Yoxuwa 13:3 - Xitsonga (Bibele)

³ ku suka eXihoro, lowu khulukelaka Egipta, ku fika endzilakaneni wa Ekroni, en'walungwini, tiko leri vuriwaka ra Vakanana: hileswaku tihosi ta ntlhanu ta Vafilista, ya Gaza, ya Axidodo, ya Axikeloni, ya Gati, ya Ekroni, ni Vaavhimi;

BIBELE Mahungu Lamanene

³ (Ku sukela enkoveni wa Xihoro lowu nga vuxeni bya tiko ra Egipta, ku ya fika endzilekaneni wa Ekroni hi tlhelo ra n'walungu, ndhawu leyi a yi tiviwa yi ri ya Vakanana. A ku ri ni tihosi ta ntlhanu ta Vafilista, ku nga hosi ya Gaza, ni ya Axidodo, ni ya Axikeloni, ni ya Gati, ni ya Ekroni.) Ka ha ri ni swifundzha swa Avhimi,

Yoxuwa 13:3 Referans Kwoze

Yeremiya 2:18

Kutani sweswi u fambela yini hi ndlela ya Egipta, ku ya nwa mati ya Nilo? U fambela yini hi ndlela ya Asiriya, ku nwa mati ya nambu?

Vaavanyisi 3:3

I tihosi ta ntlhanu ta Vafilista, ni Vakanana hinkwavo, ni Vasidoni ni Vahivhi, lava akeke entshaveni ya Lebanoni, ku sukela entshaveni ya Baala-Hermoni ku yisa eHamata.

Duteronoma 2:23

Na vona Vaavhimi, lava akeke eswimitaneni ku ya fika eGaza, va herisiwile hi Vakafitoro lava humeke eKafitoro, kutani va aka ematshan'weni ya vona.)

1 SAMIELE 6:4

Kutani va ku: “Hi ta yi humeselela nhlengo lowo yini xana?” Va ku: “Mi ta humesa matshumba ya nsuku ya ntlhanu, ni timbeva ta nsuku ta ntlhanu, hi ntsengo wa tindhuna ta Vafilista; hikuva khombo rin'we a ri ri ehenhla ka vona hinkwavo ni le henhla ka tindhuna ta n'wina.

Yoxuwa 13:13

Kambe vana va Israele a va titekelanga tiko ra Vagexuri, ni ra Vamaakati. Kutani Gexuri na Maaka va akile exikarhi ka Israele ku fika namuntlha.

Genesa 10:6

Vana va Hamu: Kuxi, Egipta, Putu na Kanana.

Vaavanyisi 16:5

Kutani tihosi ta Vafilista ti ta eka yena, ti ku: “N'wi yengetele, u ta tiva xana matimba ya yena lamakulu ma huma kwihi, ni laha hi nga ta tiva ku n'wi hlula hakona, hi ta n'wi boha, hi n'wi tsongahata; kutani un'wana ni un'wana wa hina, u ta ku nyika tixikele ta silivhere ta 1 100.”

1 SAMIELE 5:1

Vafilista va teka areka ya Xikwembu, va yi susa Ebenezere, va yi yisa eAxidodo.

1 TIHOSI 8:65

Enkarhini wolowo, Solomoni ni Vaisraele hinkwavo va endla nkhuvo; vunyingi lebyikulu lebyi humaka ku suka etlhelo ra Hamata ku fika exinambyaneni xa Egipta, byi hlengeletana emahlweni ka Yehovha, Xikwembu xa hina, hi masiku ya ntlhanu na mambirhi, ni masiku ya ntlhanu na mambirhi, kambe ma ri masiku ya khume na mune.

Esaya 23:3

A va tsemakanya mati lamakulu; koro ya Nilo, ni leswi tshoveriweke enambyeni a ri ri bindzu ra Tiri; hi kona vamatiko va nga xavelana kona.

Genesa 15:18

Hi siku rolero, Yehovha a tiyisa ntwanano na Abrama, a ku: “Ndzi nyikile tiko leri eka vatukulu va wena, ku suka enambyeni wa Egipta, ku fikela enambyeni lowukulu, wu nga nambu wa Yufrata,

1 SAMIELE 5:8

Kavaloko va rhuma vanhu, va ya vitana tindhuna hinkwato ta Vafilista, va ku: “Hi ta endla yini hi areka ya Xikwembu xa Israele xana?” Kutani va ku: “Areka ya Xikwembu xa Israele a yi heleketiwe Gati,” kutani va heleketa areka ya Xikwembu xa Israele kona.

1 SAMIELE 5:10

Kutani va rhuma areka ya Xikwembu eEkroni. Kakuloko areka ya Xikwembu yi nghena eEkroni, va huwelela, va ku: “Va fikisile areka ya Xikwembu xa Israele eka hina, ku hi dlaya hina ni tiko ra hina.”

1 TIKRONIKA 13:5

Kavaloko Davhida a hlengeleta Vaisraele hinkwavo, ku suka enambyeni wa Xihoro wa Egipta, ku fika enyangweni ya Hamata, ku ya teka areka ya Xikwembu eKiriyata-Yeyarimi.