Yoxuwa 18:10 - Xitsonga (Bibele)

¹⁰ Kutani Yoxuwa a va encenyetela hi vuhlolotwana eXilo, emahlweni ka Yehovha, kutani Yoxuwa a avanyisela vana va Israele tiko, a nyika un'wana ni un'wana ku averiwa ka yena.

BIBELE Mahungu Lamanene

¹⁰ Yoxuwa a va vutisela timhaka eka HOSI Xikwembu hi ku tirhisa vuhlolotwana eXilo; kutani a avela Vaisraele tiko, nyimba yin'wana ni yin'wana yi kuma xiphemu xa yona.

Yoxuwa 18:10 Referans Kwoze

Vakolosa 1:12

Khensani Tatana la nga mi endla lava lulameleke ku va ni ku averiwa endzhakeni ya vakwetsimi eku vonakaleni;

Timhaka 13:19

Kuteloko xi herisile matiko ya ntlhanu na mambirhi etikweni ra Kanana, xi va avela tiko hi ku bvumbha hi nhlolo.

Yoxuwa 18:6

Mi ta tsala tiko, mi pima ku averiwa kantlhanu na kambirhi, kutani mi ta ndzi tisela mapapila ya rona halenu, kavaloko ndzi ta mi hoxela vuhlolotwana exivandleni lexi, emahlweni ka Yehovha, Xikwembu xa hina.

Timhaka 26:18

ku ya hanyanyisa mahlo ya vona, leswaku va huma emunyameni va nghena eku vonakaleni, va suka ni le ku fumeni ka Satana ku hundzukela eka Xikwembu, va ta vona ku khomeriwa ka swidyoho swa vona, ni ku averiwa exikarhi ka vakwetsimi, loko va pfumerile eka mina.’

Yohane 17:2

hilaha u n'wi nyikeke vuhosi ehenhla ka nyama hinkwayo, leswaku hinkwavo lava u n'wi nyikeke vona, yena a va nyika vutomi lebyi nga heriki.

Matewu 27:35

Kuteloko va n'wi vambile va pambulelana tinguvu ta yena, va ti hlahluva hi vuhlolotwana, leswaku ku endlakala lexi nga vuriwa hi muprofeta la nga te: “Va avelane mikhancu ya mina, ni nguvu ya mina, va yi hlahluva hi vuhlolotwana.”

Ezekiele 48:29

Hi rolero tiko leri mi nga ta ri avanyisa hi vuhlolotwana, leswaku yi va ndzhaka ya tinxaka ta Israele; hi swoleswo swipandzwa swa tona, ku vula Hosi Yehovha.

Ezekiele 47:22

Mi ta avelana tiko hi vuhlolotwana exikarhi ka n'wina ni vamatiko lava akeke exikarhi ka n'wina, va nga vamatiko lava velekeke vana exikarhi ka n'wina. Eka n'wina va ta kotisa va khale ka vana va Israele va ta averiwa ndzhaka ya vona exikarhi ka tinyimba ta Israele swin'we na n'wina.

Swivuriso 18:18

Vuhlolotwana byi herisa timholovo, Byi avanyisa ni lavakulu.

Pisalema 61:5

Hikuva wena, Xikwembu, u yingisile ku kombela ka mina, U ndzi nyikile ndzhaka ya lava chavaka vito ra wena.

Pisalema 47:4

U hi hlawulele ndzhaka ya hina, Ku kwetsima ka Yakobo, loyi a n'wi rhandzaka.

Yoxuwa 19:51

Hi tona tindzhaka leti averiweke hi Eliyazara, muprista, na Yoxuwa, n'wana Nuni, ni tihosi ta vatata va tinyimba ta vana va Israele, hi vuhlolotwana, eXilo, emahlweni ka Yehovha, enyangweni ya tabernakela ya nhlengeletano; kutani va heta ku avanyisa tiko.

Yoxuwa 18:8

Kavaloko vanhu lava va suka, va famba. Kutani Yoxuwa a lerisa lava sukeke ku ya tsala tiko, a ku: “Fambani, mi tifambela etikweni, mi tsala rona, kutani mi ta vuya eka mina. Kutani ndzi ta mi encenyetela hi vuhlolotwana exivandleni lexi, emahlweni ka Yehovha, eXilo.”

Tinhlayo 34:16

Kutani Yehovha a byela Muxe, a ku:

Yoxuwa 18:9

Kutani vanhu lava va suka va tifambela etikweni, va tsala rona ebukwini hi miti, va pima ku averiwa ka 7; kutani va vuyela ka Yoxuwa, emixaxeni ya Xilo.

Yoxuwa 18:11

Ku huma ku averiwa ka nyimba ya vana va Benjamini, hi tindlu ta vona; kutani mindzilekana ya ku averiwa ka vona a yi ri exikarhi ka vana va Yuda ni vana va Yosefa.

Yeremiya 7:12

“ ‘Kambe yanani endhawini ya mina leyi nga eXilo, laha ngi ndzi akisile kona vito ra mina khale, kutani mi vona lexi ndzi xi endleke ha yona yindlu leyi hikwalaho ka vumbabva bya tiko ra mina ra Israele!

Mikiya 2:5

Yehovha u nyika van'wana ndzhaka ya tiko ra hina! Hi yini xana, loko a ndzi tekela yona! U avanyisele valala masimu ya hina! Hikwalaho u ta pfumala la nga ta hoxa ngoti ya ku pima nsimu enhlengeletanweni ya Yehovha.

Yoxuwa 14:2

Ku averiwa ka ndzhaka ku endliwile hi vuhlolotwana hilaha Yehovha a leriseke hakona ha Muxe eka tinyimba ta 9 ni hafu ya nyimba.

Yoxuwa 14:5

Vana va Israele va endla hilaha Yehovha a leriseke Muxe hakona, kutani va avanyisa tiko.

Yoxuwa 23:4

Vonani, ndzi mi averile hi vuhlolotwana matiko lama saleke ku suka eYordani, ni matiko hinkwawo lawa ndzi ma heriseke ku fika eLwandle Lerikulu, evupeladyambu, leswaku yi va ndzhaka ya n'wina hi tinxaka ta n'wina.

1 TIKRONIKA 24:5

Va va avanyisa hi vuhlolotwana van'wana ni van'wana, hikuva a ti ri tihosana ta vukwetsimelo ni tihosana ta Xikwembu exikarhi ka vana va Eliyazara ni ka vana va Itamara.

Nehemiya 11:1

Tihosana ta tiko, tona, a ti akile eYerusalema; loko va ri van'wana va tiko va hlawuriwa hi vuhlolotwana leswaku exikarhi ka lava khume, un'wana a ta aka eYerusalema, emutini lowo kwetsima, lava ntlhanu na mune va aka emitini.