Yoxuwa 17:7 - Xitsonga (Bibele)

⁷ Ndzilakana wa Manase wu suka eAsere, wu ya eMikimeta lowu langutaneke na Xikeme, kutani ndzilakana wu ya edzongeni eka vaaki va Eni-Tapuwaka.

BIBELE Mahungu Lamanene

⁷ Tiko ra va ka Manase ri navile ku sukela le Axere, ri ya fika emutini wa Mikimeta lowu nga evuxeni bya Xikeme. Kutani ndzilekana wu kongoma eYabixi-Eni-Tapuwaka.

Yoxuwa 17:7 Referans Kwoze

Yoxuwa 21:21

Va va nyika Xikeme, muti wa xichavelo xa mudlayi ni tikwanyana ra wona, entshaveni ya Efrayimi, na Gezere ni tikwanyana ra wona,

1 TIKRONIKA 6:67

va nyikiwa miti ya vuchavelo entshaveni ya Efrayimi, wu ri Xikeme ni tikwana ra wona, na Gezere ni tikwana ra wona,

1 TIHOSI 12:25

Yerobuwamu a aka Xikeme, entshaveni ya Efrayimi, a tshama kona; a tlhela a huma kona a ya aka Penuwele.

1 TIHOSI 12:1

Rhobuwamu a ya eXikeme, hikuva Vaisraele hinkwavo a va tile eXikeme ku n'wi veka hosi.

Vaavanyisi 9:1

Kutani Abimeleke, n'wana Yerubaali, a ya eXikeme eka vakokwa wa yena; a vulavula na vona, ni hinkwavo, va yindlu ya tata wa mana wa yena, a ku:

Yoxuwa 24:32

Marhambu ya Yosefa lama rhwariweke hi vana va Israele loko va suka eEgipta, va ma lahla eXikeme, etlhelweni ra nsimu leyi Yakobo a yi xaveke eka vana va Hamoro, tata wa Xikeme, hi makesita ya dzana, kutani nsimu leyi yi va ya ndzhaka ya vana va Yosefa.

Yoxuwa 24:1

Yoxuwa a hlengeleta tinyimba hinkwato ta Israele eXikeme, kutani a vitana vakulukumba va Vaisraele, ni tindhuna ta vona, ni vaavanyisi va vona, ni tindhuna ta nyimpi; va ta yima emahlweni ka Xikwembu.

Yoxuwa 20:7

Kavaloko va hlawula Kedexe wa Galeliya, entshaveni ya Neftali, na Xikeme entshaveni ya Efrayimi, na Kiriyata-Araba; wu nga Hebroni, entshaveni ya Yuda.

Genesa 37:14

Yena a ku: “Hi mina loyi.” Kutani a ku eka yena: “Wa nga famba, u ya va languta, xana va ha tsakile swinene ni mitlhambi ya vona, u ta ndzi byela mahungu.” A n'wi rhumisa sweswo, kutani Yosefa a suka enkoveni wa Hebroni, a ya fika eXikeme.

Genesa 37:12

Kutani vamakwavo va Yosefa va ya risa swifuwana swa tata wa vona eXikeme.

Genesa 34:2

Kutani Xikeme, n'wana Hamoro, wa Muhivhi, hosi ya tiko, a n'wi vona, a n'wi khoma, a etlela na yena, a n'wi onha.

Yoxuwa 17:6

hikuva vana va xisati va Manase va nyikiwa ndzhaka exikarhi ka vana va yena va xinuna kutani tiko ra Giliyadi ri va ra vana va xinuna lava seleke va Manase.

Yoxuwa 17:8

Tiko ra Tapuwaka i ra Manase; kambe Tapuwaka lowu nga endzilakaneni wa Manase, i wa vana va Efrayimi.

Pisalema 60:6

Xikwembu xi vurile eku kwetsimeni ka xona xi ku: “Ndzi ta hlula, Ndzi ta avanyisa Xikeme, ndzi pima nkova wa Sukoti;