Yoxuwa 14:12 - Xitsonga (Bibele)

¹² Sweswi, ndzi nyike ntshava leyi Yehovha a nga yi vula siku rolero; hikuva u swi yingisile u ri wena siku rolero, leswaku Vaanaka va kona, ni miti leyikulu leyi biyeriweke. Kumbe Yehovha u ta va na mina, kutani ndzi ta va hlongola, hilaha Yehovha a nga vula hakona.”

BIBELE Mahungu Lamanene

¹² Kutani sweswi, tiko leri ra laha magangeni, leri HOSI Xikwembu xi vulavuleke ha rona, ndzi nyike rona. U swi twile leswaku Vaanaka va tshama eka rona emitini leyikulu ya makhokholo; kumbexana HOSI Xikwembu xi ta va na mina ndzi kota ku va hlongola va suka, hilaha xi vuleke hakona.”

Yoxuwa 14:12 Referans Kwoze

Vaheveru 11:33

volavo, hi ku pfumela, va hlurile matiko, va avanyisile hi ku lulama, va kumile leswi va nga tshembisiwa swona, va sivile milomu ya tinghala,

Vafilipiya 4:13

Ndzi nga endla hinkwaswo ha Kriste la ndzi haka matimba.

Tinhlayo 13:33

hi vonile kona swihontlovila, vana va Anaka, va rixaka ra va swinkontlonkontlo, kutani, loko hi ri hina, a hi tifanisa ni tinjiya; kambe emahlweni ka vona hi fana ni tinjiya.”

Tinhlayo 13:28

Ntsena vanhu lava akeke etikweni leri, va tiyile, miti ya vona yikulu ngopfu, yi ni makhokholo; kambe hi vonile kona vatukulu va Anaka.

Varhoma 8:31

Xana hi ta ku yini etimhakeni teto xana? Loko Xikwembu xi hi yimela, i mani la nga lwaka na hina xana?

Yoxuwa 15:14

Kalebe a hlongola vana lavanharhu va Anaka, a ri Xexayi na Ahimani na Talimayi, vana va Anaka.

Pisalema 60:12

Hi Xikwembu hi ta hlula. Hi xona lexi nga ta phyandlasa valala va hina.

Pisalema 44:3

Hikuva a va tekangi tiko hi tlhari ra vona, A hi voko ra vona leri nga va ponisa; Kambe i voko ra wena ra xinene, i voko ra wena ni ku vonakala ka wena, Hikuva u va rhandzile.

2 TIKRONIKA 14:11

Asa a khongela Yehovha, Xikwembu xa yena, a ku: “Oho Yehovha! Handle ka wena, a ku na un'wana la kotaka ku pfuna la nga riki na matimba loko a pfukiwa hi Lowa matimba. Hi pfune wee Yehovha, Xikwembu xa hina! Hikuva hi tshemba wena, kutani hi humile nyimpi hi vito ra wena ku ta lwa ni vunyingi lebyi. Hi wena Yehovha Xikwembu xa hina; u nga tshuki u hluriwa hi munhu!”

1 SAMIELE 14:6

Yonatani a ku eka jaha leri ngi ri tamele matlhari ya yena a ku: “Tana, a hi ye, hi ya fika ekhokholweni ra lava nga yimbangiki, kumbe Yehovha u ta hi lwela, hikuva a ku na xilo lexi sivelaka Yehovha ku ponisa, hambi vanhu va tele, hambi va nga ri vangani.”

Vaavanyisi 1:20

Kalebe a nyikiwa Hebroni, hilaha Muxe a nga vula hakona, kutani a hlongorisa kona vana va Anaka lavanharhu va vavanuna.

Tinhlayo 21:34

Kutani Yehovha a ku eka Muxe: “U nga n'wi chavi, hikuva ndzi n'wi nyiketile emavokweni ya wena, yena ni vanhu va yena hinkwavo, ni tiko ra yena; u ta n'wi endla kukotisa leswi u nga swi endlela Sihoni, hosi ya Vaamori, la akeke eHexiboni.”

Duteronoma 1:28

Hi ta khandziya kwihi-ke? Vamakwerhu va herisile timbilu ta hina loko va te: “I tiko leri hi tlulaka hi ku tala, ni xiyimo xa vanhu i miti leyikulu, leyi biyeriweke ku fika etilweni, kambe hi vonile kona ni vana va Anaka.” ’

2 TIHOSI 19:4

Kumbe Yehovha Xikwembu xa wena, xi yingisile marito hinkwawo ya Rhabi-Xake, la rhumiweke hi n'wini wa yena, hosi ya Asiriya, ku sandza Xikwembu lexi hanyaka; kumbexana Yehovha, Xikwembu xa wena, a ta avanyisa marito lawa a ma yingiseke kutani u ta humesa xikhongelo hikwalaho ka tiko leri ra ha seleke.’ ”

Duteronoma 9:1

“Yingisa Israele! Namuntlha u ya pela Yordani, u ta nghena ku ya hlula matiko lama ku tlulaka hi vukulu, ni matimba, ni miti leyikulu leyi biyiweke ku fika etilweni,

Duteronoma 9:3

Tiva namuntlha leswaku Yehovha, Xikwembu xa wena, u ta hundza a ri yena emahlweni ka wena, a kotisa ndzilo lowu pfurhaka, hi yena la nga ta va heta; a va tsongahata emahlweni ka wena; kutani u ta teka swa vona, u va heta kan'we hilaha Yehovha a ku byeleke hakona.