayelefe, Yebusi (lowu nge Yerusalema) Gibeya, na Kiriyata: miti ya 14 ni swimitana swa yona. Hi yona ndzhaka ya vana va Benjamini, hi tindlu ta vona.

Yoxuwa 15:63

Loko va ri Vayebusi, lava akeke eYerusalema, vana va Yuda va tsandzekile ku va hlongola, kutani Vayebusi va akile ni vana va Yuda ku fika ni namuntlha.

2 SAMIELE 5:18

Vafilista va ta va hangalaka enkoveni wa Varefayimi. Kavaloko Davhida a vutisa Yehovha, a ku: “Xana ndzi ta tlhandluka ndzi ya lwa ni Vafilista xana?