Yoxuwa 11:16 - Xitsonga (Bibele)

¹⁶ Yoxuwa a teka tiko leri hinkwaro, yi ri ntshava, ni tlhelo ra dzonga hinkwaro, ni misava ya Goxeni, ni tiko leri nga ehansi, ni rivala, ni ntshava ya Israele, ni tiko leri nga ehansi ka yona,

BIBELE Mahungu Lamanene

¹⁶ Hiloko Yoxuwa a teka tiko hinkwaro, ku nga tindhawu ta le magangeni ni ta le dzongeni, ni tiko hinkwaro ra Goxeni ni tindhawu ta le timbaleni, ni ta le ka Nkova wa Yordani, ni ta le magangeni ya tiko ra Israele, ni le timbaleni ta kona;

Yoxuwa 11:16 Referans Kwoze

Yoxuwa 10:41

Yoxuwa a hlasela ku suka eKadexe-Bariniya ku ya fika eGaza, ni tiko hinkwaro ra Goxeni ku ya fika eGibiyoni.

Yoxuwa 12:8

ku ri entshaveni, ni le tikweni leri nga ehansi, ni le rivaleni, ni le ku rheleleni ka tintshava, ni le mananga, ni le dzongeni: va ri Vahiti, ni Vaamori, ni Vakanana, ni Vaperesi ni Vahivhi ni Vayebusi.

Yoxuwa 11:21

Enkarhini wolowo, Yoxuwa a ta, a heta Vaanaka va le ntshaveni ya Hebroni, ni le Debiri, ni le Anabu, ni le ntshaveni hinkwayo ya Yuda, ni le ntshaveni hinkwayo ya Israele; Yoxuwa a va yirisa swin'we ni miti ya vona.

Ezekiele 36:8

na n'wina, tintshava ta Israele, mi ta hlukisa marhavi ya n'wina, mi ta vekela tiko ra n'wina ra Israele mihandzu ya n'wina, hikuva ri le kusuhi ni ku vuya.

Ezekiele 17:23

Ndzi ta xi byala entshaveni leyo leha ya Israele, xi ta hlukisa marhavi ni ku veka mihandzu, wu ta hundzuka murhi wa Kedari lowukulu; tinyanyana letitsongo ni letikulu ti ta aka endzhutini wa marhavi ya wona.

Yoxuwa 11:2

ni ka tihosi ta le n'walungwini entshaveni, ni le rivaleni, edzongeni ka Kinereta, ni le tikweni leri nga ehansi, ni le mitsungeni ya Dori, evupeladyambu;

Yoxuwa 9:1

Kuteloko tihosi hinkwato leti nga haleno ka Yordani entshaveni, ni le tikweni leri nga ehansi ni le ribuwini hinkwaro ra Lwandle Lerikulu, laha ku langutaneke na Lebanoni, Vahiti, ni Vaamori, ni Vakanana, ni Vaperesi, ni Vahivhi, ni Vayebusi, loko va twile timhaka teto,

Yoxuwa 10:40

Yoxuwa a hlasela tiko leri hinkwaro etintshaveni ni le dzongeni, ni le tikweni leri nga ehansi, ni le eku rheleleni ka tintshava, ni tihosi hinkwato ta kona, a nga tshikanga mubaleki, kambe a yirisa hinkwaswo leswi hefemulaka, hilaha Yehovha, Xikwembu xa Israele a leriseke hakona.

Yoxuwa 11:15

Hilaha Yehovha a leriseke Muxe, nandza wa yena, hakona, Muxe a lerisa sweswo Yoxuwa, kutani Yoxuwa a endlisa sweswo; a nga siyanga nchumu eka hinkwaswo leswi Yehovha a swi leriseke Muxe.

Pisalema 78:55

Xi hlongorisa matiko emahlweni ka vona, Xi va avanyisela ku averiwa ka ndzhaka ya vona hi pindza, Kutani xi akisa tinxaka ta Israele emitsongeni ya vona.

Pisalema 105:44

A va nyika misava ya matiko, Va titekela mitirho ya tinxaka ta vanhu,

Duteronoma 1:7

Hundzukani, mi suka, mi ya nghena entshaveni ya Vaamori ni ka hinkwavo lava akeke kona, mi ya enkoveni, ni le ntshaveni, ni le rivaleni, leri nga ehansi, ni le dzongeni, ni le ribuwini ra lwandle, etikweni ra Vakanana, na Lebanoni, ku ya fika enambyeni lowukulu, enambyeni wa Yufrata.