Yoxuwa 11:12 - Xitsonga (Bibele)

¹² Yoxuwa a teka miti hinkwayo ya tihosi leti, ni tihosi hinkwato ta kona a ti yirisa, a ti dlaya hi tlhari, hilaha Muxe, nandza wa Yehovha, a leriseke hakona.

BIBELE Mahungu Lamanene

¹² Kutani Yoxuwa a hlasela miti leyi hinkwayo ni tihosi ta yona, a dlayetela vaaki va yona hi fumu, a va herisa hilaha Muxe nandza wa HOSI Xikwembu a leriseke hakona.

Yoxuwa 11:12 Referans Kwoze

Duteronoma 7:2

ni loko Yehovha, Xikwembu xa wena, a va nyiketile emahlweni ka wena, kutani u va hlurile, u ta va heta, u va yirisa; u nga tshuki u endla xinakulobye na vona, ni ku va tsetselela.

Yoxuwa 11:15

Hilaha Yehovha a leriseke Muxe, nandza wa yena, hakona, Muxe a lerisa sweswo Yoxuwa, kutani Yoxuwa a endlisa sweswo; a nga siyanga nchumu eka hinkwaswo leswi Yehovha a swi leriseke Muxe.

Yoxuwa 10:37

va wu teka, kutani va wu heta hi tlhari, ni hosi ya wona, ni miti hinkwayo ya wona, ni leswi hanyaka hinkwaswo leswi ngi swi ri eka wona, a nga tshikangi munhu a baleka, kambe a wu yirisa kukotisa leswi a swi endleleke Egiloni, ni hinkwaswo leswi hanyaka leswi ngi swi ri eka wona.

Yoxuwa 10:35

Va wu teka hi siku rolero va wu herisa hi tlhari: hi siku leri, va yirisa hinkwaswo leswi hanyaka leswi ngi swi ri eka wona kukotisa leswi va swi endleleke Lakixi.

Yoxuwa 10:32

Kutani Yehovha a nyiketa Lakixi emavokweni ya Vaisraele kutani hi siku ra vumbirhi a wu teka a dlaya hi tlhari hinkwaswo leswi hanyaka, leswi ngi swi ri eka wona, kukotisa leswi a endleleke Libina.

Yoxuwa 10:30

Kutani Yehovha a wu nyiketa emavokweni ya Israele, wona ni hosi ya wona, kutani a dlaya hi tlhari hinkwaswo leswi hanyaka leswi ngi i swi ri kona, ku nga balekanga munhu, kutani a endlela hosi ya kona kukotisa leswi a endleleke hosi ya Yeriko.

Yoxuwa 10:28

Hi siku leri, Yoxuwa a teka Makeda, a wu heta hi matlhari, kutani a yirisa hosi ya wona, ni hinkwavo lava hanyaka lava ngi va ri eka wona; a nga tshikanga mubaleki, kambe a endlela hosi ya Makeda kukotisa leswi a endleleke hosi ya Yeriko.

Yoxuwa 9:24

Va hlamula, va ku eka Yoxuwa: “Makhumbi ya wena ma byeriwile leswaku Yehovha, Xikwembu xa wena, xi lerisile Muxe, nandza wa xona, ku mi nyika tiko hinkwaro ni ku heta emahlweni ka n'wina vaaki hinkwavo va tiko; sweswo hi chavile ngopfu hikwalaho ka vutomi bya hina, emahlweni ka n'wina, kutani hi endlile sweswo.

Yoxuwa 8:31

hilaha Muxe nandza wa Yehovha a leriseke vana va Israele hakona, hilaha ku tsariweke hakona ebukwini ya nawu wa Muxe; yi ri alitari ya maribye lama nga vatliwangiki hi nsimbhi. Va humesela Yehovha kona tiholokosta, ni magandzelo ya ku khensa.

Yoxuwa 8:8

Kutakuloko mi tekile muti, mi ta wu hisa hi ndzilo. Mi ta endla hilaha Yehovha a leriseke hakona. Vonani, ndzi mi lerisile sweswo.”

Yoxuwa 11:13

Kambe Yoxuwa a nga hisanga ni wun'we wa miti leyi ngi yi akiwile eswitsungeni, loko wu nga ri Hasoro ntsena, lowu Yoxuwa a nga wu hisa.

Duteronoma 9:3

Tiva namuntlha leswaku Yehovha, Xikwembu xa wena, u ta hundza a ri yena emahlweni ka wena, a kotisa ndzilo lowu pfurhaka, hi yena la nga ta va heta; a va tsongahata emahlweni ka wena; kutani u ta teka swa vona, u va heta kan'we hilaha Yehovha a ku byeleke hakona.

Yoxuwa 10:20

Kuteloko Yoxuwa ni vana va Israele va va hlaserile va ko va va heta, kambe van'wana va balekela emitini ya makhokholo,

Yoxuwa 13:6

ni vaaki hinkwavo va ntshava ku suka eLebanoni, ku fika eMisrefoto-Mayimi; Vasidoni hinkwavo, Ndzi ta va hlongola emahlweni ka vana Vaisraele. Avanyisa ntsena matiko lawa hi vuhlolotwana, yi ta va ndzhaka ya Israele hilaha ndzi ku leriseke hakona.

Yoxuwa 21:44

Yehovha a va nyika ku wisa hi matlhelo hinkwawo, hilaha a hlambanyeleke vatata wa vona hakona; a ku vanga na un'we wa valala va vona la kotaka ku tiya emahlweni ka vona, Yehovha a va nyiketa hinkwavo emavokweni ya vona.