Yoxuwa 15:13 - Xitsonga (Bibele)

¹³ Va nyika Kalebe, n'wana Yefune, ku averiwa ka yena exikarhi ka vana va Yuda, hilaha Yehovha a leriseke Yoxuwa hakona, wu ri muti wa Araba tata wa Anaka, lowu nga Hebroni.

BIBELE Mahungu Lamanene

¹³ Yoxuwa ú endlile hilaha HOSI Xikwembu xi n'wi leriseke hakona: A nyika Kalebe n'wana Yefune xiphemu xa yena exikarhi ka tiko ra va ka Yuda, wu nga muti wa Kiriyata-Araba, hileswaku Hebroni. (Araba a a ri tata wa Anaka.)

Yoxuwa 15:13 Referans Kwoze

Tinhlayo 13:30

Kutani Kalebe a miyeta tiko hikuva a ri karihela Muxe; kambe a ku: “A hi fambeni, hi ya teka tiko, hikuva kunene hi ta va hlula.”

Genesa 23:2

Kutani Sara a fa eKiriyata-Araba (a nga Hebroni), etikweni ra Kanana; kutani Abrahama a ta ba nkosi wa Sara, a n'wi rila.

Tinhlayo 13:6

wa nyimba ya Yuda, Kalebe, n'wana Yefune;

Yoxuwa 21:11

va va nyika muti wa Araba, tata wa Anaka (i Hebroni) entshaveni ya Yuda, ni tikwanyana ra wona, ematlhelweni hinkwawo;

Vaavanyisi 1:10

Kambe va Yuda va pfukela Vakanana lava akeke eHebroni. (Vito ro sungula ra Hebroni a a ri Kiriyata-Araba.) Va hlula miti ya Xexayi, na Ahimani, na Talimayi.

1 SAMIELE 25:3

Vito ra munhu loyi a a ri Nabala, kambe vito ra nsati wa yena a a ri Abigayele. Nsati loyi, a a ri ni ku twisisa, a a sasekile, kambe nuna wa yena a a ri munhu wo nonon'hwa wa tihanyi. A a ri wa yindlu ya ka Kalebe.

1 SAMIELE 30:14

A hi yile hi ya hlasela edzongeni ra Vakereti ni le tikweni ra Yuda edzongeni ra ka Kalebe, kutani hi hisile Sikilaga.”

1 TIKRONIKA 6:56

Kambe masimu ya muti ni swimitana swa wona, swi nyikiwa Kalebe, n'wana Yefune.

Genesa 13:18

Kavaloko Abrama a andlamuka a ya tshama emikuhlwini ya Mamre, lowu nga Hebroni, kutani kona a akela Yehovha gandzelo.

Yoxuwa 11:21

Enkarhini wolowo, Yoxuwa a ta, a heta Vaanaka va le ntshaveni ya Hebroni, ni le Debiri, ni le Anabu, ni le ntshaveni hinkwayo ya Yuda, ni le ntshaveni hinkwayo ya Israele; Yoxuwa a va yirisa swin'we ni miti ya vona.

Yoxuwa 20:7

Kavaloko va hlawula Kedexe wa Galeliya, entshaveni ya Neftali, na Xikeme entshaveni ya Efrayimi, na Kiriyata-Araba; wu nga Hebroni, entshaveni ya Yuda.

Vaavanyisi 1:20

Kalebe a nyikiwa Hebroni, hilaha Muxe a nga vula hakona, kutani a hlongorisa kona vana va Anaka lavanharhu va vavanuna.

1 SAMIELE 30:31

ni ka va Hebroni, ni le matikweni hinkwawo lawa Davhida ni vanhu va yena va hundzeke eka wona.

2 SAMIELE 2:1

Endzhaku ka swona, Davhida a vutisa Yehovha, a ku: “Xana ndzi ta khandziyela emutini wun'wana wa Yuda xana?” Yehovha a ku eka yena: “Khandziya.” Davhida a ku: “Ndzi ta khandziyela kwihi xana?” Yehovha a ku: “EHebroni.”

2 TIKRONIKA 11:10

na Sora, na Ayaloni, na Hebroni; miti leyi a yi ri etikweni ra Yuda ni ra Benjamini; miti ya makhokholo.