Yoxuwa 11:4 - Xitsonga (Bibele)

⁴ Kutani va huma vona, ni tinyimpi hinkwato ta vona, byi ri vunyingi lebyikulu ngopfu, byi fana ni sava leri nga eribuwini ra lwandle va ri ni tihanci, ni tigolonyi leto tala ngopfu.

BIBELE Mahungu Lamanene

⁴ Kutani tihosi leti ti huma ti ri ni masocha ya tona hinkwawo, lawa a ma endla vandla lerikulu; ntsengo wa wona a wu tele kukota sava eribuweni ra lwandle; a va ri ni tihanci leto tala ni makalichi.

Yoxuwa 11:4 Referans Kwoze

Vaavanyisi 7:12

Kambe Vamidiyani ni Vaamaleke, ni vana va le vuxeni hinkwavo, a va hangalakile hinkwako enkoveni, va fana ni tinjiya, ni tikamela ta vona ti nga hlayiwi, ti fana ni sava leri nga eribuwini ra lwandle.

1 SAMIELE 13:5

Kutani Vafilista va hlengeletana ku ya lwa na Israele. A va ri ni tigolonyi ta 30 000, ni vakhandziyi va tihanci va 6 000, ni vunyingi lebyi teleke kukotisa sava leri nga eribuwini ra lwandle va tlhandluka, va ya gova eMikamaxa, evuxeni bya Beta-Avene.

Genesa 32:12

Hikuva wena u te: ‘Hakunene ndzi ta ku katekisa, ndzi endla leswaku vatukulu va wena va kotisa sava ra lwandle, leri nga hlayekiki hi ku tala ka rona.’ ”

Genesa 22:17

ndzi ta ku katekisa kunene, ndzi andzisa vatukulu va wena ngopfungopfu, va ta kotisa tinyeleti ta le tilweni, ni sava ra le ribuwini ra lwandle, kambe rixaka ra wena ri ta fuma nyangwa ya valala va rona.

1 TIHOSI 4:20

Va Yuda ni Vaisraele a va tele ngopfu, byi ri vunyingi lebyi fanaka ni sava leri nga eribuwini ra lwandle. A va dya, va nwa, va tsaka.

2 SAMIELE 17:11

Hikwalaho ndzi vula leswaku Vaisraele hinkwavo va hlengeletana eka wena, ku suka eDani ku fika eBerexeba, byi ri vunyingi lebyi fanaka ni sava leri nga eribuwini ra lwandle; kavaloko u ta famba u ri wena eku lweni.

Yoxuwa 11:5

Tihosi hinkwato leti ti hlengeletana endhawini leyi hlawuriweke, kutani ti ya gova swin'we ekusuhi ni mati ya Meromi, ku ya lwa na Israele.

Pisalema 20:8

Vona va oveka va wa ehansi, Kambe hina hi ta pfuka, hi yima hi tiya kona.