Yoxuwa 10:42 - Xitsonga (Bibele)

⁴² Yoxuwa a teka kan'we tihosi hinkwato ni matiko ya tona, hikuva Yehovha, Xikwembu xa Vaisraele, a a lwela Israele.

BIBELE Mahungu Lamanene

⁴² Yoxuwa ú kotile ku teka matiko lawa hinkwawo ni tihosi ta wona hi nkarhi wun'we hikuva HOSI Xikwembu xa Israele a xi lwela Vaisraele.

Yoxuwa 10:42 Referans Kwoze

Yoxuwa 10:14

A ku vanga na siku kukota siku lero, hambi ku ri emahlweni, hambi ku ri ndzhaku, loko Yehovha a yingisa rito ra munhu; hikuva Yehovha a a lwela Israele.

Pisalema 46:7

Yehovha wa mavandla u na hina, Xikwembu xa Yakobo i xichavelo xa hina lexi tlakukeke!

Pisalema 80:3

Oho Xikwembu, u tlhela u hi akisa, U vonakisa mombo wa wena kutani hi ta ponisiwa!

Esaya 43:4

Hikuva emahlweni ka mina u ni nkoka, u ni ku dzuneka, na swona ndza ku rhandza; ndzi ta ku kutsula hi vanhu, ni vutomi bya wena hi matiko.

Pisalema 118:6

Yehovha wa ndzi yimele, a ndzi nga chavi nchumu. Munhu a nga ndzi endla yini?

Pisalema 46:11

Yehovha wa tinyimpi u na hina, Xikwembu xa Yakobo i xichavelo xa hina lexi tlakukeke.

Pisalema 46:1

Xikwembu i vuchavelo bya hina ni matimba ya hina, I ku pfuna loku kumiwaka kusuhi emapfalweni.

Duteronoma 20:4

hikuva Yehovha, Xikwembu xa n'wina, u famba na n'wina ku mi lwela eka valala va n'wina ni ku mi ponisa.’

Eksoda 14:25

a hlumule masondzo ya makalichi ya vona, kutani va ma koka hi matimba. Kutani Vaegipta va ku: “A hi balekeni emahlweni ka Vaisraele, hikuva Yehovha a va lwela, a lwa ni Vaegipta.”

Eksoda 14:14

Yehovha u ta mi lwela, kambe n'wina mi ta timiyelela ntsena.”

Yoxuwa 10:43

Kutani Yoxuwa ni Vaisraele hinkwavo va tlhelela emixaxeni, eGiligala.